ҚОНУНИ ҶАНГАЛ: ДАР АФҒОНИСТОН ПӮШИДАНИ ҲИҶОБ ҲАТМӢ ШУД. Дабири кулли СММ Антониу Гутерриш изҳори нигаронӣ намуда, бори дигар аз толибон даъват кард, ки ба худ оянд

Май 10, 2022 13:18

ДУШАНБЕ, 10.05.2022 /АМИТ «Ховар»/. Роҳбари олии ҳаракати «Толибон»* Мулло Ҳайбатуллоҳ Охундзода рӯзи шанбеи 7 май ҷорӣ шудани тарзи ҳатмии пӯшидани фаранҷиро барои занон дар кӯча ва ҷойҳои ҷамъиятӣ эълон дошт. Тавре АМИТ «Ховар» бо истинод ба хабаргузории Agence France-Presse иттилоъ медиҳад, фармони раиси ҷунбиши толибон дар Афғонистон ба самъи расонаҳо дар Кобул расонида шуд.

«Фармони пӯшидани ҳиҷоб барои занони мусалмон ва болиғ воҷиб ва зарур аст. Тибқи шариат заноне, ки аз рӯи синн пиру ҷавон нестанд, ҳангоми вохӯрӣ бо дигарон (бидуни хешу табор будан) бояд рӯйи худро ба ҷуз аз чашмон бо ҳиҷоб пӯшонанд»,- бармеояд аз баёнияи Вазорати иршод, амри маъруф ва наҳйи мункар.

Зимнан зикр мегардад, ки агар зан ба таври мунтазам қоидаҳои пӯшидани ҳиҷобро дар ҷойҳои ҷамъиятӣ вайрон кунад, падар ё шавҳари ӯро метавонанд зиндонӣ намоянд.

Тибқи ин фармон, заноне, ки дар сохторҳои давлатӣ кор мекунанд ва қоидаҳои пӯшидани ҳиҷобро риоя намекунанд, аз вазифаҳояшон озод карда мешаванд. Дар ҳамин ҳол, марде, ки дар хидмати давлатӣ қарор дорад, агар маълум шавад, ки ҳамсар ё духтараш қоидаҳои пӯшидани ҳиҷобро риоят намекунанд, аз кор озод карда мешавад.

Дабири кулли СММ изҳори нигаронӣ намуд

Фаъолзанони афғон баъди ба қудрат расидани толибон дар Афғонистон борҳо дар якчанд шаҳрҳои ин кишвар аз мақомоти нав, аз ҷумла ба хотири эҳтироми ҳуқуқҳои онҳо ва таъмини намояндагӣ дар ҳукумат ва мақомоти маҳаллӣ даъват ба амал оварда, ҳамчунин бар зидди пӯшидани ҳиҷоб ва маҳдудияти эълон намудаи толибон эътироз намуда буданд.

Дар ҳамин ҳол Дабири кулли СММ Антониу Гутерриш рӯзи якшанбеи 8 май аз ҷорӣ шудани пӯшиши ҳиҷоб барои занон дар кӯча ва ҷойҳои ҷамъиятӣ дар Афғонистон изҳори нигаронӣ намуда, бори дигар аз «Толибон»* даъват кард, то муқаррароти қаблан ба уҳда гирифтаашонро риоя намоянд.

«Ман аз изҳороти имрӯзаи «Толибон»* нигаронам, ки занон бояд дар ҷойҳои ҷамъиятӣ чеҳраи худро пӯшанд ва танҳо ҳангоми зарурат берун раванд», — навиштааст ӯ дар Twitter.- Ман бори дигар аз «Толибон»* даъват менамоям, ки ба ваъдаи ба занону духтарони афғон додаи худ вафо кунанд ва уҳдадориҳои худро дар асоси қонуни байналмилалии ҳуқуқи башар иҷро намоянд».

____________________

*Ташкилот барои фаъолияти террористӣ таҳти таҳримоти СММ қарор дошта, дар Тоҷикистон, Русия ва дигар кишварҳо мамнӯъ аст.

АКС: The Associated Press

Май 10, 2022 13:18

Хабарҳои дигари ин бахш

«БАЧА АЗИЗ, ОДОБАШ АЗ ОН АЗИЗТАР…». Ба таълиму тарбияи фарзандон набояд бетарафӣ зоҳир намуд
Маркази тадқиқоти стратегии Тоҷикистон ва Институти байналмилалии Осиёи Марказӣ масоили ҳамкории илмию таҳлилиро баррасӣ намуданд
35-СОЛАГИИ ИСТИҚЛОЛИ ДАВЛАТӢ. Беморхонаи марказии ноҳияи Темурмалик пурра навсозӣ гардид
ЗАБОН ДОНӢ-ҶАҲОН ДОНӢ. Аз 1 апрел кормандони мақомоти давлатӣ, худидоракунии маҳаллӣ ва ташкилотҳои давлатӣ ба омӯзиши ҳатмии забонҳои хориҷӣ фаро гирифта мешаванд
Дар ноҳияи Айнӣ сеюмин ҳамоиши гирандагони стипендияи президентӣ баргузор шуд
НАВРӮЗИ ХУҶАСТАПАЙ МУЖДАИ НЕКИ БАҲОРИ ХУРРАМ. Дар Суғд Ҷашни байналмилалии Наврӯз бо шукуҳи хоса таҷлил шуд
Тоҷикистон терроризму ифротгароиро қотеона маҳкум менамояд
24 МАРТ — РӮЗИ ҶАҲОНИИ МУБОРИЗА БО БЕМОРИИ СИЛ. Ҳадаф аз он огоҳӣ, пешгирӣ ва мубориза бар зидди ин беморӣ мебошад
ИМРӮЗ ДАР ТОҶИКИСТОН — РӮЗИ ГУЛ ВА НИҲОЛШИНОНӢ. Соли 2023 дар ҷумҳурӣ беш аз 1 миллион бех ниҳоли дарахтони гуногун шинонида шуд
МАСЛИҲАТИ МУТАХАССИС. Истеъмоли гулкарам масунияти инсонро боло мебардорад
МАСЛИҲАТИ МУТАХАССИС. Истеъмоли ғизои солим беҳтарин роҳи ҳифзи солимии шахс мебошад
Кормандони Вазорати меҳнат, муҳоҷират ва шуғли аҳолӣ ҷашни Наврӯзро бо тантана таҷлил намуданд