Ҳайати Тоҷикистон дар иҷлосияи ҳафтуми Платформаи ҷаҳонии коҳиши хатари офатҳо иштирок намуд
ДУШАНБЕ, 30.05.2022 /АМИТ «Ховар»/. Дар иҷлосияи ҳафтуми Платформаи ҷаҳонии коҳиши хатари офатҳои табиӣ, ки аз 24 то 27 май бо ташаббуси Раёсати СММ оид ба коҳиши хатари офатҳои табиӣ ва Ҳукумати Ҷумҳурии Индонезия дар ин кишвар баргузор карда шуд, ҳайати Ҷумҳурии Тоҷикистон бо роҳбарии Раиси Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон Рустам Назарзода иштирок намуд, хабар медиҳад АМИТ «Ховар» бо истинод ба Кумитаи ҳолатҳои фавқулода ва мудофиаи гражданӣ.
Дар иҷлосияи ҳафтуми Платформаи ҷаҳонии коҳиши хатари офатҳо Президенти Индонезия Ҷоко Видодо, муовини Дабири кулли СММ Амина Муҳаммад ва Намояндаи вижаи Дабири кулли СММ дар масъалаҳои коҳиши хатари офатҳо Мами Мизутори ширкат варзиданд. Дар нишаст, ки ҳамчунин дар низоми онлайн роҳандозӣ шуд, беш аз 7 ҳазор нафар аз 92 кишвари олам иштирок намуданд.
Ҳайати Ҷумҳурии Тоҷикистонро, ки ба он кормандони масъули Дастгоҳи иҷроияи Президенти Ҷумҳурии Тоҷикистон ва Вазорати корҳои хориҷӣ низ шомил буданд, Раиси Кумитаи ҳолатҳои фавқулода ва мудофиаи гражданӣ Рустам Назарзода роҳбарӣ кард.
Рустам Назарзода дар мавзӯи «Таҳкими чораҳои коҳиши хатари офатҳо барои пешгирӣ аз вазъи фавқулодаи иқлимӣ» сухан гуфт.
Дар доираи иштирок дар кори иҷлосия Раиси Кумитаи ҳолатҳои фавқулода ва мудофиаи гражданӣ Рустам Назарзода бо вазирони ҳолатҳои фавқулодаи Ҷумҳурии Узбекистон ва Ҷумҳурии Беларус мулоқот доир намуд. Зимни вохӯриҳо иқдомҳои минбаъдаи татбиқи чорабиниҳои муштараки тарҳрезишуда баррасӣ шуданд.
Ҳамчунин раиси Кумита бо Роҳбари Дафтари минтақавии Аврупо ва Осиёи Марказии Раёсати СММ оид ба коҳиши хатари офатҳо Октавиан Бивол, Намояндаи махсуси Дабири кулли СММ оид ба коҳиши хатари офатҳо хонум Мами Мизутори ва дабири кулли Созмони байналмилалии мудофиаи гражданӣ хонум Нжупуо Яп Мариату мулоқот доир намуд.
Дар вохӯриҳо масъалаҳои таъсиси Маркази миллии омодасозии наҷотдиҳандагон, Маркази ғаввосон дар шаҳри Норак, омодасозӣ ва бозомӯзии кадрҳо дар доираи ИНСАРАГ, инчунин масъалаҳои омодасозии ҷаласаи навбатии сарварони идораҳои наҷоти икшварҳои Осиёи Марказӣ, ки қарор аст моҳи октябри соли равон дар шаҳри Душанбе баргузор шавад, мавриди баррасӣ қарор гирифтанд.
АКС: КҲФ ва МГ
Таҳти унвони «Нақши зеҳни сунъӣ дар рушди Қувваҳои Мусаллаҳ» конференсияи ҷумҳуриявии илмӣ-ҳарбӣ доир шуд
Раёсати ВКД дар вилояти Хатлон: «Таътили тобистона бояд ба давраи тарбия, донишандӯзӣ ва истироҳати солим табдил ёбад»
Юсуф Раҳмон дар Форуми байналмилалии амният ва Вохӯрии байналмилалии намояндагони воломақом иштирок намуд
РӮЗИ ҚӮШУНҲОИ САРҲАДӢ. Афсарону сарбозони ин ниҳод рисолати фарзандии худро дар назди Ватан – Модар ва халқу давлат бо сарбаландӣ адо менамоянд
Котиби Шурои амнияти Тоҷикистон дар Вохӯрии котибони шуроҳои амният дар қолаби «Осиёи Марказӣ – Русия» иштирок намуд
Юсуф Раҳмон дар ҷаласаи Кумитаи котибони шуроҳои амнияти Созмони Аҳдномаи амнияти дастҷамъӣ иштирок намуд
Дар Тоҷикистон нақшаи даъвати баҳорӣ ба сафи Қувваҳои Мусаллаҳ 100 фоиз иҷро шуд
Оид ба Стратегияи пешгирии экстремизм ва терроризм дар Тоҷикистон вохӯрӣ баргузор гардид
Дар Душанбе масоили муқовимат ба ҷинояткорӣ дар замони муосир баррасӣ шуд
Намояндаи Тоҷикистон татбиқи Стратегияи миллӣ оид ба назорати маводи нашъаоварро дар ҷаласаи СҲШ муаррифӣ намуд
Ҳабибулло Воҳидзода бо аъзои иттиҳодияи ҷамъиятии «Пайравони Пешвои миллат» вохӯрӣ намуд
Дабири кулли САҲА Фаридун Синирлиоғлу саҳми Президенти Тоҷикистон Эмомалӣ Раҳмонро дар таҳкими суботи минтақавӣ баланд арзёбӣ намуд
