Донишгоҳи омӯзгории Тоҷикистон тасмим гирифтааст барои 200 нафар омӯзгорон хонаи истиқоматӣ бунёд намояд
ДУШАНБЕ, 12.07.2022. /АМИТ «Ховар»/. Раёсати Донишгоҳи давлатии омӯзгории Тоҷикистон ба номи Садриддин Айнӣ тасмим гирифтааст, ки дар ояндаи наздик, дар кӯчаи Маяковскии ноҳияи Синои шаҳри Душанбе барои 200 нафар омӯзгорон бинои истиқоматӣ бунёд намояд. Ин матлабро Ректори донишгоҳ Аҳлиддин Ибодуллозода имрӯз зимни нишасти матбуотӣ дар ҳузури хабарнигорон баён дошт.
Ректори донишгоҳ иброз дошт, ки барои баланд бардоштани мақоми омӯзгор дар ҷомеа аз ҷониби Раёсати донишгоҳ як зумра имтиёзҳои дигар низ пешбинӣ гардидаанд.
Аз ҷумла, барои омӯзгороне, ки пеш аз муҳлат рисолаи номзадиро ҳимоя мекунанд — маблағи 10 ҳазор сомонӣ ва рисолаи докториро ҳимоя менамоянд — 15 ҳазор сомонӣ маблағ муайян гардидааст.
Инчунин, барои омӯзгороне, ки дар озмунҳои ҷумҳуриявӣ ҷойҳои намоёнро ишғол менамоянд, 200 ҳазор сомонӣ аз ҳисоби Раёсати донишгоҳ ҷудо гардидааст.
Иттилоъ дода шуд, ки дар донишгоҳ 906 нафар омӯзгор, аз ҷумла 284 нафар унвондор: 37 нафар докторони илм ва 247 нафар номзадҳои илм, 238 нафар муаллими калон ва 384 нафар ассистент барои пешбурди фаъолияти таълимию методӣ ҷалб шудаанд.
Дар баробари ин 163 нафар ҳамкорони беруна низ ба фаъолияти муштарак ҷалб гардидаанд, ки аз инҳо 44 нафар доктори илм, 62 нафар номзади илм, 5 нафар муаллими калон ва 52 нафар ассистент мебошанд.
Зарангези ЛАТИФ,
АМИТ «Ховар»
АКС: АМИТ «Ховар»
ТАШАББУСИ ТОҶИКИСТОН ДАР РУШДИ ЗЕҲНИ СУНЪИИ БЕХАТАР ДАР АРСАИ ҶАҲОНӢ. Мулоҳизаҳо дар ин маврид
Доир ба масоили муҳими соҳаи нақлиёт ва инфрасохтори роҳҳо конференсияи байналмилалӣ баргузор шуд
ФАРДОИ ТОҶИКИСТОН ИМРӮЗ ДАР МАКТАБ АСТ. Андешаҳо дар ҳошияи суханронии Президенти Ҷумҳурии Тоҷикистон дар Рӯзи дониш
Зиёда аз 40 ҳазор нафар ҷавонони Тоҷикистон дар муассисаҳои таҳсилоти олии қариб 50 кишвари ҷаҳон илму дониш ва касбҳои муосир меомӯзанд
Масоили омода намудани мутахассисон дар дохил ва хориҷи Тоҷикистон баррасӣ шуд
350 нафар донишҷӯёни тоҷик дар Ҷумҳурии Корея таҳсил менамоянд
Ёддошти тафоҳум байни Вазорати маориф ва илми Ҷумҳурии Тоҷикистон ва Вазорати маорифи Ҷумҳурии Корея ба имзо расид
Байни Тоҷикистон ва Корея Ёддошти тафоҳуми ҳамкорӣ оид ба барқарорсозии рақамии ҷангалҳо ва амалиёти иқлимӣ ба имзо расид
Барои рушди соҳаи маорифи ноҳияҳои водии Рашт дар 20 соли охир беш аз 2,1 миллиард сомонӣ равона шудааст
Бо иштироки 602 нафар довталаб даври шаҳрии Озмуни ҷумҳуриявии «Илм-фурӯғи маърифат» оғоз гардид
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Беш аз 200 нафар ба даври ниҳоии озмун роҳхат гирифтанд
Дар Филиали Донишгоҳи миллии тадқиқотии «Донишкадаи энергетикии Москва» дар шаҳри Душанбе озмоишгоҳи нав ба истифода дода шуд
