Тоҷикистон аз вусъати ҳамкорӣ бо Ҷопон дар таҷдид ва таъмири роҳҳои мошингард қаноатманд аст
ДУШАНБЕ, 22.04.2022 /АМИТ «Ховар»/. Дар зарфи 30 соли барқарории муносибатҳои дипломатӣ миёни Тоҷикистон ва Ҷопон дар мамлакати мо бо дастгирии давлати Ҷопон 9 лоиҳа оид ба таҷдиду таъмири роҳҳои мошингард татбиқ гардида, дар айни замон 2 лоиҳа дар соҳаи нақлиёт дар марҳилаи амалишавӣ қарор доранд. Ин нукта зимни мулоқоти Вазири нақлиёти Тоҷикистон Азим Иброҳим ва Сафири Фавқулода ва Мухтори Ҷопон дар Ҷумҳурии Тоҷикистон Тошихиро Аики дар Душанбе зикр гардид.
Ба АМИТ «Ховар» дар Вазорати нақлиёти мамлакат иттилоъ доданд, ки мусоҳибон маҷмӯи масъалаҳои таҳкими ҳамкориро дар соҳаи нақлиёт баррасӣ намуданд.
Гуфта шуд, ки дар тӯли 6 соли охир беш аз 68 нафар мутахассисони соҳаи нақлиёт дар Ҷопон аз курсҳои такмили ихтисос гузаштанд.
Вазири нақлиёт ҳамчунин барои вусъати ҳамкории минбаъда дар соҳаи нақлиёт ба сафири Ҷопон таклифҳо пешниҳод намуд.
Сафири Ҷопон бо умеди тақвияти ҳамкории дуҷониба иброз дошт, ки минбаъд низ ҳамкорӣ дар соҳаи нақлиёт бо Тоҷикистон рушд хоҳад ёфт.
Вазири нақлиёт аз вусъати ҳамкорӣ ҷиҳати сохтмон ва таҷдиди роҳҳои мошингард бо дастгирии Ҳукумати Ҷопон ва Агентии Ҷопон оид ба ҳамкории байналмилалӣ (JICA) изҳори қаноатмандӣ намуд.
АКС: Вазорати нақлиёти Тоҷикистон
Раиси Палатаи ҳисоби Тоҷикистон дар машварати байналмилалӣ дар Чин иштирок намуд
Кормандони соҳаи алоқа бо мукофотҳои давлатӣ сарфароз гардиданд
Беш аз 75 фоизи иқтидори умумии энергетикии Тоҷикистон дар ҳудуди вилояти Хатлон ҷойгир мебошад
Ба ифтихори 35-солагии Истиқлоли давлатӣ сохтмончиёни НБО-и «Роғун» бо мукофотҳои давлатӣ сарфароз гардонида шуданд
Эмомалӣ Раҳмон: «Дар вилояти Хатлон беш аз 100 лоиҳаи сармоягузории давлатӣ амалӣ гардид»
Бахшида ба 35-солагии Истиқлолияти давлатӣ дар Фурудгоҳи байналмилалии Душанбе ҷамъомади тантанавӣ доир шуд
Дар Хоруғ рушди рақамикунонӣ дар низоми энергетикии Бадахшон баррасӣ шуд
Бахшида ба 35-солагии Истиқлоли давлатӣ дар Кумитаи ҳифзи муҳити зист ҷамъомади тантанавӣ баргузор шуд
Тоҷикистон ва Кувайт ҳамкории байнибонкиро тақвият медиҳанд
Бахшида ба Рӯзи авиатсияи граждании Ҷумҳурии Тоҷикистон дар Душанбе ҷамъомади тантанавӣ доир гардид
Бонки миллии Тоҷикистон ба ифтихори 35-солагии Истиқлоли давлатии Ҷумҳурии Тоҷикистон тангаҳои хотиравиро ба фурӯш баровард
