БА ПЕШВОЗИ РӮЗИ ҶАВОНОН. Дар Душанбе ярмаркаи соҳавии ҷойҳои корӣ гузаронида шуд
ДУШАНБЕ, 14.05.2022. /АМИТ «Ховар»/. Бахшида ба Рӯзи ҷавонони Тоҷикистон дар Душанбе ярмаркаи соҳавии ҷойҳои кории холӣ ва вазифаҳои озод баргузор гардид, ки дар он беш аз 50 муассиса ва ташкилоти шаҳри Душанбе иштирок намуда, ба корҷӯён 4900 ҷойҳои кории холӣ пешниҳод намуданд. Дар ин бора ба АМИТ «Ховар» мудири бахши таҳлил ва иттилооти Кумитаи кор бо ҷавонон ва варзиши назди Ҳукумати Ҷумҳурии Тоҷикистон Дилошуб Розиқзода хабар дод.
Ярмаркаи мазкур бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон, КВД «Биржаи меҳнатии ҷавонон», Раёсати кор бо ҷавонон ва варзиши шаҳри Душанбе дар якҷоягӣ бо Вазорати меҳнат, муҳоҷират ва шуғли аҳолии Ҷумҳурии Тоҷикистон ва Раёсати меҳнат, муҳоҷират ва шуғли аҳолии шаҳри Душанбе баргузор гардид.
Дар ярмаркаи ҷойҳои корӣ беш аз 5000 нафар иштирок намуданд.
Зикр шуд, ки мунтазам баргузор кардани чунин ярмаркаҳо дар нақшаи солонаи кории Корхонаи воҳиди давлатии «Биржаи меҳнатии ҷавонон» дарҷ гардидааст, ки ба ин васила ниёзи ҷавононро ба шуғл ва бозомӯзӣ таъмин кардан имкон дорад.
Ҳоло дар тамоми шаҳру ноҳияҳо бо ташаббуси сохторҳои маҳаллии Кумита дар ҳамкорӣ бо сохторҳои маҳаллии Вазорати меҳнат, муҳоҷират ва шуғли аҳолии Ҷумҳурии Тоҷикистон ярмаркаи соҳавии ҷойҳои кории холӣ баргузор шуда, корҷӯён аз ҷониби ташкилоту идораҳо барои бо ҷойи кори муносиб таъмин шудан ва бозомӯзӣ номнавис карда мешаванд.
АКС: Кумитаи кор бо ҷавонон ва варзиши назди Ҳукумати Ҷумҳурии Тоҷикистон
Бахшида ба Рӯзи кормандони соҳаи меҳнат ва ҳифзи иҷтимоии аҳолӣ ҳамоиш доир шуд
ТАРМАФАРОӢ. Имрӯз дар баъзе ноҳияҳои Тоҷикистон фаромадани тарма пешгӯӣ мешавад
Дар вилояти Хатлон оид ба таълим ва тарбияи ҳуқуқии шаҳрвандон ҷаласа доир шуд
ҲАДАФ-ҲИФЗИ ПАРАНДАГОН ВА ҲАЙВОНОТ. Дар Тоҷикистон корҳои биотехникӣ гузаронида мешаванд
Муассисаҳои таълимии таҳсилоти ибтидоӣ ва миёнаи касбӣ бо таҷҳизоти муосири омӯзишӣ таъмин карда мешаванд
«МО НАКУНЕМ, КӢ МЕКУНАД?». Дар Душанбе бо иштироки волонтёрон ҳашари барфтозакунӣ ташкил гардид
Аз шаби дирӯз то имрӯз дар масири Душанбе-Чанок 29 тарма фаромадааст
Лоиҳаи нави барномаи грантии Иттиҳоди Аврупо дар соҳаи таҳсилоти касбӣ-техникӣ баррасӣ шуд
ПЕШГИРИИ ОВОРАГАРДИИ НОБОЛИҒОН. Бо ин мақсад дар шаҳри Бохтар санҷиши шабона гузаронида шуд
ОГОҲИИ АГЕНТИИ ОБУҲАВОШИНОСӢ. Пагоҳ дар Тоҷикистон ҳавои номусоид пешгӯӣ мешавад
Агентии «Тоҷикстандарт»: «Ҳангоми харид ва истифодаи маҳсулоти консервашуда бо диққат бошед!»
ТАВСИЯИ СУДМАНД. Дар рӯзҳои зимистон чӣ гуна худро аз сармо эмин нигоҳ дорем?
