ЧЕМПИОНАТИ CAFA-2022. Бозии тими мунтахаби футболи занонаи Тоҷикистон бо Туркманистон мусовӣ анҷом ёфт

Июль 9, 2022 08:29

ДУШАНБЕ, 09.07.2022 /АМИТ «Ховар»/. Тими мунтахаби футболи занонаи Тоҷикистон дар бозии ифтитоҳии чемпионати Ассотсиатсияи футболи Осиёи Марказӣ (CAFA) миёни дастаҳои занона дар Душанбе бо тими Туркманистон мусовӣ (1:1) кард. Дар ин бора ба АМИТ «Ховар» дар Федератсияи футболи Тоҷикистон хабар доданд.

Ба голи бозингари тими Тоҷикистон Муниса Мирзоева дар дақиқаи 6-уми вохӯрӣ футболбозони туркман бо зарбаи дақиқи Светлана Прянникова дар нимаи дуввуми бозӣ ҷавоб доданд.

Дар бозии дигари даври аввали мусобиқоти чемпионати CAFA-2022 тими Эрон бар тими Қирғизистон ба ҳисоби — 1:0 пирӯз шуд.

Бозиҳои даври дуюми чемпионати CAFA-2022 байни дастаҳои мунтахаби занона рӯзи душанбе, 11 июл баргузор мешаванд.

Тибқи низомнома чемпионати Ассотсиатсияи футболи Осиёи Марказӣ байни дастаҳои занона аз рӯйи системаи даврӣ дар як марҳила сурат мегирад. Дастаи ғолиб аз рӯйи шумораи бештари холҳо муайян карда мешавад.

Чемпионати CAFA-2022 байни дастаҳои миллии занона:

Даври 1

8 июл (ҷумъа)

19:00 – Қирғизистон – Эрон – 0:1

22:00 – Туркманистон – ТОҶИКИСТОН – 1:1

Даври 2

11 июл (душанбе)

19:00 – Туркманистон – Қирғизистон

22:00 – ТОҶИКИСТОН – Узбекистон

Даври 3

14 июл (панҷшанбе)

19:00 – Узбекистон – Туркманистон

22:00 – Эрон – ТОҶИКИСТОН

Даври 4

17 июл (якшанбе)

19:00 – Эрон – Туркманистон

22:00 – Қирғизистон – Узбекистон

Даври 5

20 июл (чоршанбе)

19:00 – Узбекистон – Эрон

22:00 – ТОҶИКИСТОН – Қирғизистон

Акс: ФФТ

 

Июль 9, 2022 08:29

Хабарҳои дигари ин бахш

ҶОМИ ОСИЁ-2027. Дастаи мунтахаби Тоҷикистон тими Малдивро мағлуб намуд
ҶОМИ ОСИЁ-2027. Имрӯз дастаи мунтахаби Тоҷикистон дар марҳилаи интихобӣ бо тими Малдив бозӣ мекунад
ҶОМИ ОСИЁ-2027. Дастаи мунтахаби Тоҷикистон барои баргузории бозӣ бо Малдив ба шаҳри Мале рафт
Мусобиқаи байналмилалӣ оид ба камонварӣ ҷамъбаст гардид
Тоҷикистон дар Бозиҳои сеюми кишварҳои аъзои ИДМ соҳиби мақоми ҳафтум гардид
ҶОМИ ОСИЁ-2027. Имрӯз дастаи мунтахаби Тоҷикистон дар даври интихобӣ бо тими Малдив бозӣ мекунад
БОЗИҲОИ СЕЮМИ КИШВАРҲОИ АЪЗОИ ИДМ. То 8 октябр варзишгарони тоҷик соҳиби 22 медал гардиданд
ҶОМИ ОСИЁ-2027. Бозии Тоҷикистон ва Малдивро гурӯҳи доварон аз Қирғизистон ҳакамӣ мекунад
ФУТБОЛ. Дастаи мунтахаби Тоҷикистон дар Варзишгоҳи марказии Ҳисор бо дастаи Малдив бозӣ мекунад
Муҳиддин Асадуллоев дар Чемпионати ҷаҳон оид ба ҷудо байни ҷавонон дар Перу сазовори медали тилло гардид
Варзишгарони тоҷик дар Бозиҳои сеюми ИДМ дар Озарбойҷон соҳиби 18 медал гардиданд
Дастаи «Соро компания» барандаи чоркаратаи Суперҷоми Тоҷикистон оид ба футзал шуд