ФУТБОЛ. Имрӯз бозии дастаҳои «Истиқлол»-и Душанбе ва «Равшан»-и Зафаробод баргузор мегардад

ДУШАНБЕ, 21.06.2022 /АМИТ «Ховар»/. Шоми имрӯз дастаи футболи «Истиқлол»-и шаҳри Душанбе бозии ба таъхир гузошташудаи даври 9-уми мусобиқоти қаҳрамонии Тоҷикистонро бо дастаи футболи «Равшан»-и ноҳияи Зафаробод анҷом медиҳад, хабар медиҳад шореҳи варзиши АМИТ «Ховар» Меҳрони Қурбон бо истинод ба Федератсияи футболи Тоҷикистон.

Бозии мазкур дар шаҳри Хуҷанд дар Варзишгоҳи «Спартак», соати 17:30 барпо мегардад. Мавриди зикр аст, ки дастаи футболи «Истиқлол»-и шаҳри Душанбе омодагӣ худро ба бозии мазкур дар дараи Алмосӣ шаҳри Ҳисор гирифтааст.

Натиҷаи дастаҳо дар ҷадвали Чемпионати Тоҷикистон оид ба футбол миёни дастаҳои Лигаи олӣ

                                                                 Б  Ғ  М  Б  Т    И
1  «Хатлон» (Бохтар)                            8  5  3  0  10-4  18

2  КМВА(Душанбе)                               7  4  1  2  11-10   13

3  «Равшан» (Кӯлоб)                            6  3  2  1  6-5  11

4  «Файзканд» (Восеъ)                         7  3  2  2  10-11  11

5 «Хуҷанд» (Хуҷанд)                            8  2  4  2  6-4    10

6  «Эсхата» (Хуҷанд)                            6  2  1  3  11-12 7

7  «Регар-ТадАЗ» (Турсунзода)        8  2  1  5  8-11   7

8  «Равшан» (Зафаробод)                  8  1  3  4  8-15  6

9  «Истиқлол» (Душанбе)                  3 1  2  0  4-3 5

10   «Истаравшан» (Истаравшан)   7  1  1  5  7-7    4

Рӯйхати голзанҳои пешсаф: Дилшод Бозоров, Шарафҷон Солеҳов (КМВА) бо  5 тӯбӣ, Мбеке Сиябатчу Деудони («Истаравшан»), Санҷар Рихсибоев («Эсхата»), Фатҳулло Фатҳуллоев («Регар-ТадАЗ») – бо  4 тӯбӣ  қарор доранд.

АКС: Федератсияи футболи Тоҷикистон