Дар шаҳри Ҳисор корхонаи саноатии истеҳсоли бомпӯшҳои азбестӣ мавриди истифода қарор гирифт

Июнь 28, 2022 14:27

ҲИСОР, 28.06.2022 /АМИТ «Ховар»/.  Ба муносибати 35-солагии Истиқлолияти давлатии Ҷумҳурии Тоҷикистон ва таҷлили 25-солагии Рӯзи Ваҳдати миллӣ бо иштироки раиси шаҳри Ҳисор Қосим Роҳбар  дар деҳаи Гаҷаки  Ҷамоати деҳоти Деҳқонобод корхонаи саноатии истеҳсоли бомпӯшҳои азбестии Ҷамъияти дорои масъулияташ  маҳдуди «Юсуфҷон-2020»-ро мавриди истифода қарор доданд. Дар ин бора ба хабарнигори минтақавии АМИТ «Ховар» котиби матбуоти раиси шаҳри Ҳисор Ҳидоятулло Холзода хабар дод.

Корхонаи мазкур бо иқдоми соҳибкор Баракат Одинаев дар масоҳати умумии 0,31 гектар бунёд ёфта, аз як коргоҳ ва ду хати истеҳсолӣ иборат мебошад.

Тавре роҳбари корхона Нуралӣ Халифаев гуфт, таҷҳизоти насбшуда истеҳсоли давлати Чин буда, иқтидори истеҳсолиаш 300 ҳазор дона бомпуши азбестӣ  дар як солро ташкил медиҳад. Дар корхона, ки дар ҳамкорӣ бо мутахассисони чинӣ бунёд ёфтааст, дар ду баст 25 нафар сокинони маҳаллӣ бо ҷойи кори доимӣ ва маоши аз 1500 то 2500 сомонӣ таъмин мегарданд.  Ҳамчунин дар ошхонаи корхона ба коргарон хӯроки гарм дода мешавад.

Корхона асосан бо ашёи хоми ватанӣ фаъолият карда, маҳсулоти он метавонад дар бозорҳои дохилӣ ва хориҷи мамлакат бо сифату рақобатпазирӣ харидорони худро пайдо карда, шуҳрати корхонаро афзун намояд.

Раиси шаҳри Ҳисор  Қосим Роҳбар ба соҳибкор барои дар амал татбиқ намудани дастуру супоришҳои  Пешвои муаззами миллат муҳтарам Эмомалӣ Раҳмон вобаста ба эълон гардидани солҳои 2022-2026 «Солҳои рушди саноат» ва таъсиси ҷойҳои нави корию мусоидат намудан ба ҳалли мушкилоти мардум ҷиҳати дастрасӣ ба масолеҳи сохтмонӣ, изҳори сипос намуд. Таъкид гардид, ки солҳои охир бинобар рушди сохтмон дар шаҳр талабот ба ин навъи масолеҳ зиёд шудааст ва эътибор додан ба сифати он барои пайдо гардидани харидорони бештар чӣ дар дохил ва чӣ дар берун аз мамлакат мусоидати фаъол хоҳад намуд.

Тибқи нақшаи Мақомоти иҷроияи ҳокимияти давлатии шаҳри Ҳисор давоми ҳафтаи сипаришуда дар ҷамоатҳои шаҳраку деҳоти  Ҳисор 17 иншооти ҷашнӣ, аз қабили марказҳои савдою хизматрасонӣ, муассисаҳои тандурустӣ, сардхона, роҳу пулҳо, чоҳҳои амудӣ, ошхонаи замонавӣ ва корхонаҳои саноатию бинои баландошёнаи истиқоматӣ мавриди баҳрабардорӣ қарор дода шуданд.

АКС:  Мақомоти иҷроияи ҳокимияти давлатии шаҳри Ҳисор

 

                     

Июнь 28, 2022 14:27

Хабарҳои дигари ин бахш

Пешвои миллат Эмомалӣ Раҳмон бо роҳбарону фаъолони вилояти Суғд машварати корӣ доир карданд
Сарвари давлат Эмомалӣ Раҳмон дар шаҳри Конибодом бинои Кумитаи иҷроияи ҳизби ХХДТ-ро ба истифода супориданд
Пешвои миллат Эмомалӣ Раҳмон Маҷмааи хизматрасонии «Тоҷи заррин»-ро мавриди баҳрабардорӣ қарор дода, ба100 нафар ятими кулл туҳфаҳо тақдим карданд
Президенти мамлакат Эмомалӣ Раҳмон Муассисаи таҳсилоти миёнаи умумии №7-и шаҳри Конибодомро мавриди баҳрабардорӣ қарор доданд
Сарвари давлат Эмомалӣ Раҳмон ба фаъолияти Коргоҳи коркарди меваи хушки ҶСК «Конибодом» оғоз бахшиданд
Пешвои миллат Эмомалӣ Раҳмон дар шаҳри Конибодом шаҳраки кӯдаконаи «Кайҳон»-ро ба истифода доданд
Президенти мамлакат Эмомалӣ Раҳмон боғи истироҳатию фароғатии «Истиқлол»-и шаҳри Конибодомро мавриди баҳрабардорӣ қарор доданд
Сарвари давлат Эмомалӣ Раҳмон бинои иловагии Беморхонаи марказии шаҳри Конибодомро ифтитоҳ карданд
Президенти мамлакат Эмомалӣ Раҳмон дар шаҳри Истаравшан шуъбаи Раёсати КДАМ-ро ифтитоҳ карданд
Сарвари давлат Эмомалӣ Раҳмон корхонаи нассоҷӣ ва дӯзандагии ҶДММ «Нури Истаравшан»-ро ифтитоҳ ва аз намоиши маҳсулоти корхонаҳои саноатӣ боздид намуданд
Оғози сафари кории Пешвои миллат Эмомалӣ Раҳмон дар шаҳри Истаравшан ва ифтитоҳи корхонаи бисёрсоҳавии саноатии ҶДММ «Шарафи рӯз»
Президенти мамлакат Эмомалӣ Раҳмон дар ноҳияи Бобоҷон Ғафуров Корхонаи истеҳсоли халтаҳои полипропиленӣ ва полиэтилении ҶДММ «Ориён Пак»-ро мавриди истифода қарор доданд

Маводҳои таҳлилӣ