Дар Тоҷикистон аз обшавии босуръати пиряхҳо ҳушдор медиҳанд
ДУШАНБЕ, 14.07.2022 /АМИТ «Ховар/. Раванди обшавии пиряхҳоро дар Тоҷикистон наметавон бозгардонд. Дар ин бора дар Кумитаи ҳифзи муҳити зисти ҷумҳурӣ хабар доданд. «Илоҷи ҷилавгирӣ аз обшавии пиряхҳо вуҷуд надорад, аммо бо шинонидани дарахтон ва кам кардани партовҳои газҳои гулхонаӣ оқибатҳои ин офатро метавон коҳиш дод», — иброз дошт 13 июл муовини аввали Раиси Кумита Зарафо Қиёмзода (ДАР АКС) зимни нишасти матбуотӣ.
Дар 30 соли охир Тоҷикистон беш аз 1000 пиряхро аз даст додааст. Ин рақамҳоро муовини аввали раиси Вазорати энергетикаи кишвар Ҷамшед Шоимзода оварда буд.
«Дар давоми се даҳсолаи охир мо бисёр пиряхҳои хурдро аз даст додем. Ин барои мо натанҳо таъмини оби ошомиданӣ, балки манбаи неруи барқ ҳам аст», — зикр кард Шоимзода.
-Вобаста ба ин, минтақа баъзан бо мушкилоти ҷиддӣ натанҳо дар соҳаи энергетика, балки дар бахши кишоварзӣ низ рӯ ба рӯ мешавад,- гуфт муовини Вазир дар Конгресси байналмилалии «Гидроэнергетика. Осиёи Миёна ва Каспий».
Ба гуфтаи ӯ, иқдомоти Тоҷикистон дар бунёди сарбандҳо ба ҷамъоварии захираҳои об натанҳо барои ниёзҳои кишвар, балки барои амнияти тамоми минтақа нигаронида шудааст.
Ёдовар мешавем, ки барои нахустин бор соли 2009 Президенти Ҷумҳурии Тоҷикистон Эмомалӣ Раҳмон аз минбари Конфронси байналмилалӣ оид ба тағйирёбии иқлим дар Копенгаген зарурати таъсиси Фонди махсуси байналмилалии ҳифзи пиряхҳоро пешниҳод карда буданд. Зимни суханрониашон моҳи марти соли 2021 дар нахустин ҷаласаи онлайнии Панели сатҳи баланд оид ба масъалаҳои об ва иқлим Пешвои миллат Эмомалӣ Раҳмон пешниҳод карданд, ки соли 2025 Соли байналмилалии ҳифзи пиряхҳо эълон гардад ва Рӯзи ҷаҳонии пиряхҳо таъйин карда шавад.
АКС: АМИТ «Ховар»
ИЛМ ОМӮЗЕД, СОҲИБКАСБУ ЗАБОНДОН ШАВЕД! Иқтибосҳо аз суханрониҳои Президенти Тоҷикистон ба муносибати таҷлили Рӯзи дониш
ИСТИҚЛОЛИЯТ ТОҶИКИСТОНРО БО ҶАҲОН ВА ҶАҲОНРО БО ТОҶИКИСТОН ПАЙВАНДИ ҲАМЕШАГӢ БАХШИД. Андешаҳои Пешвои миллат доир ба ин неъмати бебаҳо
ИСТИҚЛОЛИЯТ ОЛИТАРИН ДАРАҶАИ БАХТУ САОДАТИ МИЛЛАТРО ТАЪМИН МЕНАМОЯД. Андешаҳои Президенти Тоҷикистон муҳтарам Эмомалӣ Раҳмон доир ба ин неъмати бебаҳо
Фаҳд Ҳамад Ал-Сулайтӣ: «Қатар ният дорад ҳамкориро бо Тоҷикистон дар бахшҳои гуногун вусъат диҳад»
Дар шашмоҳаи якуми соли 2025 аз сомонаи АМИТ «Ховар» беш аз 4 миллион маротиба дидан кардаанд
Эмомалӣ Раҳмон: «Қаҳрамонони сулҳу субот ва ваҳдати миллӣ танҳо мардуми шарифу сарбаланди Тоҷикистон мебошанд»
10 АМАЛИ ЗАМИНАСОЗИ СУЛҲУ ВАҲДАТ. Ба истиқболи 28-солагии Рӯзи Ваҳдати миллӣ
ВАҲДАТИ МИЛЛӢ – КАФОЛАТИ ПОЙДОРИИ ДАВЛАТ. Мулоҳизаҳои Прокурори генералии Ҷумҳурии Тоҷикистон дар ин мавзуъ
Эмомалӣ Раҳмон ва Си Ҷинпин оғози парвозҳои мустақими мусофирбарӣ байни Душанбе ва Пекинро рӯйдоди муҳим номиданд
Ҷашни Тиргон бо баргузории иди зардолу ва намоиши «Хушкмеваҳои Тоҷикистон» таҷлил мегардад
Каролин Глейч: «Тоҷикистон сарзамине бо табиати нотакрор аст ва мебояд, ин зебоиро ба тамоми ҷаҳон нишон дод!»
Кирти Вардхан Сингҳ: «Ҳифзи пиряхҳо ҳамбастагӣ, ҳамкории байналмилалӣ ва фаҳмиши муштараки илмиро талаб мекунад»
