Масоили содироти маҳсулоти Тоҷикистон ба бозорҳои шаҳри Санкт-Петербург баррасӣ шуд

Апрель 18, 2022 16:14

ДУШАНБЕ, 18.04.2022 /АМИТ «Ховар»/. Сафири Фавқулода ва Мухтори Ҷумҳурии Тоҷикистон дар Федератсияи Русия Давлатшоҳ Гулмаҳмадзода 12-15 апрел ба шаҳри Санкт-Петербург сафари корӣ анҷом дод. Дар ин бора АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.

Роҳбари намояндагии дипломатии Тоҷикистон дар ҷараёни сафари корӣ бо Губернатори шаҳри Санкт-Петербург Александр Беглов мулоқот кард. Зимни суҳбат ҷонибҳо оид ба вазъи кунунӣ ва дурнамои ҳамкории тиҷоративу иқтисодӣ миёни минтақаҳои Ҷумҳурии Тоҷикистон ва шаҳри Санкт-Петербург табодули афкор намуданд.

Сафири Тоҷикистон аҳамияти истифодаи зарфияти мавҷуда ҷиҳати тавсеа ва таҳкими ҳамкорӣ дар соҳаҳои тиҷоративу иқтисодӣ ва ҷалби сармояро зикр намуд. Аз ҷумла, масоили содироти маҳсулоти Тоҷикистон ба бозорҳои ш. Санкт-Петербург ва таъсиси корхонаҳои муштарак дар қаламрави минтақаҳои озоди иқтисодии Тоҷикистон мавриди муҳокима қарор гирифт.

А. Беглов зарурати роҳандозии ҳамкорӣ миёни муассисаҳои таълимии Ҷумҳурии Тоҷикистон ва шаҳри Санкт-Петербург, таҳияи барномаҳои муштараки омӯзишии таъриху фарҳанги Тоҷикистон ва Русияро таъкид намуд.

13 апрели соли 2022 Сафири Ҷумҳурии Тоҷикистон бо Президенти палатаи савдо ва саноати Санкт-Петербург Владимир Катенев вохӯрӣ намуд. Дар мулоқот масоили дурнамои рушди ҳамкории тиҷоратию иқтисодӣ ва сармоягузорӣ, тавсеаи гардиши молу маҳсулот миёни минтақаҳои Тоҷикистон ва ш. Санкт-Петербург мавриди баррасӣ қарор гирифт. Ҳамзамон мусоҳибон иштироки доираҳои тиҷоратии Санкт-Петербургро дар ҳамоиши сармоягузории “Тоҷикистон-Русия”, ки 28 апрели соли 2022 дар Душанбе баргузор мешавад, баррасӣ  намуданд.

Д. Гулмаҳмадзода зимни сафар ҳамҷунин бо аъзои Шӯрои ҳамоҳангсози ҳамватанон ва донишҷӯёни тоҷикистоние, ки дар мактабҳои олии ш.Санкт-Петербург таҳсил мекунанд, мулоқот доир намуд. Дар вохӯрӣ Роҳбари намояндагӣ нуктаҳои асосии Паёми Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба Маҷлиси Олии Ҷумҳурии Тоҷикистон, дастовардҳои ҷумҳурӣ дар соҳаҳои гуногун ва таҳкими нақши кишвар дар арсаи байналмилалиро шарҳ дод.

АКСҲО: ВКХ ҶТ

Апрель 18, 2022 16:14

Хабарҳои дигари ин бахш

Имрӯз дар шаҳри Нур-Султон нишасти кории роҳбарони Марказҳои тадқиқоти стратегии Осиёи Марказӣ доир гардид
Дар Вена бахшида ба 30-юмин солгарди барқароршавии робитаҳои дипломатӣ миёни Тоҷикистон ва Австрия мизи мудаввар баргузор гардид
Дар Таллин дар ҳамоиши махсус натиҷаҳои Конфронси дуюми байналмилалии Душанбе муаррифӣ гардиданд
Тоҷикистон ва Нидерланд баргузории Конфронси дуюми байналмилалии сатҳи баландро дар Душанбе натиҷагирӣ намуданд
Тоҷикистон ва Ҳиндустон ҳамкориро дар бахшҳои илму фанноварӣ баррасӣ карданд
Ҳайати Тоҷикистон дар Симпозиуми сатҳи баланд оид ба об дар Лисабон иштирок намуд
Ҳайати Тоҷикистон дар Конфронси Созмони Миллали Муттаҳид оид ба уқёнус дар Лисабон иштирок намуд
Дар Истанбул дурнамои ҳамкории дуҷонибаи Тоҷикистон ва Туркия мавриди баррасӣ қарор гирифт
Дар Душанбе ҷаласаи навбатии гурӯҳҳои кории топографии ҳайатҳои ҳукуматии Тоҷикистон ва Қирғизистон баргузор гардид
Имрӯз дар қароргоҳи ИДМ дар Минск ҷаласаи навбатии Шӯрои намояндагони доимӣ баргузор мешавад
Дар Давҳа бахшида ба 25-солагии Рӯзи Ваҳдати миллӣ ва 30-солагии Иҷлосияи XVI Шӯрои Олии Ҷумҳурии Тоҷикистон ҳамоиш баргузор гардид
Ҷо Байден номзадии Микаллерро ба мақоми сафири ИМА дар Тоҷикистон пешбарӣ намуд