Масъулини соҳа масъалаи хизматрасонии тиббии ройгон ва таъминоти доруворӣ ба шахсони имтиёздорро баррасӣ карданд
ДУШАНБЕ, 23.06.2022. /АМИТ «Ховар»/. Айни замон дар Тоҷикистон 284 муассисаҳои тандурустӣ тибқи «Тартиби хизматрасонии тиббию санитарӣ ба шаҳрвандони Ҷумҳурии Тоҷикистон дар муассисаҳои системаи давлатии тандурустӣ» ва 31 муассисаҳои дигари соҳа тибқи «Барномаи кафолатҳои давлатӣ оид ба таъмини аҳолӣ бо кӯмаки тиббию санитарӣ дар ноҳияҳои таҷрибавии Ҷумҳурии Тоҷикистон барои солҳои 2020-2022» хизматрасонии тиббии ройгон ва ҳампардохтро амалӣ менамоянд.
Дар ин хусус муовини сардори Хадамоти назорати давлатии тандурустӣ ва ҳифзи иҷтимоии аҳолӣ Давлатмурод Олимов дар ҷаласаи навбатии ҳайати мушовараи Вазорати тандурустӣ ва ҳифзи иҷтимоии аҳолии Ҷумҳурии Тоҷикистон, ки 18 июни соли равон дар Маркази миллии тиббии Тоҷикистон “Шифобахш” доир гардид, маълумот дод.
Яке аз масъалаҳои матраҳшавандаи рўзномаи ҷаласаи мазкур ин риояи меъёрҳои қонунгузории амалкунанда дар самти ташкили хизматрасонии тиббии ройгон ва таъминоти доруворӣ ба шахсони имтиёздор буд.
Иттилоъ дода шуд, ки дар доираи Қарорҳои Ҳукумати Ҷумҳурии Тоҷикистон, «Дар бораи Тартиби хизматрасонии тиббию санитарӣ ба шаҳрвандони Ҷумҳурии Тоҷикистон дар муассисаҳои системаи давлатии тандурустӣ» аз 2 декабри соли 2008, №600 дар 41 муассиса ба ҳама хизматрасониҳо, дар 114 муассиса ба баъзе шуъбаҳо, дар 131 муассиса дар бахшҳои ёрирасон, аз ҷумла 32 марказҳои пешгирӣ ва мубориза бар зидди бемории ВНМО, 10 зерсохторҳои Хадамоти назорати давлатии санитарию эпидемиологӣ ва 8 марказҳои мубориза бар зидди бемориҳои тропикӣ хизматрасонии тиббии ройгон ва ҳампардохт ба роҳ монда шудааст.
Хотиррасон менамоем, ки ба ғайр аз ин масъала дар ҷаласаи мазкур се мавъзўи дигар — «Ҷамъбасти мавсими тирамоҳу зимистони солҳои 2021-2022 ва омодагии муассисаҳои тандурустӣ ва ҳифзи иҷтимоии аҳолии ҷумҳурӣ барои фаъолияти мунтазам ва самарабахш дар давраи тирамоҳу зимистони солҳои 2022-2023», «Таҳлили фаъолияти шабакаи муассисаҳои кӯмаки аввалияи тиббию санитарӣ дар шаҳру ноҳияҳои ҷумҳурӣ», «Таҳлили вазъи воқеии хизматрасонии тиббӣ дар самти ташхис, табобат ва назорати дармонгоҳии бемориҳои дил ва ҷарроҳии дил дар ҷумҳурӣ» мавриди баррасӣ қарор дода шуданд.
АКС: Вазорати тандурустӣ ва ҳифзи иҷтимоии аҳолии Ҷумҳурии Тоҷикистон
Кумаки башардӯстонаи Тоҷикистон ба мардуми аз обхезиҳои шадид зарадидаи Қазоқистон ба роҳ баромад
Намояндагони Тоҷикистон дар Форуми ташкилоти кор бо ҷавонони аъзои ИДМ дар шаҳри Тошканд иштирок намуданд
Кумитаи кор бо ҷавонон ва варзиши Тоҷикистон бо ташкилоти байналмилалии соҳавӣ ҳамкориро тақвият мебахшад
Имрӯз дар Душанбе бо иштироки меҳмонон аз Узбекистон Озмуни ҷумҳуриявии «Кадбонуи беҳтарин» ҷамъбаст гардид
Ҳайати намояндагӣ-занони роҳбари воҳидҳои сохтории Ҷумҳурии Узбекистон ба Тоҷикистон омад
МАРОТИБАИ АВВАЛ. Табибони тоҷик усули нави ҷарроҳӣ дар самти табобати сурхрӯда ва меъдаро амалӣ намуданд
Дар Тоҷикистон бар асари боронҳои сел талафоти ҷонӣ ва харобиҳо сабт нашудаанд
Дар шаҳри Кӯлоб омодагии мудофиаи ҳудудӣ ва захираҳои сафарбарӣ мавриди омӯзиш ва санҷиш қарор гирифт
ҲАҶ ФАРЗ АСТ Ё ХУДНАМОЙИИ ҲОҶИЁН? Агар зоирон нисфи хароҷоти исрофкоронаашонро барои бунёди пул, ҳаммом, кандани ҷӯй сарф менамуданд, аҷру савоби бештар мегирифтанд
Дар шаҳри Хуҷанд клиникаи муосири оилавии муосири 1+1 ифтитоҳ гардид
«ВАССОФИ ВАТАН». Фестивал-озмуни тарғибгари дастовардҳои миллӣ оғоз гардид
СОЛИ МАЪРИФАТИ ҲУҚУҚӢ. Андешаҳо оид ба моҳияти фалсафии он
