Бо иштироки муовини Сарвазири Тоҷикистон дар Шаҳринав ҷамъоварии пахта оғоз гардид
ШАҲРИНАВ, 19.09.2026 /АМИТ «Ховар»/. Дар ноҳияи Шаҳринав бо иштироки муовини Сарвазири Ҷумҳурии Тоҷикистон Сулаймон Зиёзода ҷамъоварии пахта оғоз гардид. Дар ин хусус ба хабарнигори минтақавии АМИТ «Ховар» аз Мақомоти иҷроияи ҳокимияти давлатии ноҳияи Шаҳринав хабар доданд.
Иттилоъ дода шуд, ки имсол дар ноҳия дар 345 гектар чигит кишт карда шудааст. Аз ин ҳисоб 100 гектар ба тариқи технологияи зери плёнка ва майдонҳои боқимонда ба таври анъанавӣ кишт карда шудаанд.
Муовини Сарвазир ва масъулин барои парвариши пахта, коркарди байни қаторҳо, анҷом додани саривақтии корҳои агротехникӣ ва руёнидани ҳосили баланд ба кори хоҷагидорони пахтакор баҳои баланд доданд.
Ҳайати меҳмонон инчунин аз гармхонаҳои замонавии ноҳия дидан карданд. Дар ин гармхонаҳо бо истифода аз усулҳои муосири кишоварзӣ помидору бодиринг кишт намудаанд, ки аз он ҳосили дилхоҳ ба даст меоранд.
Муовини Сарвазири мамлакат Сулаймон Зиёзода дар ноҳияи Шаҳринав бо корҳои саҳроӣ ва вазъи соҳаи кишоварзӣ шинос шуда, барои боз ҳам рушду ташаккул додани соҳаи кишоварзӣ ва истифодаи мақсадноку босамари замин, риояи қоидаҳои агротехникӣ, ҷамъоварии саривақтӣ ва беталафоти пахта ва дигар маҳсулоти кишоварзӣ ба масъулини ноҳия супоришу тавсияҳо дод.
АКС: Мақомоти иҷроияи ҳокимияти давлатии ноҳияи Шаҳринав
Дар Минск ҳамкории мақомоти дахлдори Тоҷикистон ва Русия дар самти муқовимат ба коррупсия баррасӣ шуд
Парвозҳои ҳавоӣ байни Душанбе ва Давҳа барқарор мегарданд
Дар Душанбе Конфронси панҷуми байналмилалии роҳдории Осиёи Марказӣ баргузор мегардад
Дар Панҷакент коргоҳи коркарди қуму шағал ва истеҳсоли бетон ба истифода дода шуд
Ҷаласаи навбатии Комиссияи байниидоравӣ оид ба таъмини бехатарии авиатсионӣ баргузор шуд
Намояндагони «Тоҷикаэронавигатсия» бо раванди таҳсили донишҷӯёни тоҷик дар Академияи давлатии авиатсияи Беларус шинос гардиданд
Дар Душанбе ҷаласаи 14-уми Комиссияи байниҳукуматии Тоҷикистон ва Чин оид ба ҳамкории тиҷоратию иқтисодӣ доир шуд
Муовини Сарвазири Тоҷикистон бо вазъи соҳаи кишоварзии шаҳри Кӯлоб шинос гардид
Ҷаласаи навбатии Шурои байнидавлатии муқовимат ба коррупсияи кишварҳои аъзои ИДМ дар Минск доир шуд
Дар Лондон масъалаҳо оид ба соҳаи энергетикаи Тоҷикистон баррасӣ гардиданд
ЗЕҲНИ СУНЪӢ ДАР АМНИЯТИ КИБЕРӢ. Андешаҳо оид ба имконот ва таъсири он ба мудофиаи киберӣ
Дар Душанбе ҷаласаҳои муштараки соҳаи алоқаи кишварҳои Иттиҳоди Давлатҳои Мустақил баргузор мегарданд
