ОСОРХОНАҲО – ВОСИТАИ МУҲИМИ ТАБОДУЛИ ФАРҲАНГӢ. Дар Муассисаи нашриявии «Ирфон» ҳамоиш доир шуд

Май 18, 2022 14:11

ДУШАНБЕ, 18.05.2022 /АМИТ «Ховар»/. Бахшида ба Рӯзи байналмилалии осорхонаҳо, ки ҳамасола 18 май таҷлил мегардад, имрӯз дар Муассисаи нашриявии «Ирфон» таҳти унвони «Осорхонаҳо – воситаи муҳими табодули фарҳангӣ» ҷамъомад баргузор гардид, хабар дод сардори шуъбаи  китобҳои фалсафа, равоншиносӣ, библиография, илм ва фарҳанги Муассисаи нашриявии «Ирфон»      Амон Собиров ба АМИТ «Ховар».

Зимни ҳамоиш директори Муассисаи нашриявии «Ирфон»  Қурбон Ғуломзода иброз намуд, ки «осорхонаҳо дар ҷомеа нақши калон дошта, дар он мавод ва ашё барои шиносонидани кишвар ҷамъ оварда мешаванд. Дар ин махзан ашёи нодир ва беназире муаррифӣ мешаванд, ки диққати сайёҳони дохилӣ ва хориҷиро ба худ ҷалб месозанд. Осорхона ҳадафи таъкид кардани аҳамияти арзишҳо ҳамчун мерос барои нигоҳ доштани муттасилии фарҳангро дорад. Ин аст, ки таҳти сиёсати фарҳангпарваронаи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон соҳаи фарҳанг сол аз сол рушду тараққӣ намуда, осорхонаҳои мамлакат низ бо ашёи нодир ва беназир пурра мешаванд».

Зикр шуд, ки осорхона муассисаи иҷтимоию фарҳангиест, ки ёдгориҳои санъат, таърих, илм, техника ва дигар соҳаҳои фаъолияти инсонро ҷамъоварӣ, таҳқиқ ва нигоҳ медорад. Ғайр аз ин, ин муассиса ба корҳои таълимӣ машғул буда, барои тамошои мардум намоишгоҳҳо омода мекунад. Осорхона аз коллексияҳои хусусии санъат, ашё ва нигораҳои нодир сарчашма мегирад, ки ҳамаи онҳо ҳамеша афзалияти таваҷҷуҳи фарҳангии як давраи мушаххасро инъикос менамоянд.

Дар ҳамоиш оид ба таҳияи китоб, дастур, варақаҳои иттилоотӣ мубодилаи афкор сурат гирифта, кормандони муассиса аз ҷониби роҳбарияти муассиса вазифадор гардиданд, ки дар нақшаи кории фардӣ оид ба бурду бохти осорхонаҳо дар ҳамкорӣ бо мутахассисон маводи чопӣ таҳия намоянд.

Зимни ҳамоиш оид ба мавзеъҳои таърихии Тоҷикистон филми мустанад пешкаши иштирокчиён гардонида шуд.

АКС: Муассисаи нашриявии «Ирфон»/бойгонӣ  

Май 18, 2022 14:11

Хабарҳои дигари ин бахш

ЭЪЛОН: «ВАССОФИ ВАТАН». Барои рӯзноманигорон ва корбарони саҳифаҳои иҷтимоии шабакаҳои интернетӣ фестивал-озмун баргузор мешавад
Тандиси биринҷии чеҳраи Президенти Тоҷикистон ба Осорхонаи миллӣ супорида шуд
АЗ НАВРӮЗ ТО НАВРӮЗ. Дар Донишкадаи давлатии санъати тасвирӣ ва дизайни Тоҷикистон фестивали муд баргузор мегардад
ИМРӮЗ-РӮЗИ ҶАҲОНИИ ТЕАТР. Дар давраи соҳибистиқлолӣ дар Тоҷикистон барои пешрафти санъати касбии театрӣ шароити мусоид фароҳам оварда шуд
«САЙРИ ГУЛИ ЛОЛА». Дар Суғд Фестивали вилоятии гулҳо доир мешавад
КОНИ ЛАЗЗАТ ВА ХОНИ НЕЪМАТ. Хабарнигори АМИТ «Ховар» оид ба таомҳои наврӯзӣ дар Бадахшон маълумот ҷамъоварӣ намуд
НАВРӮЗ-МАҲБУБТАРИН ҶАШНИ МИЛЛИИ ТОҶИКОН. Суратгузориш аз таҷлили бошукуҳи ҷашни Наврӯз дар Академияи миллии илмҳои Тоҷикистон
Байни Китобхонаи миллии Тоҷикистон ва Китобхонаи оммавӣ, илмӣ-техникии шуъбаи Академияи илмҳои Русия дар минтақаи Сибир Созишномаи ҳамкорӣ ба имзо расид
Оши бурида дар Наврӯз ҳамчун рамзи умри дароз ва ҳаёти хушбахтона омода мешавад
НАВРӮЗ — ҶАШНИ ЭҲЁ. Ин ҷашни ҷаҳонӣ бунёди маънавии миллати тоҷик мебошад
МАЗМУНҲОИ НАВРӮЗӢ ДАР АШЪОРИ АҲДИ КЛАССИКИИ ФОРСУ ТОҶИК. Андешаҳои адабиётшинос дар хусус
НАВРӮЗ ДАР ЗАРАФШОН. Он бо «тухмҷангак»-и кӯдакон оғоз мегардад