ДАР АФҒОНИСТОН ЗАМИНЛАРЗАИ ШАДИД РУХ ДОД. 280 нафар ба ҳалокат расида, беш аз 600 кас ҷароҳат бардоштанд
ДУШАНБЕ, 22.06.2022 /АМИТ «Ховар»/. Бар асари заминларзаи шаби гузашта дар вилоятҳои Пактико ва Хусти Афғонистон на кам аз 280 нафар ба ҳалокат расиданд. Тавре АМИТ «Ховар» иттилоъ медиҳад, дар ин бора агентии «Bakhtar» бо истинод ба мақомоти маҳаллӣ хабар дод.
Дар вилоятҳои Хуст ва Пактико, воқеъ дар ҷанубу шарқи Афғонистон, заминларзаи шиддатнокиаш 6,1 бал рух дод, хабар медиҳад шабакаи телевизионии «Ал-Ҷазира». Дар натиҷа на кам аз 280 нафар ба ҳалокат расиданд, хабар дод агентии «Pajhwok» дар шабакаи иҷтимоии «Twitter».
Дар навбати худ, шабакаи телевизионии «TOLOnews»-и Афғонистон гузориш дод, ки шаби гузашта заминларза рух дода, дар натиҷаи он чанд бинои истиқоматӣ хисорот дидаанд. Тибқи изҳороти мақомоти маҳаллӣ, феълан дар минтақаи офати табиӣ амалиёти ҷустуҷӯӣ-наҷотдиҳӣ идома дорад.
«Бар асари заминларза дар ноҳияҳои Бармало, Зирук, Нака ва Гаяни вилояти Пактико на кам аз 255 нафар ба ҳалокат расида, 155 каси дигар захмӣ шуданд», — гуфта мешавад дар иттилоияи ВАО-и маҳаллӣ. Ба садҳо нафар осебдидагон ёрии зарурии тиббӣ расонида шуда, хисороти расида арзёбӣ карда мешавад.
Маркази зилзиласанҷии Аврупо ва Баҳри Миёназамин хабар дод, ки заминларзаи дар Афғонистон баамаломада дар Покистон ва Ҳиндустон низ дар масофаи беш аз 500 километр эҳсос шудааст.
Бино ба маълумоти Хадамоти геологии ИМА, на кам аз ду такони зеризаминӣ ба қайд гирифта шудааст: 5,9 ва 4,5 бал. Дар ҳарду маврид маркази заминларза дар умқи беш аз 10 километр ҷойгир буд.
АКС: © AP Photo / Rahmat Gul
Аз 1 август ҳаракати нақлиёт дар баъзе кӯчаҳои шаҳри Душанбе муваққатан маҳдуд карда мешавад
ИМРӮЗ — РӮЗИ КОРМАНДОНИ ХАДАМОТИ ОТАШНИШОНӢ. Кормандони ин ниҳод барои ҳифзи ҷони шаҳрвандон ба таври шабонарӯзӣ фаъолият менамоянд
Масъалаҳои таҳкими ҳамкории Тоҷикистон ва Чин дар самти мубориза бо ҷинояткорӣ баррасӣ гардиданд
Котиби Шурои амнияти мамлакат бо Сафири Покистон дар Тоҷикистон мулоқот намуд
ҚОИДАҲОИ БЕХАТАРӢ АЗ СӮХТОРРО РИОЯ НАМОЕД! Дар Тоҷикистон беш аз 500 ҳодисаи сӯхтор ба қайд гирифта шудааст
Прокуратураи генералӣ оид ба иҷрои қонунгузории мамлакат беш аз 4,6 ҳазор санҷиш гузаронид
Дар Тоҷикистон беш аз 600 ҳолати машғул шудан ба ҷодугарӣ ва фолбинӣ ошкор карда шуд
НИШАСТИ МАТБУОТӢ. Дар Тоҷикистон сатҳи содиршавии ҷиноят 10,3 фоиз коҳиш ёфтааст
Рамазон Раҳимзода: «Ҷавобгарӣ барои таваққуф дар қаторҳои дуюм ва сеюм пурзӯр карда мешавад»
НИШАСТИ МАТБУОТӢ. Дар шаш моҳи соли 2026 сатҳи ҷинояткорӣ байни ноболиғон ва ҷавонон зиёд шудааст
Раҷабалӣ Раҳмоналӣ: «Ҳодисаҳои ғарқшавӣ асосан бо сабаби риоя накардани қоидаҳои оббозӣ ба амал меоянд»
НИШАСТИ МАТБУОТӢ. Шумораи ҳолатҳои фавқулодаи табиӣ дар Тоҷикистон 519 ҳолат афзоиш ёфтааст
