Вазири кишоварзии Тоҷикистон Саъдӣ Каримзода бо намояндагони Ҷумҳурии Бошқирдистон мулоқот намуд

Июнь 1, 2022 11:30

ДУШАНБЕ, 01.06.2022 /АМИТ «Ховар»/. 31 май мулоқоти Вазири кишоварзии Ҷумҳурии Тоҷикистон Саъдӣ Каримзода  бо ҳайати Ҷумҳурии Бошқирдистон таҳти роҳбарии муовини Сарвазир – вазири кишоварзии Ҷумҳурии Бошқирдистон Илшат Фазрахманов баргузор гардид. Дар ин бора ба АМИТ «Ховар» дар шуъбаи матбуот ва иттилооти Вазорати кишоварзии Ҷумҳурии Тоҷикистон  хабар доданд.

Вазири кишоварзӣ Саъдӣ Каримзода мулоқотро саривақтӣ ҳисобида, гуфт, ки «ҳоло мавсими пухта расидани маҳсулоту зироати кишоварзӣ оғоз ёфта, барои дастрасии саривақтии он ба истеъмолкунандагон ва махсусан содироти он аҳамияти аввалиндараҷа дода мешавад.  Федератсияи Русия барои Ҷумҳурии Тоҷикистон шарики муҳими стратегӣ буда, ҳамкории мо аз хоҳиши таҳким ва густариши робитаҳо дар соҳаи кишоварзӣ иборат аст».

Муовини Сарвазир – вазири кишоварзии Ҷумҳурии Бошқирдистон Илшат Фазрахманов иброз намуд, ки «имконияти соҳаи кишоварзии Ҷумҳурии Тоҷикистон хеле зиёд буда, барои гирифтани ҳосили такрорӣ, бунёди боғҳои интенсивӣ, таъсиси фермаҳои чорводорӣ ва парандапарварӣ, таъсиси марказҳои логистикӣ шароити мусоид мавҷуд мебошад».

Зимни мулоқот ректори Донишгоҳи аграрии Тоҷикистон Усмон Маҳмадёрзода, президенти Академияи илмҳои кишоварзии Тоҷикистон Нуралӣ Асозода, сардори КВД «Саноати парандапарварии Тоҷикистон» Машокир Назаров дархосту пешниҳодҳои худро барои ҳамкории минбаъда иброз намуданд.

Ҳамзамон аз ҷониби ҳайати расмии Ҷумҳурии Бошқирдистон барои фаъолияту ҳамкорӣ дар оянда пешниҳодҳо дар доираи лоиҳаҳо иброз шуданд.

АКС: шуъбаи матбуот ва иттилооти Вазорати кишоварзии Ҷумҳурии Тоҷикистон 

 

Июнь 1, 2022 11:30

Хабарҳои дигари ин бахш

Сарвазири мамлакат Қоҳир Расулзода дар ноҳияи Дӯстӣ бо рафти ҷамъоварии ҳосили пахта ва корҳои созандагӣ шинос гардид
Дар Душанбе таҳкими ҳамкорӣ вобаста ба конфронси СИТЕС баррасӣ шуд
Шуруъ аз 16 сентябр дар масири Сиан-Душанбе парвозҳои мустақими ҳавоӣ оғоз мегарданд
Тоҷикистон ва Иттиҳоди Аврупо ҳамкориро дар соҳаи энергетика ва захираҳои об тақвият медиҳанд
Сарвазири мамлакат Қоҳир Расулзода дар ноҳияи Кӯшониён бо ҷараёни корҳои созандагӣ ва хоҷагидорӣ шинос шуд
Сиёсати Тоҷикистон дар самти идоракунии ҳамгироёнаи захираҳои об дар Шветсия муаррифӣ карда шуд
Бонки аврупоии таҷдид ва рушд барои таҷдиди низоми нақлиёти шаҳри Душанбе маблағ ҷудо менамояд
Дар Минтақаи озоди иқтисодии «Данғара» татбиқи лоиҳаҳои муштарак бо сармоягузорони Чин баррасӣ карда шуд
Дар Неругоҳи барқи обии «Роғун» роботи махсуси кафшерӣ ба истифода дода шуд
Роҳҳои афзоиш додани ҳаҷми истеҳсол ва коркарди нахи пахта дар Тоҷикистон баррасӣ гардид
Дар Чин масъалаи вазъи заминҳои шӯр ва ишқордор баррасӣ шуд
Ангури хуштаъми Тоҷикистон дар бозорҳои шаҳри Самара ба фурӯш гузошта шудааст