БА ШАРАФИ СОЛҲОИ РУШДИ САНОАТ. Дар деҳаи Ғайратободи Ҳисор 35 нафар занону духтарони маҳаллӣ ба кор ҷалб шуданд
ҲИСОР, 25.07.2022 /АМИТ «Ховар»/. Бахшида ба Солҳои рушди саноат (2022-2026) дар деҳаи Ғайратободи Ҷамоати деҳоти Сомони шаҳри Ҳисор коргоҳи дӯзандагие, ки муваққатан аз фаъолият бозмонда буд, бо мусоидати Мақомоти иҷроияи ҳокимияти давлатии шаҳр дар доираи амалисозии ҳадафи чоруми миллӣ- саноатикунонии босуръати мамлакат ба кор шурӯъ намуд. Дар ин бора котиби матбуоти Раиси шаҳри Ҳисор Ҳидоятулло Холзода ба хабарнигори минтақавии АМИТ «Ховар» Субҳониддини МАҲМУД иттилоъ дод.
Коргоҳи дӯзандагӣ аз ҳисоби соҳибкор Дилшод Ёров барқарор гардида, 35 нафар занону духтарони маҳаллӣ ба кор ҷалб шудаанд.
Коргоҳи дӯзандагӣ дар асоси фармоиши муассисаҳои гуногун сарулибоси мактабӣ ва либосҳои кории соҳавӣ, аз ҷумла ҳарбӣ, тиббӣ, томактабӣ ва барои қисмҳои низомӣ рахтҳои хоб омода менамояд. Ҳоло дар коргоҳ дар як рӯз то 35 ҷуфт либоси мактабӣ ва дигар намуди либосҳо омода карда мешавад.
Ташаббуси соҳибкор Дилшод Ёров, ки сабаби афзоиши маҳсулоти ватанӣ ва ҷалби бештари занону бонувони хонашин ба корҳои даромаднок мегардад, қобили дастгирӣ мебошад.
АКС: Мақомоти иҷроияи ҳокимияти давлатии шаҳри Ҳисор
Татбиқи лоиҳаҳои муштарак байни Тоҷикистон ва Узбекистон баррасӣ шуд
Дар Душанбе масъалаи таъсиси парки инноватсионии саноатӣ байни Тоҷикистон ва Русия баррасӣ гардид
Дар шаҳри Бӯстон марҳилаи дуюми корхонаи Ҷамъияти дорои масъулияти маҳдуди «Нуртез» ифтитоҳ гардид
Дар заминаи корхонаи «Хуаҷиан Ғаюр индастриал» хати нави истеҳсоли амстронг бунёд мешавад
Сарвари давлат Эмомалӣ Раҳмон аз вазъи барҳамхӯрӣ ва аз фаъолият мондани корхонаҳои саноатӣ дар вилояти Суғд изҳори нигаронӣ намуданд
Пешвои миллат Эмомалӣ Раҳмон дар шаҳри Хуҷанд корхонаи истеҳсоли равғанро мавриди баҳрабардорӣ қарор доданд
Сарвари давлат Эмомалӣ Раҳмон дар ноҳияи Бобоҷон Ғафуров дар бунёди боғи интенсивии зардолу, гелос ва токи хавозавӣ иштирок намуданд
Президенти Тоҷикистон Эмомалӣ Раҳмон дар шаҳри Истаравшан корхонаи истеҳсоли халтаҳои полипропилении ҶДММ «Нур-пак»-ро ба кор дароварданд
Cафари кории Президенти Ҷумҳурии Тоҷикистон Эмомалӣ Раҳмон ба шаҳри Истаравшан оғоз гардид
Пешвои миллат Эмомалӣ Раҳмон дар шаҳри Гулистон коргоҳи коркарди моҳиро ифтитоҳ намуданд
Сарвари давлат Эмомалӣ Раҳмон дар ноҳияи Бобоҷон Ғафуров ба фаъолияти ҶДММ «Муосир-пласт» оғоз бахшиданд
Сарвари давлат Эмомалӣ Раҳмон дар шаҳри Бӯстон бо фаъолияти коргоҳи истеҳсоли «Ванадий»-и Коргоҳи фаръии «Истеҳсоли гидрометаллургӣ» шинос шуданд
