«ИДОРАКУНИИ ДАВЛАТӢ ДАР ЗАМОНИ МУОСИР». Таҳти ин унвон барои раисони вилоят ва шаҳру ноҳияҳо давраи такмили ихтисос оғоз шуд
ДУШАНБЕ, 26.05.2022. /АМИТ «Ховар»/. Дар Академияи идоракунии давлатии назди Президенти Ҷумҳурии Тоҷикистон 25 май барои раисони вилоятҳо, шаҳру ноҳияҳо, роҳбарияти мақомоти иҷроияи марказии ҳокимияти давлатӣ ва масъулони самти маҳал аз рӯи барномаи “Идоракунии давлатӣ дар замони муосир” давраи такмили ихтисос оғоз гардид, хабар доданд ба АМИТ «Ховар» дар Академияи мазкур.
Ректори Академияи идоракунии давлатии назди Президенти Ҷумҳурии Тоҷикистон, доктори илмҳои ҳуқуқшиносӣ, профессор Абдухалил Ғафурзода иброз дошт, ки “Пешвои миллат муҳтарам Эмомалӣ Раҳмон соҳаи хизмати давлатиро самти афзалиятнок эълон карда, онро барҳақ омили муҳимтарини таҳкими идоракунии самараноки давлат номидаанд. Дар давраи такмили ихтисоси мазкур коршиносон ва мутахассисони варзида оид ба нозукиҳои идоракунии давлатӣ ба шунавандагон маълумот медиҳанд”.
Дар машғулияти аввал директори Агентии хизмати давлатии назди Президенти Ҷумҳурии Тоҷикистон Ҷумъа Давлатов дар мавзӯи “Заминаҳои ҳуқуқии хизмати давлатӣ дар Ҷумҳурии Тоҷикистон” маърӯза намуд.
Давраи такмили ихтисос то 27 май идома ёфта, тибқи барномаи таълимӣ барои шунавандагон машғулият вобаста ба хизматрасонии электронӣ дар иқтисоди рақамӣ, Кодекси одоби хизматчии давлатии Ҷумҳурии Тоҷикистон, пешгирии осеби равонӣ (стресс) дар раванди идоракунӣ, мактаби давлатдории Эмомалӣ Раҳмон, мушкилот ва пешниҳодҳо вобаста ба таҳия ва рафти иҷрои барномаҳои рушди иҷтимоиву иқтисодии шаҳру ноҳияҳо, техникаи таҳияи санадҳои меъёрии ҳуқуқӣ дар Ҷумҳурии Тоҷикистон: масъалаҳои назариявӣ ва амалӣ, Қонуни Ҷумҳурии Тоҷикистон “Дар бораи муроҷиатҳои шахсони воқеӣ ва ҳуқуқӣ”, сиёсати давлатӣ оид ба саноатикунонии босуръати Ҷумҳурии Тоҷикистон, сарварӣ ва хусусияти он дар замони муосир ва нақши хизматчии давлатӣ дар пешгирии гаравиши ҷавонон ба ҳизбу ҳаракатҳои экстремистӣ омӯзонида мешаванд.
Дар анҷоми давраи такмили ихтисос дар мавзӯи “Идоракунии давлатӣ дар замони муосир: ҳолат ва дурнамо” ҳамоиш баргузор мешавад.
АКС: Академияи идоракунии давлатӣ
Имрӯз дар ноҳияҳои кӯҳии Тоҷикистон барф меборад
«МАКТАБИ МОДАРОН». Дар Ёвон духтарон таҷриба омӯхта, ба ҳаёти мустақилона омода мешаванд
22 январ дар Тоҷикистон ҳарорати ҳаво паст шуда, бориши барф пешгӯӣ мешавад
ИСТИҚЛОЛИ ДАВЛАТӢ, СУБОТИ СИЁСӢ ВА АМНИЯТИ МИЛЛИИ ТОҶИКИСТОНРО ҲИФЗ БОЯД КАРД. Дар ҳошияи Паёми Президенти Тоҷикистон ба Маҷлиси Олӣ
Имрӯз дар Тоҷикистон ҳавои тағйирёбандаи бебориш пешгӯӣ мешавад
16 бинои муассисаи таҳсилоти ибтидоии касбӣ ва 4 муассисаи таҳсилоти миёнаи касбӣ таъмир гардид
Интернети бештар ва рақами қиматбаҳо: фоидаи тарофаҳои пешпардохтӣ дар чист?
Оид ба таъмини рушди устувори соҳаи кишоварзӣ дар шароити тағйирёбии иқлим машғулияти омӯзишӣ доир шуд
Имрӯз дар баъзе ноҳияҳои Тоҷикистон туман мефарояд
РУШДИ ҲУНАРҲОИ МАРДУМӢ. Дар Бадахшон беш аз 300 нафар ҳунарманд фаъолият мекунад
Дар Искандаркӯл ба бунёди меҳмонхона ва иншооти муосири сайёҳӣ санги асос гузошта шуд
