Миёни Иттифоқи журналистони Тоҷикистон ва Иттифоқи эҷодии журналистони Узбекистон Ёддошти ҳамкорӣ ба имзо расид
ДУШАНБЕ, 06.05.2022 /АМИТ «Ховар»/. Дар шаҳри Тошканд миёни Иттифоқи журналистони Тоҷикистон ва Иттифоқи эҷодии журналистони Узбекистон Ёддошти ҳамкорӣ ба имзо расид. Ин ҳуҷҷати муҳимро раиси Иттифоқи журналистони Тоҷикистон Зинатуллоҳ Исмоилзода ва раиси Иттифоқи эҷодии журналистони Узбекистон Олимҷон Усаров ба имзо расониданд, иттилоъ доданд ба АМИТ «Ховар» аз Иттифоқи журналистони Тоҷикистон.
Санади мазкур имкон медиҳад, ки ҳар сол ҳайатҳои журналистони ду кишвар сафарҳои эҷодӣ дошта бошанд. Яъне ҳар сол ҳайати 10-нафараи журналистони Тоҷикистон ба Узбекистон ва журналистони Узбекистон ба Тоҷикистон сафар мекунад.
Инчунин ёддошти мазкур барои табодули таҷриба, баргузории машғулияти омӯзишӣ ва доир намудани барномаҳои муштарак замина фароҳам меорад.
Дар маросими баимзорасонии Ёддошти ҳамкорӣ Сафири Фавқулода ва Мухтори Ҷумҳурии Тоҷикистон дар Ҷумҳурии Узбекистон Абдуҷаббор Раҳмонзода сухан гуфт.
Дар анҷоми ин маросими бошукӯҳ ба 6 нафар рӯзноманигори Узбекистон, ки дар нашрияҳои чопиву электронии тоҷикӣ фаъолият мекунанд, шаҳодатномаи узвият ба Иттифоқи журналистони Тоҷикистон супорида шуд.
АКС: Иттифоқи журналистони Тоҷикистон
Доир ба нақши матбуоти тоҷик дар таҳкими арзишҳои соҳибистиқлолӣ ҳамоиш баргузор гардид
ГУЛҲОИ ВАТАН ШУКУФТА БОЛОИ ЧАКАН. Дар Академияи идоракунии давлатӣ ҳамоиши фарҳангӣ доир шуд
«ТОҶИКОНА МЕПӮШЕМ!». Ин иқдом соли ҳаштум аст бо мақсади ҳифзи либоси миллӣ гузаронида мешавад
МАН СУРУДИ ОСИЁЯМ, ҚИТЪАИ ОГОҲДИЛ. Эҳдо ба 115-солагии Шоири халқии Тоҷикистон Мирзо Турсунзода
«ТОҶИКОНА МЕПӮШЕМ». Дар ноҳияи Ёвон роҳпаймоӣ баргузор гардид
Дар шароити ҷаҳонишавӣ мероси миллӣ ва маънавиро ҳифз мебояд кард
Бахшида ба Рӯзи байналмилалии ҳифзи пиряхҳо дар Осорхонаи миллӣ конфронси илмӣ доир шуд
Ҷаласаи комиссияи Озмуни ҷумҳуриявии «Тоҷикистон — Ватани азизи ман» дар соли 2026 баргузор гардид
Дар «Тоҷикфилм» 12 лоиҳаи нави синамоӣ муаррифӣ карда шуд
Дар Донишкадаи кӯҳию металлургии Тоҷикистон Кафедраи ЮНЕСКО таъсис дода шуд
ИСТЕҲСОЛИ ФИЛМҲОИ МИЛЛӢ ДАР ТОҶИКИСТОН КАМ АСТ. Ва ё рушди кинои миллӣ аз кӣ ва чӣ вобаста аст?
Маҷмуаи ашъори «Каманди зулф»-и Шоири халқии Тоҷикистон дар нашриёти «Орван»-и Теҳрон ба табъ расид
