Ҳайати расмии Тоҷикистон дар Рӯзҳои рушди Аврупо дар Брюссел ширкат намуд
ДУШАНБЕ, 23.06.2022 /АМИТ «Ховар»/. 21-22 июни соли 2022 ҳайати расмии Ҷумҳурии Тоҷикистон бо роҳбарии муовини Сарвазири Ҷумҳурии Тоҷикистон Усмоналӣ Усмонзода дар як ҳамоиш бахшида ба Рӯзҳои рушди Аврупо дар Брюссел иштирок намуд. Дар ин бора ба АМИТ «Ховар» дар Сафорати Ҷумҳурии Тоҷикистон дар Подшоҳии Белгия хабар доданд.
Дар ин сафар муовини Сарвазири мамлакат Усмоналӣ Усмонзодаро муовини аввали Вазири молия Ҷамшед Каримзода ва Намояндаи доимии Ҷумҳурии Тоҷикистон дар назди Иттиҳоди Аврупо, Сафири Фавқулода ва Мухтори Ҷумҳурии Тоҷикистон дар Подшоҳии Белгия Эркинхон Раҳматуллозода ҳамроҳӣ карданд.
Муовини Сарвазири Ҷумҳурии Тоҷикистон Усмоналӣ Усмонзода дар ҳамоиш, ки ба мавзӯи «Дарвозаи ҷаҳонӣ: бунёди шарикии устувор барои ҷаҳони муттаҳид» бахшида шуда буд, иштирок ва суханронӣ намуд.
Усмоналӣ Усмонзода доир гардидани ин ҳамоишро бамаврид ва муфид хонда, таъкид дошт, ки «Иттисоли энергетикии минтақавӣ боиси рушди ҳамкориҳо миёни Осиёи Марказӣ ва Иттиҳоди Аврупо гашта, баҳри баланд бардошти сатҳи зиндагӣ ва вазъи иқтисодиву иҷтимоии аҳолии минтақа мусоидат хоҳад кард».
Дар ин бахш инчунин намояндагони ҳукуматҳои Осиёи Марказӣ — Раиси Агентиии банақшагирии стратегӣ ва ислоҳоти Ҷумҳурии Қазоқистон Асет Иргалиев, Вазири нақлиёт ва алоқаи Ҷумҳурии Қирғизистон Эркинбек Осоев, муовини Сарвазири Ҷумҳурии Узбекистон, Вазири сайёҳӣ ва мероси фарҳангӣ Азиз Абдуҳакимов, Намояндаи воломақоми Иттиҳоди Аврупо, Комиссари Иттиҳоди Аврупо оид ба шарикии байналмилалӣ хонум Ютта Урпилайнен, ноиби Президенти Бонки аврупоӣ оид ба таҷдид ва рушд Марк Бовман иштирок намуданд.
Ташаббуси нави Иттиҳоди Аврупо «Дарвозаи ҷаҳонӣ» (Global Gateway) стратегияи ҳамаҷонибаи сармоягузории байналмилалӣ ҷиҳати таҳкими робитаҳо дар бахшҳои рақамикунонӣ, энергетика, тандурустӣ, маориф ва нақлиёт дар саросари ҷаҳон эълон шудааст.
Дар ҳошияи иштирок дар чорабинӣ бахшида ба Рӯзҳои рушди Аврупо мулоқотҳои муовини Сарвазири ҶТ Усмоналӣ Усмонзода бо Комиссари Иттиҳоди Аврупо оид ба шарикии байналмилалӣ Ютта Урпилайнен, ноиби Президенти Бонки сармоягузории Аврупо Рикардо Мауринё Феликс, Мудири Директорати генералӣ оид ба шарикии байналмилалии Комиссияи Аврупо Куэн Дунс, намояндагони Бонки Ҷаҳонӣ, Бонки аврупоӣ оид ба таҷдид ва рушд ва дигар ашхоси расмӣ баргузор гардиданд, ки дар онҳо перомуни ҳамкориҳои густарда ва дурнамои муносибатҳо дар бахши энергетика, аз ҷумла дар бахши сохтмони иншоотҳои бузурги энергетикӣ табодули назар сурат гирифт.
АКС: Сафорати Ҷумҳурии Тоҷикистон дар Белгия
Дар Душанбе масъалаҳои вобаста ба вохӯрии вазирони корҳои хориҷии формати «Осиёи Марказӣ-Ҳиндустон» баррасӣ гардид
Дар шаҳри Кокшетауи Қазоқистон намоиш-фурӯши маҳсулоти кишоварзию саноатии Тоҷикистон баргузор гардид
Сироҷиддин Муҳриддин бо роҳбарони ҳайатҳои кишварҳо ва созмонҳои байналмилалӣ мулоқотҳои судманд анҷом дод
Муовини якуми Сарвазири Тоҷикистон бо Вазири давлатии Ҷопон оид ба корҳои хориҷӣ мулоқот намуд
Муовини Сарвазири Тоҷикистон Дилрабо Мансурӣ бо муовини Сарвазири Шоҳигарии Лесото Ҷастис Нтоменг Ҷастина Маҷара мулоқот намуд
Дар Амороти Муттаҳидаи Араб оид ба ташаббусҳои ҷаҳонии Президенти Тоҷикистон баёнияи матбуотӣ нашр гардид
Мулоқоти Сарвазири Тоҷикистон Қоҳир Расулзода бо муовини Сарвазири Озарбойҷон Самир Рауф доир гардид
Сарвазири Тоҷикистон Қоҳир Расулзода бо ноиби Президенти Ҷумҳурии Малдив Ҳусейн Муҳаммад Латиф мулоқот намуд
Амина Муҳаммад аз давлатҳои ҷаҳон дар самти ҳалли масоили марбут ба ҳифзи пиряхҳои сайёраи Замин даъвати оҷилӣ намуд
Директори иҷроияи Бунёди иқлими сабз пешсафии афзояндаи Тоҷикистонро дар ҳалли мушкилоти глобалии иқлим ва ҳифзи пиряхҳо ситоиш намуд
Армида Салсиаҳ Алишаҳбана: «ЭСКАТО ҳамкории судмандро бо Тоҷикистон муҳим арзёбӣ менамояд»
Амина Муҳаммад, муовини аввали Дабири кулли СММ: «Ташаббуси Президенти Тоҷикистон барои муттаҳидии ҷомеаи ҷаҳонӣ дар баррасии мушкилоти ҷиддии иқлимӣ муҳим мебошад»
