Имрӯз дастаҳои мунтахаби занонаи футболи Тоҷикистон бо Эрон ва Узбекистон бо Туркманистон бозӣ мекунанд

ДУШАНБЕ, 14.07.2022 /АМИТ «Ховар»/. Шоми имрӯз дар Варзишгоҳи марказии ҷумҳуриявӣ   шаҳри Душанбе бозиҳои даври сеюми Чемпионати Ассотсиатсияи футболи Осиёи Марказӣ (CAFA) байни дастаҳои мунтахаби занона баргузор мешаванд, хабар медиҳад шореҳи варзиши АМИТ «Ховар» бо истинод ба Федератсияи футболи Тоҷикистон. 

Дар бозии аввал, соати 19:00 дастаҳои мунтахаби Узбекистон ва Туркманистон миёни ҳам вомехӯранд. Сипас соати 22:00 вохӯрии дастаҳои мунтахаби занонаи Эрон ва Тоҷикистон оғоз мегардад.

Даромад ба варзишгоҳ ройгон аст! Ҳамаи мухлисонро барои дастгирии футболбозон ба варзишгоҳ даъват мекунем!

Чемпионати CAFA-2022 миёни мунтахабҳои занона

 Даври 3

 14 июл (панҷшанбе)

19:00 –  Узбекистон –  Туркманистон

22:00 –  Эрон –  Тоҷикистон

Душанбе, Варзишгоҳи марказии ҷумҳуриявӣ

Акс: ФФТ