Иншооти таърихиву фарҳангии Суғд ба силсилаҷоизаи Шоҳроҳи Бузурги Абрешим аз гузаргоҳи минтақавии «Фарғона-Сирдарё» ворид мегарданд
ДУШАНБЕ, 12.04.2022 /АМИТ «Ховар»/. Имрӯзҳо бо дастгирии ЮНЕСКО омӯзиши ҳуҷҷатҳои Қалъаи Хуҷанд, Маҷмааи меъмории Шайх Муслиҳиддин, Қалъаи Ширини ноҳияи Спитамен, мақбараи Ҳазрати Шоҳи шаҳри Исфара, қалъаи Қаҳ-қаҳаи ноҳияи Шаҳристон, мадрасаи Абдулатиф Султон (Нуҳ гумбаз)-и шаҳри Истаравшан идома дошта, дар назар аст, ки иншооти таърихиву фарҳангӣ ба силсилаҷоизаи Шоҳроҳи Бузурги Абрешим аз гузаргоҳи минтақавии «Фарғона-Сирдарё» ворид карда шаванд. Дар ин бора котиби матбуоти Раиси вилояти Суғд Музаффар Юнусов ба АМИТ «Ховар» хабар дод.
11 апрел Раиси вилояти Суғд Раҷаббой Аҳмадзода бо намояндаи минтақавии ЮНЕСКО дар Осиёи Марказӣ хонум Криста Пиккат мулоқот кард.
Раиси вилоят аснои мулоқот ба нақши ЮНЕСКО дар ҳифзу нигоҳдошти ёдгориҳои таърихӣ, рушди илму маориф ва тиббу фарҳанг баҳои баланд дода, аз ҳамкории судманд бо ин ниҳоди байналмилалӣ изҳори қаноатмандӣ намуд.
Таъкид карда шуд, ки новобаста аз мавҷудияти пандемия соли 2020 бо дастгирии ЮНЕСКО 5500-солагии Саразми бостонӣ, ки 31 июли соли 2010 ба Феҳристи мероси фарҳангии умумибашарии ЮНЕСКО дохил шуда буд, дар сатҳи баланд таҷлил гардид.
Иттилоъ дода шуд, ки дар шаҳру ноҳияҳои вилояти Суғд 1190 ёдгории таърихию фарҳангӣ мавҷуд буда, аз онҳо 13 ададаш дорои аҳамияти умумибашарӣ, 91 адад дорои аҳамияти ҷумҳуриявӣ ва 1086 адад дорои аҳамияти маҳаллӣ мебошанд.
Ин ёдгориҳо муаррифи фарҳанги оламшумули миллати тоҷик буда, ба ҷалби сайёҳон аз хориҷи дуру наздик мусоидат менамоянд.
Криста Пиккат бо изҳори қаноатмандӣ аз ҳамкории судманди мақомоти иҷроияи ҳокимияти давлатии вилоят бо ташкилоти байналмилалии ЮНЕСКО барои амалисозиии тарҳҳои гуногун ибрози андеша намуд.
Ҷонибҳо ҳамзамон барои тақвияти ҳамкорӣ ва муаррифии мероси фарҳангии миллати тоҷик ба ҷаҳониён мубодилаи афкор намуданд.
АКС: Хадамоти матбуоти Раиси в. Суғд
Ду озмоишгоҳи Институти химияи Академияи миллии илмҳои Тоҷикистон бо технологияи муосир муҷаҳҳаз карда шуд
Рӯзҳои фарҳанги Ҷумҳурии Тоҷикистон дар Федератсияи Русия идома доранд
Ёдгориҳои ёфтшуда аз шаҳристони Ҳулбук арзиши баланди илмӣ дошта, дар байни таҳқиқоти солҳои охир беназир маҳсуб мешаванд
«Шоҳнома»-и Фирдавсӣ бояд машъалафрӯзи ҳар хонадони тоҷик бошад ва анъанаи неки шоҳномасароӣ барқарор шавад
Вобаста ба таъсири зеҳни сунъӣ ба ҳастии инсоният конференсияи ҷумҳуриявӣ баргузор шуд
«ШОҲНОМА — ОРМОНИ МИЛЛӢ». Он мактаби худшиносӣ ва парчами ифтихори миллии мо аст
Ҳамкории Академияи миллии илмҳои Тоҷикистон бо Маркази пажӯҳишӣ ва машваратии TRENDS густариш меёбад
Иштирокдорони Конфронси байналмилалии сатҳи баланд оид ба ҳифзи пиряхҳо аз Чин бо яке аз маконҳои таърихии Тоҷикистон шинос шуданд
Қобилҷон Хушвахтзода: «Ташаббусҳои Пешвои миллат оид ба масоили об дар ҳалли масъалаҳои истифодаи оқилонаи захираҳои обии сайёра нақши муҳим доранд»
Намоиши ёдгориҳои таърихии Ҷумҳурии Тоҷикистон дар Ҷумҳурии Мардумии Чин баргузор мегардад
Муовини Сарвазири Тоҷикистон Дилрабо Мансурӣ бо ёрдамчии Дабири кулли ЮНЕСКО Лидия Артур Брито мулоқот намуд
КОНФРОНСИ БАЙНАЛМИЛАЛИИ САТҲИ БАЛАНД ОИД БА ҲИФЗИ ПИРЯХҲО. Обшавии босуръати пиряхҳо дар Арктика ва Антарктида боиси ноустувории қабатҳои ях мегардад
