Дар Тоҷикистон дар шаш моҳи соли 2022 дар муқоиса ба ҳамин давраи соли гузашта 341 миллион кВт соат зиёд неруи барқ истеҳсол шудааст
ДУШАНБЕ, 12.07.2022 /АМИТ «Ховар»/. Дар шаш моҳи соли равон Тоҷикистон 10 миллиарду 414,9 миллион кВт соат неруи барқ истеҳсол намудааст, ки ин омор дар қиёс нисбат ба ҳамин давраи соли гузашта беш аз 341 миллион кВт соат зиёд буда, суръати афзоиши он 103,4 фоиз таъмин гардидааст. Ҳаҷми умумии содироти неруи барқ дар ин давра ба 1 миллиарду 058,7 миллион кВт. соат ё 426,2 миллион сомонӣ баробар шуд, ки ин нисбат ба ҳамин давраи соли гузашта 141,5 миллион кВт. соат зиёд буда, суръати афзоиш 115,4 фоизро ташкил медиҳад. Дар ин давра Тоҷикистон асосан ба Узбекистон ва Афғонистон (дар моҳҳои май-сентябр) неруи барқ содирот намудааст.
Дар ин бора муовини аввали Вазири энергетика ва захираҳои оби Ҷумҳурии Тоҷикистон Ҷамшед Шоимзода имрӯз дар нишасти матбуотӣ ба намояндагони расонаҳои хабарӣ иттилоъ дод.
«Вазорати энергетика ва захираҳои оби Ҷумҳурии Тоҷикистон бо дастгирии Ҳукумати мамлакат дар радифи бунёди неругоҳҳои барқи обии нав, ба масъалаи барқарор намудани иқтидорҳои мавҷуда таваҷҷуҳи махсус зоҳир намуда, дар ин замина, алҳол навсозии Неругоҳҳои барқи обии «Норак», «Сарбанд» ва «Қайроқум» босуръат идома дошта, баъди таҷдиди пурра тавоноии умумии ин неругоҳҳо дар қиёс ба тавоноии воқеии кунунии онҳо ба андозаи 370 МВт афзоиш хоҳад ёфт», -илова кард Ҷамшед Шоимзода.
Гуфта шуд, ки дар давраи ҳисоботӣ, ҷараёни ислоҳоти дар соҳаи электроэнергетика ба роҳ андохташуда натиҷаҳои мусбӣ ба бор оварданд. Аз ҷумла, дар асоси технологияи муосири (барномаи билингӣ)-и дар соҳа ҷоригардида, ирсоли СМС–паёмак ба муштариён оид ба маълумотҳои нишондодҳои ҳисобкунак, сарфи энергияи барқ, ҳисоби маблағи барқи истифодашуда, пардохти он ва бақия баъди сабти электронӣ ва ё баъди пардохти маблағ роҳандозӣ карда шуд, ки ҳадаф аз он таъмин намудани шаффофият дар ҳисобу китоби дақиқи энергияи барқ ба ҳисоб меравад.Дар натиҷа, сатҳи хизматрасонӣ ба муштариён баланд бардошта шуда, Вазорат дар якҷоягӣ бо ҷамъиятҳои шабакаҳои интиқол ва тақсимоти барқ барои дар тамоми қаламрави кишвар ҷорӣ намудани системаҳои электронии идоракунии истифодаи энергияи барқ тавассути истифодаи технологияи муосир, корҳоро дар сатҳи зарурӣ ба роҳ мондааст.
Марзия САИДЗОДА,
АМИТ «Ховар»
АКС: АМИТ «Ховар»
Агентии рейтингии байналмилалии «Standard & Poor’s» ба дастовардҳои иқтисодии Тоҷикистон баҳои сазовор дод
Ҳамкории Тоҷикистон ва Русия дар соҳаи нафту газ тақвият меёбад
Гузариш ба гардиши ҳуҷҷатҳои электронӣ қадами муассир дар самти беҳтарнамоии фаъолияти сохторҳои давлатӣ аст
Тоҷикистон ва Британияи Кабир дар соҳаи инноватсия ва технологияҳои иттилоотӣ ҳамкорӣ менамоянд
Тоҷикистон ва Иттиҳоди Аврупо ҳамкориро дар бахшҳои мошинсозӣ, дорусозӣ ва истихроҷи маъдан густариш медиҳанд
Форуми соҳибкорони Тоҷикистон ва Амороти Муттаҳидаи Араб баргузор мегардад
Дар Суғд оид ба муаррифии имконоти сармоягузории минтақа форуми тиҷоратӣ баргузор шуд
Истеҳсоли неруи барқ дар Бадахшон қариб 5 баробар афзоиш ёфтааст
Тоҷикистон ва WIPO ҳамкориро дар соҳаи рушди инноватсия тақвият медиҳанд
Хайринисо Идрисова: «Дастрасӣ ба маблағи гранти президентӣ имкон дод, ки фаъолияти ҳунармандиямро васеъ намоям»
Панҷакент — яке аз аввалин шаҳрҳои Тоҷикистон, ки дар солҳои соҳибистиқлолӣ аз шаҳри аграрӣ ба саноативу аграрӣ табдил ёфт
Дар Душанбе оғози Даҳсолаи байналмилалии амал оид ба илмҳои яхшиносӣ (криосферӣ), солҳои 2025-2034 баррасӣ гардид
