ИҶОЗАТИ ПАРВОЗ МЕПУРСАНД. Ду ширкати ҳавопаймоии Русия мехоҳанд ба Тоҷикистон парвозҳои мустақим анҷом диҳанд
ДУШАНБЕ, 16.06.2022 /АМИТ «Ховар»/. Якбора ду ширкати ҳавопаймоии Русия – «Азур Эйр» ва «Уральские авиалинии» барои анҷом додани парвозҳо аз Перм ба Тоҷикистон иҷозат хостаанд. Дар ин бора аз маводи ҷаласаи комиссияи байниидоравии Агентии федералии нақлиёти ҳавоӣ оид ба қабули ширкатҳои ҳавопаймоӣ барои ҳамлу нақли ҳавоӣ бармеояд.
Тавре дар ҷаласаи ҳукумати кишвари Перми Федератсияи Русия маълум шуд, дар ҷадвали фурудгоҳи «Болшое Савино» парвозҳои нав ба Тоҷикистон метавонанд пайдо шаванд. Дар сурати гирифтани иҷозат барои ҳамлу нақли ҳавоӣ, ширкати ҳавопаймоии «Уральские авиалинии» дар масири Перм-Душанбе ҳафтае ду маротиба парвозҳои нав ба нақша гирифтааст.
Ширкати ҳавопаймоии «Азур Эйр» низ қасд дорад дар масири Перм-Хуҷанд ҳафтае ду маротиба парвоз кунад.
Вазири нақлиёти кишвари Перм Андрей Алякринский зикр кард, ки дар марҳилаи кунунӣ бо ширкатҳои ҳавопаймоӣ гуфтушунидҳо барои кушодани хатсайрҳои мустақими ҳавоӣ ба дигар кишварҳои хориҷи наздик идома доранд.
Барномаи субсидияи парвозҳо дар соли 2022 262 миллион рублро пешбинӣ мекунад.
Ҳоло фурудгоҳи Перм дар 27 самт фаъолият мекунад. Дар байни онҳо се самти байналмилалӣ — Туркия, Қирғизистон ва Узбекистон мебошад.
Қобили зикр аст, ки қаблан ширкати ҳавопаймоии «Северный ветер» қасд дошт тавассути ин самтҳо ба Тоҷикистон парвоз анҷом диҳад.
Ёдовар мешавем, ки панҷ ширкати ҳавопаймоии Федератсияи Русия, аз қабили «Сибир», «Ютэйр», «Уральские авиалинии» ва «Северний ветер» дар як ҳафта 145-150 маротиба аз Тоҷикистон ба 16 шаҳрҳои Русия парвозҳо анҷом медиҳанд. Дар ин бора ба АМИТ «Ховар» муовини директори Агентии авиатсияи граждании назди Ҳукумати Ҷумҳурии Тоҷикистон Азиз Набизода хабар дод.
Ба гуфтаи ӯ, парвозҳо ба шаҳрҳои Кӯлоб, Бохтар, Хуҷанд ва Душанбе сурат мегиранд. Айни замон як ширкати ҳавопаймоии Тоҷикистон «Somon Air» ба шаҳрҳои Русия парвозҳо анҷом медиҳад.
Тибқи иттилои Азиз Набизода, айни замон ҳавопаймоҳои «Уральские авиалинии» аз шаҳрҳои Кӯлоб, Хуҷанд ва Душанбе ба шаҳрҳои Москва, Санкт-Петербург, Екатеринбург, Қазон, Краснодар, Уфа, Самара, Минводи ва Челябинск парвозҳо анҷом медиҳанд.
Фирӯза ДАВЛАТЗОДА,
АМИТ «Ховар»
ДАР АКС: ҳайати сарнишинони «Уральские авиалинии». Акс аз манбаъҳои боз
Дар Тоҷикистон моҳи октябр сатҳи оби дарёҳо кам гардидааст
Портали хизматрасониҳои давлатӣ дар реҷаи пилотӣ ба фаъолият оғоз намуд
Байни Тоҷикистон ва Чин ҳамкории иқтисодию тиҷоратӣ баррасӣ гардид
Дар ноҳияи Ванҷ соҳаи боғпарварӣ рушд меёбад
Парвозҳои мустақим дар самти Машҳад – Душанбе – Машҳад оғоз гардид
Тоҷикистон ва Ҷопон дар соҳаи мониторинги пиряхҳо, газҳои гулхонаӣ ва сифати ҳаво Ёддошти тафоҳум ба имзо расониданд
Байни Палатаи савдо ва саноати Тоҷикистон ва вилояти Қазвини Эрон Ёддошти тафоҳуми ҳамкорӣ ба имзо расид
Неругоҳи барқи обии «Тоҷикистон» дар 7 сол 30 миллион кВт-соат неруи барқ истеҳсол намудааст
Дар ноҳияи Деваштич шудгори заминҳо оғоз гардид
Оид ба ҳамкории Тоҷикистон ва Иттиҳоди Аврупо дар рушди энергетикаи устувор намоиши аксҳо доир шуд
Дар Тоҷикистон беш аз 611 гектар замин шудгор карда мешавад
Дар Хатлон беш аз 30 ҳазор зан ба фаъолияти соҳибкорӣ машғул аст
