Дастаҳои «Истиқлол», «Хуҷанд» ва «Хатлон» дар бозиҳои даври ҳаштуми Чемпионати Тоҷикистон ғолиб омаданд

Май 20, 2022 11:15

ДУШАНБЕ, 19.05.2022 /АМИТ «Ховар»/. 18 май дар варзишгоҳҳои мамлакат чор бозии даври ҳаштуми Чемпионати Тоҷикистон оид ба футбол миёни дастаҳои Лигаи олӣ дар сатҳи баланд доир гардид, хабар медиҳад шореҳи варзиши АМИТ «Ховар» бо истинод ба Федератсияи футболи Тоҷикистон.

Дар ин бозӣ дастаи футболи «Истиқлол»-и шаҳри Душанбе аввалин пирӯзиашро дар Чемпионати Тоҷикистон-2022 ба даст овард. Дар даври ҳаштум душанбегиҳо дар бозии хонагӣ бар дастаи футболи «Регар-ТадАЗ»-и шаҳри Турсунзода бо ҳисоби 3:1 пирӯз шуданд. Голҳои дастаи «Истиқлол»-ро Манучеҳр Ҷалилов, Рустам Соиров, Шервонӣ Мабатшоев ва голи дастаи «Регар-ТадАЗ»-и шаҳри Турсунзодаро Фатҳулло Фатҳуллоев ба нишон расониданд.

Пешсафи чемпионат –дастаи футболи «Хатлон»-и шаҳри Бохтар дар майдони худ дастаи футболи «Равшан»-и ноҳияи Зафарободро бо ҳисоби 1:0 мағлуб намуд. Голи пирӯзиовар дар дақиқаи 57-ум аз ҷониби Нуриддин Ҳамроқулов зада шуд. Дар бозии дигар дастаи футболи «Хуҷанд»-и шаҳри Хуҷанд дастаи «Истаравшан»-и шаҳри Истаравшанро бо натиҷаи минималии 1:0 мағлуб намуд. Голи ягонаро Фирдавс Чақалов ба нишон расонид.

Дар бозӣ миёни дастаҳои футболи КМВА-и шаҳри Душанбе ва «Файзканд»-и ноҳияи Восеъ ғолиб муайян нашуд. Вохӯрии дастаҳо мусовӣ – 2:2 анҷом ёфт. Ҳар чор гол дар нимаи дуюми бозӣ зада шуд. Бозингарони дастаи «Файзканд»-и ноҳияи Восеъ Доробҷон Эргашев дар дақиқаи 63, Амирҷон Сафаров дар дақиқаи 72 ду гол зада, дастаашонро ба пеш бароварданд, аммо дастаи футболи КМВА-и шаҳри Душанбе дар дақиқаҳои охир тавонист ду гол зада, аз бохт наҷот ёбад. Голҳои КМВА-ро Хуршед Абдуллоев ва Наврӯз Рустамов ба ҳадаф расонид.

Ёдовар мешавем, ки як бозии дигари даври ҳаштум 22 май миёни дастаҳои футболи «Эсхата»-и шаҳри Хуҷанд ва «Равшан»-и шаҳри Кӯлоб баргузор мешавад.

Натиҷаи  дастаҳо  дар  ҷадвали  Чемпионати Тоҷикистон оид ба футбол миёни дастаҳои Лигаи олӣ

                                                                   Б  Ғ  М  Б  Т    И
1  «Хатлон» (Бохтар)                             8  5  3  0  10-4  18

2  КМВА(Душанбе)                                7  4  1  2  11-10   13

3  «Равшан» (Кӯлоб)                             6  3  2  1  6-5  11

4  «Файзканд» (Восеъ)                          7  3  2  2  10-11  11

5 «Хуҷанд» (Хуҷанд)                             8  2  4  2  6-4    10

6  «Эсхата» (Хуҷанд)                              6  2  1  3  11-12 7

7  «Регар-ТадАЗ» (Турсунзода)          8  2  1  5  8-11   7

8  «Равшан» (Зафаробод)                    8  1  3  4  8-15  6

9  «Истиқлол» (Душанбе)                    3 1  2  0  4-3 5

10   «Истаравшан» (Истаравшан)        7  1  1  5  7-7    4

Акс: ФФТ

Май 20, 2022 11:15

Хабарҳои дигари ин бахш

«CAFA Nations Cup-2023». Дастаи мунтахаби Тоҷикистон тамринҳои навбатиро дар шаҳри Тошканд доир кард
ҶОМИ МИЛЛАТҲОИ АРАБ-2023. Футзалбозони тоҷик аввалин бозии худро бо дастаи мунтахаби Либия баргузор намуданд
Мунтахаби наврасони Тоҷикистон (U-17) ҷамъомади таълимиву тамриниро дар Бангкок оғоз намуд
ҶОМИ ОСИЁ-2024. Мунтахаби олимпии Тоҷикистон (U-23) омодагиро ба марҳилаи интихобӣ оғоз намуд
ГРАН-ПРИИ ДУШАНБЕ-2023. Дар рӯзи охири мусобиқа ҷудочиёни Тоҷикистон ду медал ба даст оварданд
ГРАН-ПРИИ ДУШАНБЕ -2023. Имрӯз рӯзи ниҳоии мусобиқа аст
ГРАН-ПРИИ ДУШАНБЕ-2023. Дар рӯзи дуюми мусобиқа ҷудочиёни Тоҷикистон се медал ба даст оварданд
ГРАН-ПРИИ ДУШАНБЕ-2023. Дар рӯзи дуюми мусобиқа се ҷудочии Тоҷикистон ба финал баромад
ГРАН-ПРИИ ДУШАНБЕ-2023. Имрӯз рӯзи дуюми мусобиқа доир мешавад
ГРАН-ПРИИ ДУШАНБЕ-2023. Дар рӯзи аввали мусобиқа ҷудочиёни Тоҷикистон ду медал ба даст оварданд
Маросими ифтитоҳи Гран-прии Душанбе-2023 доир шуд
ГРАН-ПРИИ ДУШАНБЕ-2023. Имрӯз рӯзи аввали мусобиқа оғоз мешавад

Маводҳои таҳлилӣ