Дар Шаҳринав маъракаи ҷамъоварии пилла оғоз ёфт
ШАҲРИНАВ, 17.05.2022. /АМИТ «Ховар»/. Дар ноҳияи Шаҳринав мавсими ҷамъоварии ҳосили кирмак оғоз гардида, дар рӯзи аввали он дар макони қабули пилла раиси ноҳия Ҷаббор Носирзода иштирок ва барои иҷрои нақшаи пешбинишуда заҳмати кирмакпарваронро бо туҳфаҳо кадрдонӣ намуд. Дар ин бора ба хабарнигори АМИТ «Ховар» Субҳониддини МАҲМУД дар Мақомоти иҷроияи ҳокимияти давлатии ноҳияи Шаҳринав иттилоъ доданд.
Сокинони ҷамоатҳои деҳоти ноҳияи Шаҳринав бо дасту дили гарм ва болидарӯҳӣ пилла ҷамъоварӣ намуда истодаанд. Дар рӯзи якум 1 тонна пилла супорида шуд, ки нархи як килограмм пиллаи нав омодашуда 15 сомонӣ муайян шудааст.
Тибқи иттилои масъулини сохтори кишоварзии ноҳия, соли 2022 ба пиллапарварони ноҳия 287 қуттӣ кирмак тақсим карда шуд. Дар асоси нақша, дар маҷмӯъ бояд 9 тоннаю 500 килограмм пилла ҷамъоварӣ карда шавад.
Коркарди пилла ва парвариши кирми он шуғли қадимии мардуми тоҷик маҳсуб шуда, соҳаи даромаднок ва афзалиятнок мебошад. Истеҳсоли пилла ҳамчун ашёи хом ба баланд бардоштани иқтидори истеҳсолии корхонаҳои саноатии кишвар мусоидат намуда, барои бо шуғл фаро гирифтани аҳолӣ аҳамияти калон дорад.
Дар мамлакат доир ба рушди соҳаи кирмакпарварӣ «Барномаи рушди соҳаҳои кирмакпарварӣ ва коркарди пилла дар Ҷумҳурии Тоҷикистон барои солҳои 2020-2024» амал мекунад. Ҳадафи асосии барномаи мазкур- муҳайё сохтани шароит ва замина барои рушди соҳаҳои кирмакпарварӣ, коркарди ашёи хоми маҳаллӣ ва бо шуғл таъмин намудани аҳолӣ мебошад.
АКС: Мақомоти иҷроияи ҳокимияти давлатии ноҳияи Шаҳринав
«Alvarez & Marsal Middle East» ба низоми бонкии Тоҷикистон хизматрасонии машваратӣ пешниҳод менамояд
Дар Душанбе ҳамкории Тоҷикистон бо Малайзия дар самти омодасозии мутахассисони соҳаи фанноварии иттилоотӣ муҳокима гардид
Муовини якуми Сарвазири Ҷумҳурии Тоҷикистон бо Президенти Идораи патентии Авруосиёӣ мулоқот намуд
Дар Вашингтон дурнамои ҳамкории Тоҷикистон бо Хазинаи Байналмилалии Асъор баррасӣ шуд
Минтақаҳои озоди иқтисодии Тоҷикистон соли 2023 ба маблағи беш аз 445 миллион сомонӣ маҳсулот истеҳсол намуданд
Дар Тоҷикистон зиёда аз 8 ҳазор ихтирооти давлатҳои гуногуни ҷаҳон ҳифз мешаванд
Раиси Бонки миллии Тоҷикистон бо намояндагони ширкатҳои «Moody’s Investors Service» ва «De La Rue» масъалаи ҳамкориро баррасӣ намуд
Дурнамои макроиқтисодӣ бо назардошти номуайяниҳо дар бозори молиявӣ дар форуми Вашингтон баррасӣ гардид
Имрӯз дар Душанбе Форуми байналмилалии ихтироъкорон ва навоварон баргузор мешавад
РОҲ БА УҚЁНУСИ ҲИНД. Дар Теҳрон ҳайатҳои Тоҷикистон ва Эрон оид ба истифодаи бандари «Чобаҳор» гуфтушунид анҷом доданд
Кишоварзони шаҳри Турсунзода зиёда аз 370 тонна маҳсулоти барвақтии гармхонаҳоро ба аҳолӣ пешниҳод намуданд
Пиетро Салини: «Дар Италия бисёр ширкатҳое ҳастанд, ки мехоҳанд бо Ҳукумати Тоҷикистон ҳамкорӣ намоянд»
