Саидиброҳимови дар ҷустуҷӯбуда бо худиқрорӣ ба мақомоти милитсия ҳозир гардид
ДУШАНБЕ, 19.04.2022 /АМИТ «Ховар»/. Дирӯз, 18 апрел сокини шаҳри Хоруғи Вилояти Мухтори Кӯҳистони Бадахшон Фирӯз Саидиброҳимов, ки бинобар содир намудани ҷинояти авбошӣ дар ҷустуҷӯи мақомот қарор дошт, бо ихтиёри худ ба Раёсати ВКД дар ВМКБ ҳозир гардид. Дар ин бора ба мухбири АМИТ «Ховар» дар Раёсати мазкур иттилоъ доданд.
Зимни корбарии мутақобилан судманди роҳбарияти мақомоти корҳои дохилии вилоят бо наздикону пайвандони ҷустуҷӯшаванда аз маҳаллаи Сайфулло Абдуллоеви шаҳри Хоруғ шаҳрванд Саидиброҳимов Фируз Фарҳодович, санаи таваллудаш 26.03.1991, сокини шаҳри Хоруғ, кӯчаи Ш.Шоҳтемур, ки аз 01.10.2021 сол бо парвандаи ҷустуҷӯӣ барои содир намудани ҷинояти авбошӣ аз рӯи моддаи 237-и Кодекси ҷиноятии Ҷумҳурии Тоҷкистон дар ҷустуҷӯи расмӣ қарор дошт, бо ихтиёри худ ба Раёсати ВКД дар ВМКБ ҳозир гардид.
Ёдовар мешавем, ки ҷиҳати тақвияти ҳамкории дуҷониба миёни мақомоти милитсия бо аҳолӣ силсиламулоқоти озоду ошкорои сардори Раёсати ВКД дар Вилояти Мухтори Кӯҳистони Бадахшон Шариф Назарзода бо сокинони маҳаллаҳои шаҳри Хоруғ баргузор гардида истодааст, ки ҳолати мазкур самараи он аст.
Дар вохӯрии навбатие, ки дар маҳаллаи Сайфулло Абдуллоев (собиқ Гулакен)-и шаҳри Хоруғ баргузор гардид, дар баробари масъалаҳои вобаста ба тартиботу суботи ҷомеа, ҳамзамон масъалаи мусоидат намудани аҳли ҷамоат, фаъолони маҳал ва наздикону пайвандони ҷинояткорони дар ҷустуҷӯқарордошта ҷиҳати бо ихтиёри худ ҳозир шудани ҷустуҷӯшавандагон ба мақомоти милитсия баррасӣ гардид. Таъкид гардид, ки ин иқдом ҳангоми таъйини ҷазо ҳамчун ҳолати сабуккунанда ба назар гирифта мешавад.
Зимнан, сардори Раёсати ВКД дар ВМКБ Шариф Назарзода доир ба тадбирҳои андешидаи мақомоти корҳои дохилии вилоят ҷиҳати таъмини волоияти қонун, ҳифзи ҳуқуқу манфиатҳои шаҳрвандон, барқарор намудани ҳуқуқҳои поймолшудаи сокинон ва ба ин васила таъмин намудани адолати иҷтимоӣ, бурдани корҳои фаҳмондадиҳӣ ҷиҳати бо ихтиёри худ ба мақомоти милитсия ҳозир гардидани нафарони дар ҷустуҷӯ қарордошта ҳарф зада, дар ин раванд муносибатҳои дуҷонибаи ҳамкориро аз фаъолону бошандагони маҳаллаи Сайфулло Абдуллоев тақозо намуд.
Дар айни замон тафтиши парвандаи ҷиноятӣ нисбат ба Фируз Саидиброҳимов оғоз гардидааст.
АКС: РВКД дар ВМКБ
Байни Суди Олии Тоҷикистон ва Созмони умумиҷаҳонии моликияти зеҳнӣ Ёддошти тафоҳум оид ба ҳамкорӣ ба имзо расид
Дар Тоҷикистон нақшаи даъвати тирамоҳӣ ба сафи Қувваҳои Мусаллаҳ 84 фоиз иҷро шуд
Дар ноҳияи Исмоили Сомонии шаҳри Душанбе нақшаи даъвати ҳарбӣ 100 фоиз иҷро гардид
Намояндагони мақомоти судии Тоҷикистон ва Узбекистон дар Минск густариши муносибатҳои судӣ-ҳуқуқиро баррасӣ намуданд
Ноҳияи Шоҳмансури шаҳри Душанбе нақшаи даъвати ҳарбиро 100 фоиз иҷро намуд
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Хуҷанд 100 фоиз иҷро гардид
Машварати понздаҳуми Шурои марказии Ҷамъияти ихтиёрии мусоидат ба артиш, авиатсия ва флоти ИДМ доир шуд
Бонки миллии Тоҷикистон ҳушдор медиҳад, ки ҳангоми истифодаи хизматрасонии бонкии рақамӣ эҳтиёткор бошед
Ҷавонони шаҳри Турсунзода бо гирифтани шаҳодатномаи ронандагӣ ба хизмати ҳарбӣ рафтанд
Хадамоти ҳифзи давлатии объектҳо оид ба муҳофизати шаҳраки Ғарми ноҳияи Рашт бо нақлиёти махсуси оташнишонӣ таъмин гардид
ДАЪВАТИ ТИРАМОҲӢ. Дар Муъминобод ба 20 ҷавон шаҳодатномаи ронандагӣ супорида шуд
Ҳабибулло Воҳидзода бо Котиби иҷроияи Шурои ҳамоҳангсозии прокурорҳои генералии давлатҳои аъзои ИДМ Александр Баженов вохӯрӣ намуд
