ИҚДОМ БА ЗЕБОИПАРАСТИВУ ОЗОДАГӢ. Дар шаҳри Хоруғ Ҳафтаи гулшинонӣ эълон гардид
ДУШАНБЕ, 20.04.2022 /АМИТ «Ховар»/. Бо дастури Раиси Вилояти Мухтори Кӯҳистони Бадахшон Алишер Мирзонабот дар шаҳри Хоруғ Ҳафтаи гулшинонӣ эълон карда шуд, зеро ниҳолпарвариву гулшинонӣ ва сабзкорӣ аз қадимулайём барои тоҷикон рамзи зиндагии шоиста, хуррамӣ ва шодобӣ мебошад, иттилоъ медиҳад АМИТ «Ховар» бо истинод ба мақомоти иҷроияи ҳокимияти давлатии ВМКБ.
Барои ободониву шукуфоӣ ва тағйирёбии симои шаҳри Хоруғ ҳамаи роҳбарони идораву муассисаҳои вилоят ва шаҳр муваззаф гардиданд, ки атрофи идораву муассисаи худро ба тартиб дароварда, гул шинонанд.
Гулҳои зебову рангоранг аз шаҳри Душанбе дастрас ва ба масъулини идораву муассисаҳои шаҳри Хоруғ тақсим карда шуданд.
Кормандони мақомоти иҷроияи ҳокимияти давлатии Вилояти Мухтори Кӯҳистони Бадахшон ва шуъбаи фарҳанги вилоят бо роҳбарии муовини якуми раиси ВМКБ Низом Мирзозода ва муовини раиси ВМКБ Нилуфар Асламшоева ба ҳашар баромада, дар пеши театри вилоятӣ ба номи Меҳрубон Назаров гулҳои рангоранг ва зебо шинонданд.
Мавриди зикр аст, ки шаҳри Хоруғ дар замони соҳибистиқлолии мамлакат симои зоҳирии худро куллан тағйир додааст. Қомат афрохтани ноҳолҳои ҳамешасабз ва гулҳои рангоранг ба зебоии шаҳр ҳусну таровати тоза мебахшад. Сабзазоркуниву гулшинонӣ миёни мардуми тоҷик чун рамзи сарсабзӣ ва зебоӣ маҳбубияти хосса дошта, чунин иқдом шаҳрвандонро ба зебоипарастиву озодагӣ талқин менамояд.
АКС: МИҲД ВМКБ
БАРНОМАИ РУШДИ ПАРВАРИШИ ПАВЛОВНИЯ ДАР ТОҶИКИСТОН. Як дарахти он метавонад 22 кг гази карбонро фурӯ бурда, 6 кг оксиген хориҷ намояд
Дар Истаравшан дар 7 гектар ниҳолҳои павловния шинонида шуданд
НАЗАРИ КОРШИНОС. Дар раванди cабзазоркунӣ бояд аз растаниҳои маҳаллӣ бештар истифода намуд
Дар шаҳри Бӯстон беш аз 2 ҳазор бех дарахти ҳамешасабз шинонида шуд
Дар Душанбе дар мавсими ниҳолшинонӣ 4300 бех ниҳоли дарахтони ороишӣ ва ҳамешасабз шинонда шуд
СИЁСАТИ НИҲОЛШИНОНИИ ПЕШВОИ МИЛЛАТ. Яке аз сабабҳои зиёд омадани селобҳои зиёд нестшавии дарахтон дар кӯҳҳову баландиҳои назди маҳалҳои зист мебошад
«БА ДАРАХТОН ОБ ДИҲЕД!». Таҳти ин унвон Кумитаи иҷроияи Ҳизиб Халқии Демократии Тоҷикистон дар ноҳияи Сино маъракаи ҳизбӣ мегузаронад
Зиёда аз 4 ҳазор дарахтони ороишию мевадиҳандаи боғи навбунёди ноҳияи Мурғоб зимистони сардро бе зарар гузарониданд
Дар Боғи «Ирам» намоишгоҳи ҷумҳуриявии хайриявии гулу растанӣ баргузор шуд
Пешвои миллат Эмомалӣ Раҳмон дар шаҳри Пистояи Италия бо таҷрибаи пешқадами ниҳолпарварӣ ва сабзгардонии муҳити зист шинос гардиданд
ДАРАХТ БИНШОН! Дар Мастчоҳ беш аз 4000 бех ниҳоли ороишиву ҳамешасабз ва мевадиҳанда шинонида мешавад
ДАРАХТ БИНШОН! Дар ноҳияи Лахш 1200 бех ниҳоли мевадиҳанда ва ҳамешасабзу ороишӣ шинонида шуд
