«МАЛИКА: ДИРӮЗ, ИМРӮЗ ВА ҲАМЕША». Ба ифтихори 80-солагии ситораи нотакрори балети тоҷик Малика Собирова барномаи фарҳангӣ доир мешавад
ДУШАНБЕ, 16.05.2022 /АМИТ «Ховар»/. 21-22 май дар Театри давлатии академии опера ва балети ба номи С.Айнӣ бахшида ба зодрӯзи Ҳунарпешаи халқии СССР ва Тоҷикистон Малика Собирова таҳти унвони «Малика: дирӯз, имрӯз ва ҳамеша» барномаи фарҳангӣ баргузор мегардад, иттилоъ доданд ба АМИТ «Ховар» дар Театри давлатии академии опера ва балети ба номи С.Айнӣ.
Дар барномаи фарҳангӣ раққосаҳои балет аз Федератсияи Русия, Ҷумҳурии Узбекистон ва Япония ҳунарнамоӣ мекунанд.
Агар умр вафо мекард, беҳтарин балеринаи тоҷик Малика Собирова 22 майи имсол 80 — сола мешуд, вале ӯ дар синни 39 ин оламро тарк кард. Ӯ Лауреати конкурси байналхалқии балети классикӣ дар Варна(1964), Мукофоти давлатии ба номи Абуабдуллоҳи Рӯдакӣ(1967), мукофоти комсомоли ленинии умумииттифоқ, мукофоти комсомоли ленинии ҶШС Тоҷикистон(1967), орденҳои Байрақи Сурхи Меҳнат, «Нишони Фахрӣ» ва медалҳо мебошад.
Малика Собироваро асосгузори рақси балети классикии тоҷик медонанд. Зеро истеъдоди табиӣ ва меҳнатдӯстии ӯ сабаб гардиданд, ки ин ҳунарпешаи нотакрор дар саҳна нақшҳои беназир ва олӣ офарад. Ӯ тавассути рақси мавзун ва хиромони шарқӣ эҳсосҳои самимии инсониятро ҷустуҷӯ намуда, ба тамошобинон мерасонд.
Малика Собирова зимни фаъолияти худ дар саҳнаҳои бузурги Британия, Ирландия, Ҷопон, Эрон, Миср, Аврупо, Куба, Австралия ва Амрикои Лотинӣ ҳунарнамоӣ намуда буд.
АКС аз бойгонии АМИТ «Ховар»
Раиси Кумитаи миллӣ оид ба ҳуқуқи инсони Давлати Қатар дар Осорхонаи миллӣ бо тамаддуни тоҷикон шинос гардид
Дар Тоҷикистон «Барномаи рушди китобхонаҳои деҳот барои солҳои 2027–2031» амалӣ мешавад
Дар Осорхонаи миллӣ бахшида ба Даҳсолаи байналмилалӣ оид ба таҳкими сулҳ барои наслҳои оянда ҳамоиш баргузор гардид
Дар Театри таҷрибавии тамошобини ҷавон намоишномаи «Бобоҷон Ғафуров» нахустин маротиба пешниҳод гардид
Намояндаи Тоҷикистон дар Фестивал-озмуни байналмилалии «Viva Astana» сазовори «Шоҳҷоиза» гардид
Аз 9 то 30 июн экспедитсияи муштараки бостоншиносии Тоҷикистон ва Фаронса гузаронида шуд
Адрасбоф Гулбону Наврӯзова: «Ҳадафи мо эҳёи ҳунарҳои миллӣ ва бо ҷойи кор таъмин намудани занону духтарон аст»
ПАЙВАНДИ ИНСОН БО ТАБИАТ ДАР «ШОҲНОМА»-И ФИРДАВСӢ. Мулоҳизаҳои Академик Фарҳод Раҳимӣ дар ин мавзуъ
Акбар Эронӣ: «Ибтикори Президенти Тоҷикистон оид ба таъсиси Ҷоизаи байналмилалии Ибни Сино иқдоми мондагор ва ояндасоз аст»
Туҳфаи Пешвои миллат — маҷмуи тӯбҳои расмии ҷомҳои ҷаҳонии FIFA ба Осорхонаи миллии Тоҷикистон тақдим гардид
БЕҲТАРИН КИТОБХОН. Таҳти ин унвон озмуни ҷумҳуриявӣ баргузор мегардад
Иштирокчиёни Форуми XI байналмилалии «Кӯдакони Иттиҳод» Қалъаи бостонии Ҳисорро тамошо намуданд
