Дар Хатлон масъалаи беҳтар кардани вазъияти ғизои модару кӯдак баррасӣ гардид
ДУШАНБЕ, 15.07.2022 /АМИТ «Ховар»/. 14 июл дар вилояти Хатлон ҷаласаи сайёри Шӯрои ҳамоҳангсозии байнисоҳавӣ оид ба Ҳаракати глобалии васеъкунии ғизо доир гардид, иттилоъ доданд ба АМИТ «Ховар» дар Шуъбаи иттилоотию таҳлилии дастгоҳи Раиси вилояти Хатлон.
Гуфта шуд, ки дар кори Шӯро муовини Раиси вилояти Хатлон Фирӯза Шарифӣ, аъзои Шӯро ва муовинони раисони шаҳру навоҳии вилояти Хатлон, сардори Раёсати тандурустӣ, намояндагони сохторҳои тандурустӣ ва Лоиҳаи беҳтар кардани ғизогирии модарон, навзодон ва кӯдакон дар навоҳии деҳоти Тоҷикистон низ ширкат доштанд.
Муовини Раиси вилоят иброз намуд, ки мақсади нақшаи бисёрсоҳавӣ оид ба ба ғизо ин беҳтар кардани вазъияти ғизои модару кӯдак дар Тоҷикистон то соли 2025 мебошад.
«Нақшаи бисёрсоҳавӣ оид ба беҳтарсозии ғизо дар Ҷумҳурии Тоҷикистон барои солҳои 2021-2025» бо Қарори Ҳукумати Ҷумҳурии Тоҷикистон аз 25 феврали соли 2021 тасдиқ гардидааст», илова кард ў.
Дар ҷараёни ҷаласа иштирокдорон вобаста ба нақша, ки ихтисоркунии қадпастӣ дар Тоҷикистон дар байни кӯдакони синну соли то 59-моҳа ба 40 фоиз то охири соли 2025, ихтисоркунии камхунӣ, сатҳи вазни пасти бадан, нобуд кардани афзоиши вазни зиёдатӣ, лоғарии кудакон арзёбӣ мешавад, суханронӣ намуданд.
Инчунин гуфта шуд, ки муҳимияти ғизо яке аз масъалаҳои меҳварӣ ҳисобида мешавад. Нақшаи мазкур соли 2010 таъсис ёфта, дар он 65 давлат аъзо шудааст. Ҷумҳурии Тоҷикистон аз соли 2013 аъзои ин нақша аст.
АКС: шуъбаи иттилоот ва таҳлилии дастгоҳи Раиси вилояти Хатлон
Шумораи аъзои Ҳизби Халқии Демократии Тоҷикистон дар шаҳри Душанбе беш аз 84,4 ҳазор нафарро ташкил медиҳад
Вобаста ба ҳамкории байналмилалӣ ва тамоюли иҷрои маҷбурии санадҳои судӣ конференсияи байналмилалӣ доир гардид
Бо дастури Пешвои миллат Эмомалӣ Раҳмон 47 шаҳрванди Тоҷикистон аз Сурия ба Ватан баргардонида шуд
«ТОБИСТОН- 2024». Дар Душанбе ҷаласаи ситоди ҷумҳуриявӣ доир шуд
Дар Маҷмааи тандурустии «Истиқлол» табибони Тоҷикистон ва Эрон амалиёти мураккаби ҷарроҳӣ анҷом доданд
Моҳи май Озмуни ҷумҳуриявии «Оилаи намунавӣ» дар шаҳри Душанбе ҷамъбаст мегардад
Дар шаҳри Исфара сел талафот ва харобӣ ба амал наовардааст
Бахшида ба оғози Ҳафтаи аврупоии иммунизатсия дар Ҷумҳурии Тоҷикистон ҳамоиш баргузор шуд
СОЛИ МАЪРИФАТИ ҲУҚУҚӢ. Дар Муассисаи давлатии «Маркази миллии патенту иттилоот» ҳамоиш доир гардид
Дар ноҳияи Рӯшон барои пешгирӣ ва рафъи оқибатҳои офатҳои табиӣ машқи мукаммал гузаронида шуд
ДАЪВАТИ ҶАВОНОН БА ОМӮЗИШИ ИЛМ ВА КАСБУ ҲУНАР. Дар ноҳияи Муъминобод оид ба ин мавзуъ вохӯриҳо доир мешаванд
Маъракаҳои пурдабдаба, хароҷоти беҳуда ва хурофотпарастӣ ба сатҳи зиндагонии аҳолӣ таъсири манфӣ мерасонад
