Иқтидори Агентии назорати маводи нашъаовари назди Президенти Ҷумҳурии Тоҷикистон таҳким меёбад
ДУШАНБЕ, 02.04.2022. /АМИТ «Ховар»/. Иқтидори Агентии назорати маводи нашъаовари назди Президенти Ҷумҳурии Тоҷикистон баланд бардошта мешавад. Дар ин бора 31 март зимни мулоқоти директори Агентӣ Ҳабибулло Воҳидзода бо Роҳбари Дафтари барномавии Раёсати СММ оид ба маводи нашъаовар ва ҷинояткорӣ дар Тоҷикистон Мустафо Юнал Эртен иттилоъ дода шуд. Дар ин бора ба АМИТ «Ховар» дар Агентии назорати маводи нашъаовари назди Президенти Ҷумҳурии Тоҷикистон хабар доданд.
Зимни мулоқот масъалаҳои ҳамкории дуҷониба дар доираи лоиҳаҳои Барномавии Раёсати СММ барои Осиёи Марказӣ ва натиҷаи иштироки ҳайати Тоҷикистон дар 65-умин Иҷлосияи Комиссияи СММ оид ба маводи нашъаовар дар шаҳри Вена, инчунин амалишавии лоиҳаи «Маркази таълимии Агентии назорати маводи нашъаовари назди Прзиденти Ҷумҳурии Тоҷикистон (АНМН) Фаза 11» Барномаи Раёсати СММ барои Осиёи Марказӣ баррасӣ гардид.
Мустафо Эртен оид ба оғози амалисозии лоиҳаи нав бо Агентӣ «Баланд бардоштани иқтидори Агентии назорати маводи нашъаовар» иттилоъ дод.
Барномаи мазкур барои мустаҳкам намудани иқтидори шуъбаи махсус ва экспертизаи судӣ, инчунин дигар воҳидҳои сохтории Агентӣ мусоидат хоҳад кард. Лоиҳаи мазкур тайи 24 моҳи оянда бо харҷи 900 000 доллари ИМА амалӣ карда мешавад.
Ҳадафи асосии лоиҳа аз баланд бардоштани иқтидори Агентӣ дар мубориза бар зидди ҷиноятҳои муташаккили фаромиллӣ ва муомилоти ғайриқонунии маводи нашъаовар, ҳамчунин муомилоти ғайриқонунии маводи нашъаовари нав пайдошуда, аз ҷумла самарабахш вокуниш нишон додан ҳангоми ошкор, тафтиш ва таъқиби ҷиноӣ бо истифода аз воситаҳои махсуси тафтишотӣ мусоидат менамояд.
Лоиҳа аз ҷониби шуъбаи назорати маводи нашъаовар ва тартиботи ҳуқуқии Депортаменти Давлатии ИМА (INL) маблағгузорӣ карда мешавад.
АКС: Агентии назорати маводи нашъаовари назди Президенти ҶТ
Натиҷаҳои даъвати шаҳрвандон ба сафи Қувваҳои Мусаллаҳи Тоҷикистон ҷамъбаст гардиданд
ФАРЗАНДОНИ ХУДРО БЕНАЗОРАТ НАГУЗОРЕД! Ҳангоми шиноварӣ қоидаҳои бехатариро бояд риоя намуд
Ҳайати Тоҷикистон дар ҷаласаи вазирони корҳои дохилии давлатҳои аъзои СҲШ дар Бишкек иштирок намуд
Тоҷикистон ва Эрон ҳамкориро дар самти мубориза бар зидди ҷиноятҳои муташаккили фаромиллӣ тақвият мебахшанд
Эмомалӣ Собирзода дар ҷаласаи Шурои вазирони мудофиаи кишварҳои аъзои Созмони Аҳдномаи амнияти дастҷамъӣ иштирок кард
РӮЗИ КОРМАНДОНИ МАҚОМОТИ НАЗОРАТИ МАВОДИ НАШЪАОВАР. Ба ин муносибат ҷаласаи тантанавӣ баргузор гардид
Таҳти унвони «Нақши зеҳни сунъӣ дар рушди Қувваҳои Мусаллаҳ» конференсияи ҷумҳуриявии илмӣ-ҳарбӣ доир шуд
Раёсати ВКД дар вилояти Хатлон: «Таътили тобистона бояд ба давраи тарбия, донишандӯзӣ ва истироҳати солим табдил ёбад»
Юсуф Раҳмон дар Форуми байналмилалии амният ва Вохӯрии байналмилалии намояндагони воломақом иштирок намуд
РӮЗИ ҚӮШУНҲОИ САРҲАДӢ. Афсарону сарбозони ин ниҳод рисолати фарзандии худро дар назди Ватан – Модар ва халқу давлат бо сарбаландӣ адо менамоянд
Котиби Шурои амнияти Тоҷикистон дар Вохӯрии котибони шуроҳои амният дар қолаби «Осиёи Марказӣ – Русия» иштирок намуд
Юсуф Раҳмон дар ҷаласаи Кумитаи котибони шуроҳои амнияти Созмони Аҳдномаи амнияти дастҷамъӣ иштирок намуд
