БРИКС барои тавсеа омода мешавад. Аргентина ва Эрон метавонанд аъзои иттиҳод гарданд

ДУШАНБЕ, 05.07.2022 /АМИТ «Ховар»/. Аъзои БРИКС — Бразилия, Русия, Ҳиндустон, Чин ва Африқои Ҷанубӣ — аллакай раванди омодагиро оғоз кардаанд, ки васеъ гардидани иттиҳодро дарбар мегирад. Ба гуфтаи муовини Вазири корҳои хориҷии Федератсияи Русия Сергей Рябков, дар ин масъала набояд интизори тасмимҳои фаврӣ шуд, вале муҳокимаи номзадҳои нав аллакай оғоз гардид, хабар медиҳад АМИТ «Ховар» бо истинод ба ТАСС.

Аргентина ва Эрон барои ба БРИКС ҳамроҳ шудан дархост доданд. Вазири корҳои хориҷии Русия Сергей Лавров изҳор дошт, ки «як қатор кишварҳои дигар низ ҳастанд, ки дар муҳокимаҳо зикр мешаванд». Рӯзномаи олмонии «Frankfurter Allgemeine Zeitung» тасдиқ кард, ки Миср ва Индонезия низ байни довталабон барои узвият дар ин иттиҳод мебошанд.

Кӣ ва кай ба БРИКС шомил мешавад, ризоияти аъзои феълии ин иттиҳод муайян хоҳад намуд. Русия ва Чин аллакай аз тамоюли тавсеаёбӣ пуштибонӣ карданд. Дар ин тасмим, тавре Лавров гуфт, «таъмини самаранокии минбаъда ва афзоиши натиҷаҳои амалии кори ин сохтор» калидӣ хоҳанд буд.

АКС аз манбаъҳои боз