Дар назди мактаби №4-и Ҷамоати деҳоти Пахтаободи шаҳри Турсунзода сохтмони бинои иловагӣ оғоз гардид

Июнь 8, 2022 10:32

ТУРСУНЗОДА, 08.06.2022. /АМИТ «Ховар»/. Дар назди муассисаи таълимии №4-и Ҷамоати деҳоти Пахтаободи шаҳри Турсунзода сохтмони бинои иловагии мактаб оғоз гардид. Тибқи лоиҳа иншооти мазкур аз 2 ошёна иборат буда, дорои 12 синфхонаи барҳаво мебошад, иттилоъ дод хабарнигори минтақавии АМИТ «Ховар» Субҳониддини Маҳмуд.

Бунёди иншооти мазкур бо ташаббуси мақомоти иҷроияи ҳокимияти давлатии шаҳри Турсунзода ва ҷалби соҳибкорон, инчунин дастгирии кумитаи падару модарон роҳандозӣ гардид, зеро дар муассисаи мазкур нарасидани ҷойи нишаст барои хонандагон ба мушоҳида мерасид.

Зимни сафари корӣ Раиси шаҳр Парвиз Акрамзода бо ҷараёни корҳои сохтмонии бинои иловагии ин мактаб шинос шуд. Маълум гардид, ки таҳкурсии бинои мазкур омода буда, сохтмончиён ба корҳои бардоштани девори он машғул мебошанд.

Парвиз Акрамзода зикр кард, ки ин иқдом дар ҳошияи татбиқи супоришҳои Президенти Ҷумҳурии Тоҷикистон муҳтарам Эмомалӣ Раҳмон, ки зимни ироаи Паёми навбатӣ вобаста ба рушди соҳаи маориф баён гардида буданд, амалӣ карда мешавад.

«Дар доираи тадбирҳои ҷашнӣ ҷиҳати сазовор пешвоз гирифтани 35-солагии Истиқлоли давлатии Ҷумҳурии Тоҷикистон бинои иловагии мактаб моҳи сентябри соли 2023 ба истифода дода шуда, мушкилоти нарасидани ҷойи нишаст дар ин муассисаи таълимӣ пурра бартараф мегардад», -афзуд Раиси шаҳри Турсунзода.

Ёдовар мешавем, ки дар шаҳри Турсунзода ҷиҳати татбиқи сиёсати маорифпарваронаи муҳтарам Пешвои миллат бо мақсади муҳайё намудани шароити таҳсил дар заминаи 25 мактаб сохтмони 265 синфхонаи иловагӣ барои 6360 ҷойи нишаст ба нақша гирифта шуда, корҳои сохтмонӣ муташаккилона идома доранд.

АКС: МИҲД ш. Турсунзода

Июнь 8, 2022 10:32

Хабарҳои дигари ин бахш

Бо мақсади таъмин намудани рушди минбаъдаи муассисаҳои таҳсилоти ибтидоӣ ва миёнаи касбӣ 300 миллион сомонӣ ҷудо карда мешавад
Академияи сайёҳии Донишгоҳи байналмилалии сайёҳӣ ва соҳибкории Тоҷикистон таъсис дода мешавад
Дастаи Донишгоҳи техникии Тоҷикистон дар Чемпионати ҷаҳонии касбӣ сазовори ҷойи якум гардид
Зиёда аз 36 ҳазор хонандагони синфҳои ибтидоии Тоҷикистон бо хӯроки гарм таъмин мегарданд
Дар Тоҷикистон Барномаи давлатии омода намудани кадрҳои омӯзгорӣ таҳия карда мешавад
Омӯзгорону хонандагони шаҳри Роғун суханронии Президенти Тоҷикистонро ба муносибати Рӯзи дониш якҷоя тамошо намуданд
Эмомалӣ Раҳмон: «Дар 34 соли соҳибистиқлолӣ ба соҳаи маориф 73,6 миллиард сомонӣ маблағгузорӣ гардидааст»
ДОНИШ — ПОЯИ МУҲИМТАРИНИ РУШДИ ДАВЛАТ ВА МИЛЛАТ. Эҳдо ба Рӯзи дониш
Дар назди 20 муассисаи таълимӣ биноҳои иловагӣ бо озмоишгоҳҳои замонавӣ сохта мешаванд
Доир ба амалисозии барномаҳои давлатии марбут ба таҳсилоти томактабӣ ҷаласаи корӣ баргузор гардид
Дар Донишгоҳи техникии Тоҷикистон Чемпионати ҷаҳонии касбӣ баргузор гардид
Дар Душанбе Озмуни ҷумҳуриявии «Барномасози ҷавон» баргузор шуд