БА ПЕШВОЗИ 35-СОЛАГИИ ИСТИҚЛОЛИ ДАВЛАТӢ. Дар Ҳисор то соли 2026 беш аз 100 бинои баландошёнаи истиқоматӣ бунёд мегардад
ДУШАНБЕ, 16.05.2022 /АМИТ «Ховар»/. Ба шарафи 35-солагии Истиқлоли давлатӣ ва тибқи нақшаи генералии шаҳри Ҳисор то соли 2026 бунёди зиёда аз 100 бинои баландошёнаи истиқоматӣ бо марказҳои савдою хизматрасонӣ ба нақша гирифта шудааст.
Тавре АМИТ «Ховар» бо истинод ба Мақомоти иҷроияи ҳокимияти давлатии шаҳри Ҳисор иттилоъ медиҳад, Раиси шаҳри Ҳисор Қосим Роҳбар бо ҳайати Комиссияи қабули иншоот дар шаҳр вобаста ба ҷараёни бунёди иншоот, бахусус сохтмони биноҳои баландошёна ва эҳтимоли пеш омадани мушкилот дар таъмини муназзами сокинони биноҳои навбунёд ва беш аз 40 ҳазор аҳолии шаҳрак бо барқ, об ва дигар хизматрасониҳои коммуналӣ дар солҳои минбаъда ҷаласаи корӣ доир намуд.
Бо назардошти афзоиши талабот ба неруи барқ, рафъи мушкилоти пешомада, пешгирии садамаҳо дар хатҳои барқ ва дастрасии бемамониати аҳолии шаҳраки Ҳисор ба барқи хушсифат бо пешниҳоди Раиси шаҳри Ҳисор Қосим Роҳбар дар доираи ҳамкории мақомоти иҷроияи ҳокимияти давлатии шаҳр бо ҶСК Шабакаи барқи марказӣ лоиҳаи нав оид ба ҷиҳати кашидани хати иловагии чашмаки нав ба маҳаллаҳои Бобоҷон Ғафуров ва маҳаллаи 8-ум омода шудааст. Лоиҳаи мазкур дар ҷаласаи навбатии комиссияи қабули иншооти назди МИҲД-и шаҳр мавриди таҳлилу баррасӣ қарор гирифт.
Сардори шабакаҳои барқи шаҳри Ҳисор Мансур Файзуллоев тарҳи навро муаррифӣ карда, оид ба нақшаи хароҷоти он, аз ҷумла харидории пояҳои оҳану бетонӣ, пояҳои такявӣ, кабелу ноқилҳои қутрашон гуногун, трансформаторҳо, инчунин иҷрои корҳо, таъминот бо техникаву механизм маълумот дод, ки маблағи умумии он қариб ним миллион сомониро ташкил медиҳад.
Хати нав 4 километрро дар бар гирифта, ба зеристгоҳи барқии пуриқтидори 110-киловолтаи «Хонақоҳ», ки дар арафаи ҷашни 3000-солагии Ҳисор мавриди истифода қарор гирифтааст, пайваст мешавад. Он то маҳаллаи 8-уми шаҳр идома ёфта, маҳаллаҳои маркази шаҳракро бо барқи муназзаму хушсифат таъмин менамояд. Тарҳи нави хати барқ афзалияти зиёд дошта, бо мавриди баҳрабардорӣ қарор гирифтани он талафоти неруи барқ коҳиш меёбад, таъминоти сокинони шаҳрак бо барқи хушсифат ва оби ошомиданӣ беҳтар ва аз ин ҳисоб сарбории дигар трансформаторҳое, ки дар хатҳои 10-киловолтаи 10, 11 ва 19-ум насб шудаанд, кам мегардад.
Раиси шаҳр шахсони масъулро барои дарёфти сарчашмаҳои маблағгузорӣ, таъмини шаффофияти масрафи он, оғозу вусъати корҳо ва дар муҳлати муайянгардида амалӣ шудани лоиҳаи мазкур муваззаф намуд.
АКС: Мақомоти иҷроияи ҳокимияти давлатии шаҳри Ҳисор
Дар шаҳри Истаравшан сохтмони зиёда аз 20 иншооти соҳаи маориф идома дорад
35-СОЛАГИ ИСТИҚЛОЛИ ДАВЛАТӢ. Дар Ховалинг таъмиру навсозии беш аз 200 иншоот ба нақша гирифта шудааст
Сокинони маҳаллаи Наврӯзи шаҳри Бӯстон бо оби нӯшокӣ таъмин гардиданд
Дар ҳудуди шаҳри Гулистон сохтмони меҳмонхона ва осоишгоҳу марказҳои солимгардонӣ идома доранд
Қитъаи муҳими роҳи Душанбе – Хоруғ – Қалъаихумб бо пулу нақб мавриди истифода қарор гирифт
Пешвои миллат Эмомалӣ Раҳмон пас аз анҷоми сафари корӣ дар Вилояти Мухтори Кӯҳистони Бадахшон ба шаҳри Душанбе баргаштанд
Дар ВМКБ беш аз 1000 иншоот ба истиқболи 35-солагии Истиқлоли давлатӣ мавриди истифода қарор гирифт
Президенти Ҷумҳурии Тоҷикистон Эмомалӣ Раҳмон бо роҳбарон ва фаъолони Вилояти Мухтори Кӯҳистони Бадахшон мулоқот намуданд
Президенти Ҷумҳурии Тоҷикистон Эмомалӣ Раҳмон дар шаҳри Хоруғ дар тантанаҳои идона ба ифтихори 28-солагии Рӯзи ваҳдати миллӣ иштирок намуданд
Сарвари давлат Эмомалӣ Раҳмон дар шаҳри Хоруғ бинои нави истиқоматии 5-ошёна барои хизматчиёни давлатиро мавриди истифода қарор доданд
Пешвои миллат Эмомалӣ Раҳмон дар ҳудуди Парки технологии шаҳри Хоруғ коргоҳҳои истеҳсолии маҳсулоти гӯштӣ ва обҳои табиии ташнашиканро ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар шаҳри Хоруғ бо лоиҳаҳои биноҳои истиқоматӣ бо маркази хизматрасонию тиҷоратӣ, таваққуфгоҳи нақлиётӣ, меҳмонхона ва майдончаи варзишии кӯдакон шинос шуданд
