Тоҷикистон ният дорад, ки содироти сементро ба 2 миллион тонна расонад
ДУШАНБЕ, 18.04.2022 /АМИТ «Ховар»/. Тоҷикистон тасмим гирифтааст, ки то соли 2024 содироти сементро ба 2 миллион тонна расонад. Тавре дар пешгӯии нишондиҳандаҳои асосии макроиқтисодии Ҷумҳурии Тоҷикистон барои солҳои 2022-2024 зикр гардид, афзоиши солонаи содироти семент 200 ҳазор тонна пешбинӣ шудааст. То он вақт ҳаҷми истеҳсоли ин масолеҳи сохтмонӣ ба 7 миллион тонна расонида мешавад, хабар медиҳад хабаргузории «Авеста».
Дар сохтори саноати ҷумҳурӣ гуфта мешавад, ки иқтидорҳои нави истеҳсолӣ ва ҳаҷми истеҳсоли семент сол аз сол меафзояд. Аммо дар баробари афзоиши истеҳсолот талаботи дохилӣ ба ин масолеҳи бинокорӣ меафзояд. Тамоми талаботи дохилӣ ба семент, ба истиснои сементи ранга (талабот ба миқдори кам) аз ҳисоби истеҳсоли ватанӣ қонеъ карда мешавад.
Феълан дар Тоҷикистон 16 корхона ба истеҳсоли семент машғуланд, ки иқтидори солонаи онҳо дар маҷмӯъ 5,6 миллион тонна маҳсулот арзёбӣ мешавад. Соли гузашта дар Тоҷикистон беш аз 4,2 миллион тонна семент истеҳсол карда шуд.
Тибқи омор, ҳамасола ҳудуди 1,5 миллион тонна семент аз ҳаҷми умумии истеҳсолшуда ба кишварҳои ҳамсоя содирот мешавад.
ДАР АКС: 23 ноябри соли 2016 Президенти Ҷумҳурии Тоҷикистон Эмомалӣ Раҳмон дар ноҳияи Бобоҷон Ғафуров ҶДММ «Хуаксин Ғаюр-Суғдсемент»-ро ифтитоҳ намуданд. АКС: Хадамоти матбуоти Президенти Ҷумҳурии Тоҷикистон / АМИТ «Ховар»
Президенти Тоҷикистон: «Дар 25 соли охир ба рушди иқтисоди мамлакат 760 миллиард сомонӣ сармоя равона гардидааст»
Дар хиёбони Саъдии Шерозии шаҳри Душанбе сохтмони як гузаргоҳ ва як пули мошингард оғоз меёбад
Султон Раҳимзода: «Тоҷикистон ба марҳилаи нави рушди шарикии давлат ва бахши хусусӣ ворид мешавад»
Дар Душанбе ғолибони Озмуни ҷумҳуриявии «Соҳибкори сол – 2026» бо ҷоизаҳо қадрдонӣ карда шуданд
Густариши фаъолияти Корпоратсияи байналмилалии молиявӣ дар Тоҷикистон баррасӣ гардид
Дар Ҷумҳурии Тоҷикистон шумораи соҳибкорзанони фаъол ба 110 ҳазор нафар расид
«Саноатсодиротбонк» дар номинатсияи «Беҳтарин соҳибкор дар соҳаи бонкдорӣ» ғолиб гардид
Маҷмуи маҳсулоти дохилии Вилояти Мухтори Кӯҳистони Бадахшон дар нуҳ моҳ ба 1,5 миллиард сомонӣ расонида шуд
Дар шаҳри Бангкок густариши ҳамкории Тоҷикистон бо Хазинаи байналмилалии асъор баррасӣ гардид
Дар Форуми ҷаҳонии озуқаворӣ имконоти соҳаи кишоварзии Тоҷикистон муаррифӣ гардид
MADE IN TAJIKISTAN. Дар доираи Форуми соҳибкории «Тоҷикистон, ба пеш!» маҳсулоти истеҳсоли ватанӣ муаррифӣ гардид
14 ОКТЯБР–РӮЗИ СОҲИБКОРОН. Соҳибкорон неруи бузургу пешбарандаи иқтисодиёти Тоҷикистон мебошанд
