Дар вилояти Суғд 340 тонна пилла истеҳсол мешавад
ДУШАНБЕ, 16.05.2022 /АМИТ «Ховар»/. Соли равон дар вилояти Суғд истеҳсоли 340 тонна пилла ба нақша гирифта шуда, айни замон ҷамъоварии он идома дорад. Дар ин бора зимни боздиди Раиси вилояти Суғд Раҷаббой Аҳмадзода аз нуқтаи қабули пилла дар ҶСК ба номи Абдураҳим Ҷумъаеви ноҳияи Бобоҷон Ғафуров иттилоъ дода шуд, хабар медиҳад АМИТ «Ховар» бо истинод ба мақомоти иҷроияи ҳокимияти давлатии вилояти Суғд.
Ба хоҷагидорони ҶСК ба номи Абдураҳим Ҷумъаев имсол 500 қуттӣ кирмак тақсим гардида, кирмакпарварон тасмим гирифтаанд 15 тонна пилла истеҳсол намоянд.
Раиси вилоят дар суҳбат бо кишоварзон изҳор намуд, ки пилла ашёи муҳими саноатӣ буда, бо назардошти ин «Барномаи рушди соҳаҳои кирмакпарварӣ ва коркарди пилла дар Ҷумҳурии Тоҷикистон барои солҳои 2020-2024» қабул карда шудааст. Ҳоло барои рушди соҳа тадбирҳои зарурӣ амалӣ карда мешаванд.
Раиси вилоят барои иҷрои нақшаи пешбинишуда ба кирмакпарварон тавсияҳо дода, ба занону бонувоне, ки ба ин шуғл машғуланд, туҳфаҳои хотиравӣ тақдим кард.
Сипас, роҳбари вилоят сокини Ҷамоати деҳоти Унҷӣ Муҳаммадҷон Неъматовро аёдат кард. Оилаи Неъматовҳо солҳои зиёд инҷониб ба кирмакпарварӣ машғул буда, имсол 50 кг пилла месупоранд.
Раиси вилоят ба онҳо туҳфаҳои хотиравӣ супорид.
Акс: МИҲД-и вилояти Суғд
Дар Минск ҳамкории мақомоти дахлдори Тоҷикистон ва Русия дар самти муқовимат ба коррупсия баррасӣ шуд
Парвозҳои ҳавоӣ байни Душанбе ва Давҳа барқарор мегарданд
Дар Душанбе Конфронси панҷуми байналмилалии роҳдории Осиёи Марказӣ баргузор мегардад
Дар Панҷакент коргоҳи коркарди қуму шағал ва истеҳсоли бетон ба истифода дода шуд
Ҷаласаи навбатии Комиссияи байниидоравӣ оид ба таъмини бехатарии авиатсионӣ баргузор шуд
Намояндагони «Тоҷикаэронавигатсия» бо раванди таҳсили донишҷӯёни тоҷик дар Академияи давлатии авиатсияи Беларус шинос гардиданд
Дар Душанбе ҷаласаи 14-уми Комиссияи байниҳукуматии Тоҷикистон ва Чин оид ба ҳамкории тиҷоратию иқтисодӣ доир шуд
Муовини Сарвазири Тоҷикистон бо вазъи соҳаи кишоварзии шаҳри Кӯлоб шинос гардид
Ҷаласаи навбатии Шурои байнидавлатии муқовимат ба коррупсияи кишварҳои аъзои ИДМ дар Минск доир шуд
Дар Лондон масъалаҳо оид ба соҳаи энергетикаи Тоҷикистон баррасӣ гардиданд
ЗЕҲНИ СУНЪӢ ДАР АМНИЯТИ КИБЕРӢ. Андешаҳо оид ба имконот ва таъсири он ба мудофиаи киберӣ
Дар Душанбе ҷаласаҳои муштараки соҳаи алоқаи кишварҳои Иттиҳоди Давлатҳои Мустақил баргузор мегарданд
