Тоҷикистон ва Беларус ҳавасманди тавсеа бахшидани доираи васеи ҳамкорӣ мебошанд
ДУШАНБЕ, 07.06.2022/АМИТ «Ховар»/. Раиси Маҷлиси намояндагони Маҷлиси Олии Ҷумҳурии Тоҷикистон Маҳмадтоир Зокирзода дар Ереван (Арманистон), ки он ҷо ҷаласаи Шӯрои Ассамблеяи Парлумонии Созмони Аҳдномаи амнияти дастҷамъӣ (СААД) ҷараён дорад, бо Раиси Палатаи Намояндагони Маҷлиси миллии Беларус Владимир Андрейченко мулоқот намуд.
Ҷонибҳо иброз доштанд, ки Тоҷикистону Беларус ба таври анъанавӣ алоқамандии наздик дошта, кишварҳо шарикии стратегии мутақобилан судмандро пайваста тавсеа мебахшанд, ки заминаи таҳкими он муносибати эътимодбахшу дӯстонаи сарони ду давлат — Эмомалӣ Раҳмон ва Александр Лукашенко мебошад.
Таъкид гардид, ки соли 2021 гардиши мол миёни Тоҷикистону Беларус беш аз 126 миллион долларро ташкил дода, нисбат ба соли 2020 12,6 фоиз афзоиш ёфтааст.
Зимни вохӯрӣ таваҷҷуҳи тарафайн ба густариши доираи васеи ҳамкории мутақобилан манфиатбахш равона гардид, ки метавонад ба пешрафти истеҳсоли васлкунии лифтҳои Беларус дар Тоҷикистон, таъсиси корхонаи муштараки истеҳсоли қолин, интиқоли таҷҳизоти мусофирбарӣ, кӯҳӣ ва сохтмонӣ аз Беларус, таъминоти чорвои зотии селексияи беларусӣ, зиёд кардани содироти маҳсулоти озуқаворӣ, аз ҷумла молҳои аз рӯи стандартҳои «Ҳалол» сертификатсияшуда мусоидат намояд.
Беларус дар навбати худ ба воридоти ашёи хом аз Тоҷикистон барои саноати сабук ва ҳамчунин роҳандозии ҳамкорӣ дар соҳаҳои маориф, фарҳанг ва варзиш ҳавасманд аст.
Илова бар ин ҷонибҳо масъалаҳои муҳими густариши ҳамкорӣ ва таҳкими саъю талошҳои муштараки кишварҳои узви СААД дар Ассамблеяи парлумонии САҲА, инчунин таҳкими ҳамкории байнипарлумонӣ дар фазои ИДМ оид ба муқовимат ба сохтакории ҳақиқати таърихиро баррасӣ намуданд.
АКС: аз бойгонии АМИТ «Ховар»
Сафири Тоҷикистон ба Президенти Ҷумҳурии Исломии Покистон эътимоднома супорид
Ҳамкории Тоҷикистон ва Барномаи рушди Созмони Милали Муттаҳид тақвият меёбад
Ҳоким Холиқзода дар Форуми сиёсии сатҳи баланд оид ба рушди устувор дар Созмони Милали Муттаҳид иштирок намуд
Шаҳри Магдебурги Олмон мизбони Мусобиқаи варзишӣ оид ба аспдавонӣ барои дарёфти ҷоми Ҷумҳурии Тоҷикистон гардид
Сафири Тоҷикистон ба Президенти Ҷумҳурии Арабии Миср эътимоднома супорид
Ҳоким Холиқзода бо муовини якуми Дабири кулли Созмони Милали Муттаҳид Амина Муҳаммад мулоқот намуд
Ҳамкории Тоҷикистон ва Созмони Милали Муттаҳид дар соҳаи обу энергетика ва ҳифзи пиряхҳо баррасӣ гардид
Муовини якуми Сарвазири мамлакат Ҳоким Холиқзода дар чорабинии канории Тоҷикистон дар қароргоҳи СММ иштирок намуд
ВКХ ҶТ: «Хабарҳои бархе аз расонаҳо дар бораи гӯё таъсис додани пойгоҳи низомӣ аз ҷониби Чин дар қаламрави Тоҷикистон асос надоранд»
Тоҷикистон ва Қатар татбиқи Созишномаи байниҳукуматӣ оид ба ҳамкорӣ дар соҳаи амниятро баррасӣ намуданд
Дурнамои тавсеаи ҳамкории иқтисодӣ байни Тоҷикистону Олмон баррасӣ гардид
Намояндагони бахшҳои давлатӣ ва хусусии Арабистони Саудӣ ба Тоҷикистон меоянд
