Дар Душанбе тақвияти иқтидори соҳибкории хурду миёна дар Тоҷикистон баррасӣ гардид
ДУШАНБЕ, 29.06.2022 /АМИТ «Ховар»/. Татбиқи лоиҳаи «Мусоидат ба рушди деҳот ва тақвияти иқтидори соҳибкории хурду миёна дар Тоҷикистон, Қирғизистон ва Туркманистон» дар мулоқоти Раиси Бонки миллии Тоҷикистон Ҳоким Холиқзода бо ҳайати Фонди хазинаи амонатҳо оид ба ҳамкории байналмилалии Олмон, роҳбари минтақавии лоиҳа Михаил Бек, ҳамоҳангсози минтақавӣ Аня Хойер ва намояндаи Фонд дар Тоҷикистон Инна Мазур дар Душанбе баррасӣ гардид. Дар ин бора АМИТ «Ховар» бо истинод ба Бонки миллии Тоҷикистон хабар медиҳад.
Ҳадафи асосии лоиҳа беҳтар кардани дастрасии молиявӣ ба аҳолии деҳот, соҳибкории хурду миёна ба хизматрасониҳои молиявӣ тавассути баланд бардоштани саводнокии молиявӣ ва маърифати соҳибкорӣ мебошад.
Ҳоким Холиқзода аз сатҳи ҳамкорӣ ва фаъолияти пурсамари Фонди хазинаи амонатҳо оид ба ҳамкории байналмилалии Олмон дар Тоҷикистон, ки аз соли 2014 инҷониб дар самти такмили ихтисоси кормандони бонкҳои тиҷоратӣ, баланд бардоштани маърифати молиявии аҳолӣ ва мусоидат дар беҳтар кардани дастрасии аҳолӣ ба хизматрасониҳои молиявӣ корҳои зиёдеро анҷом додааст, изҳори қаноатмандӣ намуд.
Мусоҳибон таҳкими ҳамкориро дар самти барои низоми бонкӣ муҳим — беҳтар кардани фазои соҳибкорӣ дар Тоҷикистон баррасӣ намуда, барои густариши муносибот дар самти баланд бардоштани тахассуси кормандони соҳаи низоми бонкӣ тавассути табодули таҷриба бо мутахассисони соҳаи бонкии Олмон ва ба ин васила мусоидат дар баланд бардоштани маърифати молиявии аҳолӣ изҳори омодагӣ намуданд.
АКС: Бонки миллии Тоҷикистон
Байни Тоҷикистон ва Арабистони Саудӣ ҳамкорӣ дар истифодаи устувори захираҳои об тақвият меёбад
Иштирокдорони Конфронси байналмилалии сатҳи баланд оид ба ҳифзи пиряхҳо тавассути VR айнакҳо пиряхҳои Тоҷикистон ва ҷаҳонро тамошо намуданд
Дар Рашт ҷаласаи комиссияи корӣ оид ба истифодаи неруи барқ доир гардид
ҚУРБИ АСЪОР: дар Тоҷикистон 1 рубли русӣ аз 0.1265 то 0.1250 сомонӣ муқаррар шудааст
Соҳибкорзан Зарринаи Сафаралӣ: «Дастрасӣ ба гранти президентӣ омили пешрафти соҳибкории занон аст»
Дар Душанбе роҳҳои нави ҳамкории иқтисодӣ байни Тоҷикистон ва Вилояти Мухтори Синзян-Уйғури Чин баррасӣ гардиданд
Дар Душанбе тавсеаи ҳамкории Тоҷикистон бо Иттиҳоди Аврупо дар соҳаи энергетика баррасӣ шуд
Барномаи рақамикунонии соҳаи кишоварзии Ҷумҳурии Тоҷикистон барои солҳои 2025-2030 қабул гардид
Тоҷикистон аъзои Иттиҳоди байналмилалии ҳифзи табиат (IUCN) гардид
Вазорати энергетикаи Тоҷикистон бо ташкилоти байналмилалӣ санадҳои нави ҳамкорӣ ба имзо расонид
КОНФРОНСИ БАЙНАЛМИЛАЛИИ САТҲИ БАЛАНД ОИД БА ҲИФЗИ ПИРЯХҲО. Он самтҳои калидии ҳамкории байналмилалӣ, таҳқиқоти илмӣ ва қарорҳои сиёсиро фаро мегирад
Вобаста ба устувории молиявӣ барои ҳифзи пиряхҳо ва устувории иқтисодӣ дар Тоҷикистон ҳамоиш доир шуд
