Дар Донишкадаи давлатии забонҳои Тоҷикистон Шӯрои ҳамоҳангсозии иштирок дар озмуну олимпиадаҳо таъсис меёбад
ДУШАНБЕ, 21.07.2022. /АМИТ «Ховар»/. Дар соли нави таҳсили 2022-2023 Раёсати Донишкадаи давлатии забонҳои Тоҷикистон ба номи Сотим Улуғзода тасмим гирифтааст, ки Шӯрои ҳамоҳангсозии иштирок дар озмуну олимпиадаҳои ҷумҳуриявӣ ва байналмилалӣ таъсис диҳад ва ба ин васила теъдоди дастаҳои олимпиадавӣ ва озмуниро зиёд намояд. Дар ин бора Ректори Донишкада Ҷило Гулназарзода дирӯз зимни нишасти матбуотӣ ба хабарнигорон изҳори назар намуд.
Ӯ гуфт, донишкада дар самти омода намудани мутахассисони ба талаботи бозори меҳнат рақобатпазир кӯшиш намуда, дар оянда роҳандозии ихтисосҳои навро ба нақша гирифтааст.
Зикр гардид, ки Донишкадаи давлатии забонҳои Тоҷикистонба мутахассисонро аз рӯйи 11 забон ва 31 ихтисос дар зинаи бакалавриат, 5 ихтисос дар зинаи магистратура ва 5 ихтисос дар зинаи докторантура бо касбҳои ба бозори меҳнат рақобатпазир омода менамояд.
Дар айни замон таваҷҷуҳи довталабон бештар ба ихтисоси филологияи тоҷик, забони олмонӣ ва забони англисӣ равона гардидааст.
Сарвари муассиса изҳор дошт, ки яке аз ҳадафҳои меҳварии самти таълим ноил гардидан ба сатҳи баланди азхудкунии дониш мебошад. Натиҷаи даври фаъоли сессияи имтиҳонии тобистона нишон дод, ки сатҳи донишазхудкунӣ 82 фоизро ташкил медиҳад. Ин нисбат ба ҳамин давраи соли таҳсили 2020-2021 дар Донишкада 10,4 фоиз баландтар аст.
Зарангези ЛАТИФ,
АМИТ «Ховар»
АКС: АМИТ Ховар»
35-СОЛАГИИ ИСТИҚЛОЛИ ДАВЛАТӢ. Дар вилояти Хатлон 1303 синфхона бунёд мешавад
Дар Донишгоҳи техникии Тоҷикистон масъалаи омода намудани мутахассисон дар самти технологияҳои иттилоотӣ баррасӣ шуд
ҲАФТАИ ИЛМ. Дар Донишгоҳи байналмилалии забонҳои хориҷии Тоҷикистон конференсияи илмӣ-амалӣ оғоз гардид
Хонандагони тоҷик дар озмуни байналмилалӣ соҳиби 4 медали тилло, 3 нуқра ва 4 биринҷӣ гардиданд
Илму маориф дар пешрафти иқтисодию иҷтимоии давлати ҳуқуқбунёд ҷойгоҳи хосса дорад
Донишҷӯёни тоҷик дар олимпиадаи информатика байни 70 муассисаи олии ҷаҳон сазовори ҷойҳои намоён гардиданд
Ҳамкории Донишкадаи кӯҳию металлургии Тоҷикистон бо муассисаҳои олии Узбекистон густариш меёбад
Дар Донишгоҳи давлатии Кӯлоб даври донишгоҳии Озмуни ҷумҳуриявии «Илм-фурӯғи маърифат» баргузор гардид
Дар Донишгоҳи давлатии Бохтар конференсияи илмӣ — назариявӣ доир гардид
ИЛМ-АСОСИ РУШДИ ИННОВАТСИОНӢ. Таҳти ин унвон дар Душанбе конференсияи байналмилалӣ баргузор шуд
Дар Тоҷикистон Фестивал- намоишгоҳи якуми байналмилалии муассисаҳои таҳсилоти олии касбии давлатҳои хориҷӣ баргузор мегардад
Доир ба нақш ва ҷойгоҳи муҳаққиқони ватанӣ дар рушди илми ҳуқуқшиносӣ конференсияи ҷумҳуриявӣ баргузор шуд
