Гурӯҳи корӣ аз иншооти сохташавандаи шаҳри Хоруғ дидан намуд

Июнь 14, 2022 09:31

ДУШАНБЕ, 14.06.2022 /АМИТ «Ховар»/. Бахшида ба 25-солагии Рӯзи Ваҳдати миллӣ дар маҳаллаҳои Султони Валӣ, Носири Хусрав ва Хуфаки шаҳри Хоруғ се адад майдончаҳои варзишӣ дар рузҳои таҷлил аз ҷашни миллӣ мавриди баҳрабардорӣ қарор хоҳанд гирифт. Дар ин бора АМИТ «Ховар» бо истинод ба мақомоти иҷроияи ҳокимияти давлатии шаҳри Хоруғ хабар медиҳад.

Муовини якуми раиси Вилояти Мухтори Кӯҳистони Бадахшон Низом Мирзозода ва раиси шаҳри Хоруғ Ризо Назарзода аз рафти корҳои сохтмонӣ дар майдончаҳои варзишии маҳаллаҳои мазкур дидан ба амал оварданд.

Зикр карда шуд, ки бунёди ин иншоот бо фармоиши Дирексияи сохтмони иншооти Ҳукуматии Дастгоҳи иҷроияи Президенти Ҷумҳурии Тоҷикистон сурат гирифта, барои анҷоми корҳои сохтмонии ҳар кадоме аз онҳо маблағи 1 миллион сомонӣ масраф шудааст.

Ҳамзамон муовини якуми раиси вилоят ва раиси шаҳри Хоруғ аз рафти корҳои сохтмонӣ дар мавъзеи бунёди бинои дуюми муассисаи таҳсилоти миёнаи умумии рақами 8 шаҳри Хоруғ боздид намуданд. Айни замон дар муассиса корҳои заминӣ бо маром ҷараён дошта, бо пурра бардошта шудани бинои кӯҳна сохтмони бинои дуюм шурӯъ мегардад. Фармоишгари иншооти мазкур Дирексияи сохтмони иншооти Ҳукуматии Дастгоҳи иҷроияи Президенти Ҷумҳурии Тоҷикистон буда, корҳои сохтмониро ҶДММ «Шариф-ШС» ба уҳда гирифтааст. Барои бунёди бинои навбатии муассисаи таълимӣ 5 миллион сомонӣ маблағ ҷудо шудааст.

Ба пудратчии иншооти мазкур аз ҷониби муовини аввали раиси вилоят ва роҳбарияти шаҳри Хоруғ дастур дода шуд, ки сохтмонро босифати баланд ва мувофиқ ба талаботи шаҳрсозиву меъморӣ дар муҳлати муайяншуда ба итмом расонанд.

Зимни боздид аз биноҳои ҷамоати шаҳраки Шоҳтемуриён ва Раёсати маорифи вилоят роҳбарони ин ниҳодҳо барои дар ҳолати хуби техникӣ нигоҳ доштани биноҳои маъмурӣ , тозаву тамиз намудани гирду атрофи онҳо, ба талаботи замон ҷавобгў гардондани аёният ва шиору овезаҳо, ҳамчунин вусъати корҳои ободониву созандагӣ вазифадор карда шуданд.

Инчунин дар маҳаллаҳои алоҳида чароғонкунии ҳудуди муайян, мумфаршкуни ин қитъаҳои роҳҳои нақлиётӣ ва иваз намудани қубурҳои обгузар дар назар дошта шудааст, ки аз ин маконҳо низ муовини аввали раиси вилоят ва раиси шаҳри Хоруғ дидан ба амал оварда, ҳар чи тезтар оғоз намудани корҳоро дар ин самт ба мақсад мувофиқ хонданд.

АКС: Мақомоти иҷроияи ҳокимияти давлатии шаҳри Хоруғ

Июнь 14, 2022 09:31

Хабарҳои дигари ин бахш

Абдусалом Назаров дар боғаш 12 навъи зардолу парвариш менамояд
Дар доираи татбиқи «Барномаи рушди иқтисодию иҷтимоии ноҳияи Рашт барои солҳои 2021-2025» 256 иншоот сохта мешавад
Имрӯз дар шаҳри Душанбе ҳаво то 37 дараҷа гарм мешавад
Дар Ховалинг бахшида ба фаъолияти эҷодии шоир Ҳабибулло Файзулло маҳфили адабӣ доир мешавад
Дар ноҳияи Данғара ду коргоҳи истеҳсоли оксиген ба истифода дода шуд
Дар Донишгоҳи давлатии Хоруғ бахшида ба Рӯзи Ваҳдати миллӣ конфронси ҷумҳуриявӣ доир гардид
Имрӯз дар баъзе ноҳияҳои кӯҳии Тоҷикистон борони кӯтоҳмуддат меборад
«Ҳар яки мо барои таҳкими ваҳдати сартосарӣ вазифадорем», — бардошт аз конференсия дар Донишгоҳи давлатии Кӯлоб
Бахшида ба таҷлили 2550-солагии Эъломияи ҳуқуқи башари Куруши Кабир дар Душанбе ҳамоиш доир шуд
Дурахши ситораҳо: дар Суғд мусобиқаҳои футболи кӯдакона доир гардиданд
Дар «Шарора» басти якуми истироҳат барои хонандагони ноҳияи Исмоили Сомонии пойтахт оғоз гардид
Кумитаи кор бо занон ва оила таҳти унвони «Ваҳдат – мароми модарон» конференсия доир менамояд