Сироҷиддин Муҳриддин бо котиби иҷроияи Комиссияи иқтисодию иҷтимоии СММ барои Осиё ва Уқёнуси Ором вохӯрии фосилавӣ анҷом дод
ДУШАНБЕ, 11.05.2022 /АМИТ «Ховар»/. 10 май вохӯрии фосилавии Вазири корҳои хориҷии Ҷумҳурии Тоҷикистон Сироҷиддин Муҳриддин бо котиби иҷроияи Комиссияи иқтисодию иҷтимоии СММ барои Осиё ва Уқёнуси Ором (UNESCAP) хонум Армида Салсия баргузор гардид. Дар ин бора ба АМИТ «Ховар» дар Вазорати корҳои хориҷии Ҷумҳурии Тоҷикистон хабар доданд.
Зимни мулоқот мусоҳибон атрофи масъалаҳои ҳамкории дуҷониба, аз ҷумла дар самти таҳия ва татбиқи лоиҳаҳои самаранок доир ба рушди савдои минтақавӣ, энергетика, нақлиёт ва ҳифзи пиряхҳо табодули назар карданд.
Ҷонибҳо инчунин ҷузъиёти баргузории иҷлосияи 78-уми UNESCAP (23-27 майи соли 2022, ш.Бангкок) ва Конфронси дуюми Душанбе оид ба татбиқи байналмилалии амал «Об барои рушди устувор, 2018-2028» (6-9 июни соли 2022)-ро мавриди муҳокима қарор доданд.
Ёдовар мешавем, ки Конфронси дуюми байналмилалии сатҳи баланд оид ба Даҳсолаи байналмилалии амал «Об барои рушди устувор, солҳои 2018-2028» 6-9 июни соли 2022 зери унвони «Такон бахшидан ба амалҳо ва шарикӣ дар соҳаи об дар сатҳҳои маҳаллӣ, миллӣ, минтақавӣ ва ҷаҳонӣ» дар шаҳри Душанбе баргузор мегардад.
Акс: ВКХ ҶТ
Дар Теҳрон роҳҳои рушди ҳамкорӣ байни Тоҷикистон ва Эрон баррасӣ шуданд
Дар Минск масъалаҳои мубрами ҳамкории Тоҷикистон ва Беларус баррасӣ гардид
Сафири Тоҷикистон бо мудири кулли Фонди кувайтии рушди иқтисодии араб мулоқот намуд
Байни Тоҷикистон ва Аморот сафарҳои омӯзишии олимон, пажуҳишгарон ва донишҷӯён амалӣ карда мешаванд
Сафири Тоҷикистон дар Нишасти 20-уми изтирории Шурои вазирони корҳои хориҷии давлатҳои аъзои Созмони ҳамкории исломӣ иштирок намуд
Дар Абузабӣ истифодаи зеҳни сунъӣ дар таъмини бехатарии ҷомеа баррасӣ гардид
Тоҷикистон бо ширкати “Venture One” ҳамкорӣ менамояд
Байни минтақаҳои Тоҷикистон ва Амороти Муттаҳидаи Араб ҳамкорӣ амалӣ мешавад
Сафири Тоҷикистон ба Президенти Гурҷистон эътимоднома супорид
Муколамаи коршиносон оид ба тамоюл ва дурнамои муосири «Осиёи Марказӣ+Ҷопон» доир гардид
Ҳамкории дуҷониба ва бисёрҷонибаи Тоҷикистон ва Индонезия матраҳ гардид
Дар Кувайт таҳкими робитаҳо байни Тоҷикистон ва Кувайт баррасӣ гардид
