Маркази робитаҳои ҷамъиятии Раёсати КДАМ ҶТ дар ВМКБ хабар медиҳад

Апрель 12, 2022 21:31

ДУШАНБЕ, 12.04.2022 /АМИТ «Ховар»/. Имрӯз, 12 апрел дар натиҷаи гузаронидани чорабиниҳои оперативӣ-ҷустуҷӯӣ аз ҷониби кормандони Раёсати Кумитаи давлатии амнияти миллии Тоҷикистон дар Вилояти Мухтори Кӯҳистони Бадахшон айбдоршаванда – сокини шаҳри Хоруғ Хуршедшо Султоншоев, ки қаблан соли 2010 бо моддаи 200-и Кодекси ҷиноятӣ барои муомилоти ғайриқонунии воситаҳои нашъадор ба муҳлати 9 сол аз озодӣ маҳрум гардида буд, дастгир карда шуд. Дар ин бора ба АМИТ «Ховар» дар маркази робитаҳои ҷамъиятии Раёсати КДАМ ҶТ дар ВМКБ хабар доданд.

«12-уми апрели соли ҷорӣ дар натиҷаи гузаронидани чорабиниҳои оперативӣ-ҷустуҷӯӣ аз ҷониби кормандони Раёсати КДАМ дар ВМКБ айбдоршаванда Султоншоев Хуршедшо Мамадасанхонович, соли таваллудаш 1984, сокини шаҳри Хоруғ, маҳаллаи “Хоруғи боло”, кӯчаи М.Иҷубов, хонаи 73, ки қаблан соли 2010 бо моддаи 200-и КҶ ҶТ барои муомилоти ғайриқонунии воситаҳои нашъадор ба муҳлати 9 сол аз озодӣ маҳрум гардида буд, дастгир карда шуд», — омадааст дар хабари марказ.

Гуфта мшавад, ки зимни амалиёти дастгиркунӣ аз айбдоршаванда Х. Султоншоев 1 адад норинҷаки ҷангии РГД-5 ва миқдори муайяни воситаи нашъадор, инчунин ҳабҳои  «экстазӣ» дарёфт ва мусодира карда шуданд.

Бояд зикр намуд, ки нисбати айбдоршаванда 9 ноябри соли 2020 аз ҷониби Прокуратураи ВМКБ бо дастрасии моддаҳои 237, қисми 3 (авбошӣ дар ҳайати гурӯҳӣ), 328, қисми 1 (истифодаи зӯроварӣ ба муқобили намояндаи ҳокимият) ва 330, қисми 1 (таҳқири намояндаи ҳокимият)-и Кодекси ҷиноятии Ҷумҳурии Тоҷикистон парвандаи ҷиноятии №61178 оғоз карда шуда, номбурда расман дар кофтуков қарор дошт.

ДАР АКС: Хуршедшо Султоншоев

Х. Султоншоев 4 ноябри соли 2020 бо ҳамроҳии се нафар айбдоршавандагони расман дар ҷустуҷӯ қарордошта — Шабонов Ҷамшед Шокирҷонович, Зикилобеков Сино Файзалибекович ва Ақназаров Ақназар Алиназарович тавассути автомашинаи сабукрави тамғаи «Тайота», бо аломати қайди давлатии 0005АА04 ба дидбонгоҳи доимоамалкунандаи БДА дар деҳаи Бидурди ноҳияи Шуғнон ҳозир шуда, нисбати кормандони милитсия, ки вазифаҳои хизматии худро иҷро менамуданд, дашному ҳақоратҳои қабеҳ дода, аз ҷойи ҳодиса ғайб мезанад.

Дар баробари ин, нисбат ба дастгиршуда Х. Султоншоев 6 апрели соли 2020 аз ҷониби ВКД ҶТ бо дастрасии моддаи 200, қисми 3-и Кодекси ҷиноятии ҶТ барои даст доштан ба хариду фурӯши воситаҳои нашъадор парвандаи ҷиноятии №38555 оғоз гардида, охирин аз 24 феврали соли 2021 дар ҷустуҷӯи расмӣ қарор дошт.

Бояд тазаккур дод, ки аз ҷониби Прокуратураи ВМКБ ба Х. Султоншоев якчанд маротиба барои ҳозир шудан ба пурсиш расман даъватнома фиристода шудааст. Вале номбурда аз даъват ба мақомотҳои ҳифзи ҳуқуқ барқасдона саркашӣ намудааст.

Нисбат ба дастгиршуда Х. Султоншоев дар Прокуратураи ВМКБ ҳаракатҳои тафтишотӣ идома дорад.

АКС аз бойгонӣ

Апрель 12, 2022 21:31

Хабарҳои дигари ин бахш

Дар Хоруғ гурӯҳи кории корманд-занони мақомоти ҳифзи ҳуқуқ ва сохторҳои таъмини амният дар Бадахшон қадрдонӣ шуд
Дар Хатлон марҳилаи якуми амалиёти «Нелегал-2022» идома дорад
Ҷаласаи навбатии Шӯрои вазирони адлияи давлатҳои иштирокчии ИДМ дар Тоҷикистон доир мешавад
Музаффар Ашуриён бо Вазири адлияи Русия Константин Чуйченко мулоқот намуд
АМАЛИЁТИ «КОРД». Дар Душанбе фурӯшандагони силоҳи сард дастгир гардиданд
Бо мақсади баланд бардоштани маърифати ҳуқуқии афсарон ҳамоиши методӣ-таълимӣ баргузор гардид
ДАР АФҒОНИСТОН БОЗ МУСИБАТ. Бар асари заминларза беш аз ҳазор нафар ба ҳалокат расиданд, СММ аз ҷомеаи ҷаҳонӣ даъват кард, ки дар робита ба фоҷеа ба ин кишвар кумак намоянд
Қонуни Ҷумҳурии Тоҷикистон «Дар бораи истеҳсолоти иҷро» дар таҳрири нав таҳия гардид
ДАР АФҒОНИСТОН ЗАМИНЛАРЗАИ ШАДИД РУХ ДОД. 280 нафар ба ҳалокат расида, беш аз 600 кас ҷароҳат бардоштанд
КОРВОНИ ЗИДДИМУХАДДИРОТӢ — 2022. Таҳти ин унвон дар як қатор шаҳрҳои Тоҷикистон чорабиниҳои фарҳангӣ-фароғатӣ ва варзишӣ гузаронида мешаванд
Насрулло Маҳмудзода дар ҷаласаи котибони шӯроҳои амнияти кишварҳои узви СААД дар Ереван ширкат варзид
СИТОДИ БАЙНИИДОРАВӢ ХАБАР МЕДИҲАД: Фаъолияти гурӯҳҳои муташаккили террористӣ дар қаламрави ВМКБ ба пуррагӣ қатъ карда шуд