Дар Душанбе имкони баргузории Анҷумани солонаи Бунёди ҷаҳонии иқтисодии исломӣ дар Тоҷикистон мавриди баррасӣ қарор гирифт
ДУШАНБЕ, 06.06.2022 /АМИТ «Ховар»/. 6 июн мулоқоти Вазири корҳои хориҷии Ҷумҳурии Тоҷикистон Сироҷиддин Муҳриддин бо Дабири кулли Бунёди форуми иқтисодии ҷаҳонии исломӣ Тан Сри Моҳд Радзӣ Абдул Раҳмон, ки ҷиҳати иштирок дар Конфронси дуюми байналмилалии сатҳи баланд оид ба Даҳсолаи байналмилалии амал «Об барои рушди устувор», солҳои 2018-2028 дар Душанбе қарор дорад, баргузор гардид. Дар ин бора АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.
Дар рафти суҳбат ҷонибҳо роҷеъ ба тақвияти ҳамкорӣ дар доираи Бунёди форуми иқтисодии исломӣ ва имкони баргузории Анҷумани солонаи Бунёди ҷаҳонии иқтисодии исломӣ дар Тоҷикистон табодули афкор намуданд.
Дар фарҷоми нишаст ҳамсуҳбатон аз зарурати ҳамкорӣ оид ба ҷалби имкониятҳои Бунёди форуми иқтисодии исломӣ дар соҳаи сармоягузорӣ, сайёҳӣ, саноат, нақлиёт, кишоварзӣ, энергетика ва ғайра таъкид намуданд.
Бояд зикр намуд, ки Бунёди форуми иқтисодии ҷаҳонии исломӣ платформаи иқтисодии сатҳи ҷаҳонӣ ба шумор рафта, ба ин васила имкониятҳои иқтисодии ҷаҳони исломро муаррифӣ мекунад, ҳамкории шарикӣ ва табодули донишро дар саросари ҷаҳон таҳким мебахшад.
Акс: ВКХ ҶТ
Ҳамкорӣ байни Тоҷикистон ва Дафтари Созмони Милали Муттаҳид оид ба масоили ҳуқуқӣ баррасӣ гардид
Намояндаи доимии Тоҷикистон бо муовини Котиби кулли Созмони умумиҷаҳонии обуҳавошиносӣ мулоқот намуд
Давлатшоҳ Гулмаҳмадзода бо роҳбарони ҷамъиятҳои тоҷикон дар шимолу ғарби Русия вохӯрӣ намуд
Сафири Тоҷикистон бо Губернатори вилояти Ленингради Русия мулоқот намуд
Сафири Тоҷикистон дар Русия бо ҷавонон ва донишҷӯёни тоҷик дар шаҳри Санкт-Петербург мулоқот намуд
Дар Женева дурнамо ва рушди ҳамкорӣ байни Тоҷикистон ва Созмони умумиҷаҳонии моликияти зеҳнӣ баррасӣ шуд
Сафири Тоҷикистон бо Губернатори Санкт – Петербург мулоқот намуд
РАВАНДИ ОБИ ДУШАНБЕ. Сомонаи расмии Конфронси чоруми байналмилалии сатҳи баланд оид ба Даҳсолаи байналмилалии амал «Об барои рушди устувор, 2018–2028» фаъол гардид
Барои иштирок дар Конфронси байналмилалии сатҳи баланд оид ба Даҳсолаи байналмилалии амал «Об барои рушди устувор» бақайдгирӣ оғоз ёфт
Дар Қоҳира ҳамкорӣ байни ширкатҳои Тоҷикистону Миср баррасӣ гардид
Дар Душанбе Ҷаласаи навбатии Шурои сарони ҳукуматҳо (сарвазирон)-и давлатҳои узви СҲШ доир мегардад
Сафири Тоҷикистон бо муовини якуми Раиси Бонки марказии Арабистони Саудӣ мулоқот намуд
