Дар барномаи «Сарват»-и Радиои «Ховар» чорабиниҳои сатҳи байналмилаливу минтақавӣ дар арафаи Конфронси дуюми байналмилалии сатҳи баланд тавзеҳ меёбанд

Май 30, 2022 10:52

ДУШАНБЕ, 30.05.2022 /АМИТ «Ховар»/. 6-9 июни соли 2022 пойтахти мамлакат — шаҳри Душанбе  мизбони  боз як ҳамоиши муҳими байналмилалӣ- Конфронси дуюми Душанбе оид ба татбиқи Даҳсолаи байналмилалии амали маобут ба об буда, дар он паҳлӯҳои гуногуни масоили обу иқлим  баррасӣ мешаванд. Дар айни замон иқдоми чоруми Пешвои миллат муҳтарам Эмомалӣ Раҳмон доир ба Даҳсолаи байналмилалии амал “Об барои рушди устувор, солҳои 2018 – 2028” дар сатҳи милливу минтақавӣ ва ҷаҳонӣ мавриди татбиқ қарор дорад. Конфронси мазкур ҳамчун ҳалқаи асосӣ барои пайвастани занҷираи чорабиниҳои гуногуни ҷаҳонӣ дар раванди омодагӣ ба Конфронси соли ояндаи СММ оид ба баррасии миёнамуҳлати Даҳсолаи об нақши калидӣ хоҳад дошт. 

Яке аз чорабиниҳои муҳиме, ки дар арафаи баргузории Конфронси дуюми байналмилалии сатҳи баланд оид ба татбиқи Даҳсолаи байналмилалии амал «Об барои рушди устувор, солҳои 2018-2028» доир гардид, ин 7 апрели соли 2022 дар шаҳри Женева бо иштироки роҳбарони намояндагиҳои дипломатӣ ва созмонҳои байналмилалӣ доир гардидани ҷаласаи иттилоотии Ҷумҳурии Тоҷикистон ва Подшоҳии Нидерланд оид ба Конфронси дуюми байналмилалии сатҳи баланд оид ба татбиқи Даҳсолаи об таҳти унвони «Такон бахшидан ба амалҳо ва шарикӣ дар соҳаи об дар сатҳҳои маҳаллӣ, миллӣ, минтақавӣ ва ҷаҳонӣ» буд. Дар чаҳорчӯби он Намояндаи доимии Тоҷикистон Ҷамшед Ҳомидов ва роҳбари котиботи Конфронс Султон Раҳимзода сухан гуфтанд. Зимни суханронӣ Ҷамшед Ҳомидов зарурати ҳамкории кишварҳои ҷаҳонро дар соҳаи пешбурди масъалаҳои об дар рӯзномаи ҷаҳонии рушд таъкид карда, ҷиҳати баланд бардоштани сатҳи огоҳӣ оид ба чорабинии муҳими ҷаҳонии тадорукотӣ ба Конфронси оби СММ-2023 дар бораи Конфронси дуюми Душанбе маълумот пешкаш кард.

Чорабинии навбатӣ дар арафаи баргузории Конфронси дуюми байналмилалии сатҳи баланд оид ба татбиқи Даҳсолаи байналмилалии амал «Об барои рушди устувор, солҳои 2018-2028» — ин 12 апрели соли 2022 дар шаҳри Душанбе доир гардидани ҷаласаи Кумитаи тадорукоти Конфронси дуюми байналмилалии сатҳи баланд оид ба Даҳсолаи байналмилалии амал «Об барои рушди устувор, солҳои 2018-2028» мебошад. Ҷаласа таҳти роҳбарит  раиси Кумитаи тадорукот, Сарвазири Ҷумҳурии Тоҷикистон Қоҳир Расулзода сурат гирифт. Сарвазири мамлакат ёдовар шуд, ки Конфронси дуюми байналмилалии сатҳи баланд оид ба татбиқи Даҳсолаи об бо ташаббуси Ҳукумати Ҷумҳурии Тоҷикистон дар ҳамкорӣ бо Созмони Милали Муттаҳид ва дигар шарикон баргузор гардида, ҳамчун пайванди марказӣ ба Конфронси СММ оид ба баррасии миёнамуҳлати Даҳсолаи об, ки 22-24 марти соли 2023 дар Ню Йорк таҳти раёсати Тоҷикистон ва Нидерланд баргузор мешавад, мебошад.

Зикр гардид, ки об асоси ҳаёт буда, он на танҳо барои ташнагишиканӣ ва нигоҳ доштани саломатӣ зарур аст, балки захираҳои об ҳамчунин аз нуқтаи назари шуғл аҳамияти бузург доранд, ки дар навбати худ ба рушди иқтисодӣ, иҷтимоӣ ва инсонӣ мусоидат мекунанд. Қобили зикр аст, ки масъалаи омодагӣ ба баргузории Конфронси байналмилалии дуюми оби Душанбе ҳамчунин дар сатҳи сафоратҳо ва намояндагони сафоратҳои кишварҳои гуногуни ҷаҳон дар мамлакат низ баррасӣ гардид.

Тафсилоти бештар вобаста ба мулоқоту чорабиниҳои сатҳи байналмилаливу минтақавӣ дар арафаи Конфронси дуюми байналмилалии сатҳи баланд оид ба татбиқи Даҳсолаи байналмилалии амал «Об барои рушди устувор, солҳои 2018-2028» имрӯз соатҳои 11:30, 14:30 ва 20:30 дар барномаи таҳлилии “Сарват”–и Радиои “Ховар” дар таҳияи муҳаррири барнома Манижа Баҳромзода, ровии барнома Зарринаи Ҷамшед ва коргардон Абдураҳмони Рустам пешниҳоди шунавандагон мегардад.

АКС: АМИТ «Ховар»

Май 30, 2022 10:52

Хабарҳои дигари ин бахш

Барномаи «Сарват»-и Радиои «Ховар» масъалаи тағйирёбии иқлимро аз нигоҳи Бюллетени Созмони ҷаҳонии метеорологӣ шарҳ медиҳад
ИСТИҚЛОЛИЯТИ ДАВЛАТӢ ВА ТАШАББУСҲОИ МАРБУТ БА ОБИ ТОҶИКИСТОН. Баррасии масъала дар барномаи таҳлилии «Сарват»-и Радиои «Ховар»
ЭЛЕКТРОМОБИЛҲО ВА ТАҒЙИРЁБИИ ИҚЛИМ. Дар барномаи «Сарват»-и Радиои «Ховар» масъалаи мазкур мавриди таҳлил қарор мегирад
Дар барномаи «Гуфтугӯ»-и Радиои «Ховар» вазъи иқтисодиву иҷтимоӣ ва рушди инфрасохтори ноҳияи Ванҷ таҳлил мешавад
КОНФРОНСИ ОБИ СММ-2023 ВА ПАЙОМАДҲОИ ТАҒЙИРЁБИИ ИҚЛИМ. Баррасии масъала дар барномаи таҳлилии «Сарват»-и Радиои «Ховар»
Дар барномаи «Гуфтугӯ»-и Радиои «Ховар» вазъи иқтисодиву иҷтимоӣ ва нигаҳдошти маконҳои таърихию фарҳангии ноҳияи Ишкошим баррасӣ мешавад
ДАР МАВҶ БАРНОМАИ «ГУФТУГӮ»-И РАДИОИ «ХОВАР». Дар доираи Солҳои рушди саноат дар Хоруғ 20 корхонаи саноатӣ бунёд мегардад
Дар барномаи таҳлилии «Сарват» — и Радиои «Ховар» аҳамияти сохтмони НБО-и «Роғун» баррасӣ мешавад
Дар барномаи «Набзи иқтисод»-и Радиои «Ховар» хатари истеъмоли обҳои газдору бегаз тавзеҳ меёбад
Дар барномаи таҳлилии «Сарват»-и Радиои «Ховар» омодагӣ ба Конфронси байналмилалии дуюми оби Душанбе баррасӣ мешавад
Дар барномаи таҳлилии «Сарват»-и Радиои «Ховар» мушкилоти ҷаҳонии обу иқлим ва нақши Тоҷикистон дар ҳалли он баррасӣ мегардад
Дар барномаи «Набзи иқтисод»-и Радиои «Ховар» масъалаи истифодаи самараноки замин ва мушкилоти хоҷагидорон баррасӣ мешавад