Ба Беморхонаи марказии шаҳри Ҳисор мошини ёрии таъҷилӣ туҳфа гардид

Июнь 4, 2022 10:00

ҲИСОР, 04.06.2022 /АМИТ «Ховар»/. Ба Беморхонаи марказии шаҳри Ҳисор аз тарафи Вазорати тандурустӣ ва ҳифзи иҷтимоии аҳолии Ҷумҳурии Тоҷикистон мошини ёрии таъҷилии тамғаи «NISSAN URVAN NV- 350», ки бо дастгоҳу таҷҳизоти муосири тиббӣ, аз қабили дефибриллятор, зарф ва ингалятори оксигенӣ, дастгоҳи шамолдиҳӣ, сфигмоманометр бо стетоскоп ва ғайраҳо ҷиҳозонида шудааст, туҳфа гардид. Дар ин бора ба хабарнигори АМИТ «Ховар» Субҳониддини МАҲМУД дар Мақомоти иҷроияи ҳокимияти давлатии шаҳри Ҳисор иттилоъ доданд.

Дастрасии мошини мазкур барои бехатар интиқол додани беморони ҳолаташон вазнин ба дигар беморхонаҳои ҷумҳурӣ муфид буда, аз лаҳзаҳои аввали вориди он гардидани бемор таҷҳизоти зарурӣ фаъол гардида, ёрии кафолатноки аввалини тиббӣ шурӯъ мешавад.

Тавре сардухтури беморхонаи марказӣ Эмомалӣ Маҷидов иттилоъ дод, «дар партави ҳидоятҳои Пешвои миллат муҳтарам Эмомалӣ Раҳмон  ва бо ташаббуси Вазорати тандурустӣ ва ҳифзи иҷтимоии аҳолӣ ба муассиса таҷҳизоти нодири тиббӣ дастрас гардида, дар назди муассиса коргоҳи истеҳсоли оксиген ва генератори барқии пуриқтидори худидорашаванда насб шудааст. Он ба ҳалли мушкилоти норасоии оксиген дар муассисаҳои тиббии шаҳр ва барқи босифат дар шуъбаҳои беморхонаи марказӣ мусоидати фаъол менамояд».

Дастрас гардидани мошини нави ёрии таъҷилӣ ғамхории навбатии Ҳукумати мамлакат барои ҳифзи солимии аҳолии шаҳр буда, аз ҷониби табибон ҷиҳати адои вазифа масъулияти бештарро тақозо мекунад.

Масъалаи беҳтар намудани шароити муассисаҳои тандурустӣ дар Барномаи рушди иқтисодию иҷтимоии шаҳри Ҳисор барои солҳои 2021-2025 дарҷ гардидааст.

 АКС: Мақомоти иҷроияи ҳокимияти давлатии шаҳри Ҳисор

Июнь 4, 2022 10:00

Хабарҳои дигари ин бахш

САЛОМАТИИ МИЛЛАТ — БОИГАРИИ АСОСИИ ДАВЛАТ. Дар Тоҷикистон барои пешгирии бемориии гепатит чораҳои мақсаднок андешида мешаванд
ҲИФЗИ СИРРИ ДАВЛАТӢ ВА ҲИФЗИ ТЕХНИКИИ ИТТИЛООТ. Роҳбарони дастгоҳҳои шаҳру ноҳияҳои тобеи ҷумҳурӣ такмили ихтисос намуданд
35-СОЛАГИИ ИСТИҚЛОЛИ ДАВЛАТӢ. Дар деҳаи Долонаи Ашт мактаб ва бунгоҳи тиббӣ сохта мешавад
Дар Душанбе вобаста ба нақши қонунҳои миллӣ дар таъмини зиндагии шоистаи мардум конференсияи илмӣ — назариявӣ доир гардид
Дар ташкилоти ибтидоии ҳизбии «Заминсоз» маҷлиси ҳисоботӣ-интихоботӣ баргузор шуд
Дар Вазорати тандурустӣ ва ҳифзи иҷтимоии аҳолӣ масъалаи ошкорсозӣ ва бақайдгирии гепатитҳои вирусӣ баррасӣ гардид
Тоҷикистон ва Туркия бо мақсади рушди инфрасохтори соҳаи кор бо ҷавонон ва варзиш ҳамкориро тақвият медиҳанд
Риояи талаботи муқаррароти қонунҳои миллӣ дар Бонки миллии Тоҷикистон шарҳу тавзеҳ дода шуд
Дар Вазорати меҳнат, муҳоҷират ва шуғли аҳолӣ вобаста ба татбиқи Стратегияи давлатии муқовимат бо коррупсия вохӯрӣ доир гардид
Дар Душанбе маҷлиси Раёсати Кумитаи Иҷроияи Марказии Ҳизби Халқии Демократии Тоҷикистон баргузор гардид
Дар Кооперативи тиҷоратии ба номи Латиф Муродови шаҳри Ҳисор дар майдони 210 гектар кишти такрорӣ мегузаронанд
Дар Суғд биноҳои иловагии Маркази клиникавии эндокринологӣ ва Маркази саратоншиносӣ сохта мешавад