ИМСОЛ ШУМОРАИ АҲОЛИИ ҶАҲОН БА 8 МИЛЛИАРД МЕРАСАД. Дар Тоҷикистон сокини 10-миллионаи кишвар таваллуд мешавад

Июль 12, 2022 11:39

ДУШАНБЕ, 12.07.2022 /АМИТ «Ховар»/. Шумораи аҳолӣ дар рӯи Замин то 15 ноябри соли 2022 ба 8 миллиард мерасад. Тавре  АМИТ «Ховар» хабар медиҳед, чунин пешгӯӣ рӯзи душанбе, 11 июл аз ҷониби Раёсати масъалаҳои иқтисодӣ ва иҷтимоии СММ дар гузориши «World Population Prospects 2022», ки 11 июл дар Рӯзи ҷаҳонии нуфуси аҳолӣ интишор гардид, оварда шудааст.

Тибқи баҳогузории СММ, аллакай соли 2023 Ҳиндустон аз Чин пеш гузашта, сераҳолитарин кишвари ҷаҳон мегардад. Тадқиқоти гузаронидаи  Раёсати СММ  нишон дод, ки соли гузашта суръати афзоиши аҳолии ҷаҳон бори аввал аз  замони оғози омор дар соли 1950 камтар аз як фоиз буд. Имсол ин нишондод 0,8 фоиз дар назар аст.

Тибқи ҳисоби мутахассисон, марҳалаи навбатӣ — 8,5 миллиард нафар — дар соли 2030 мегузарад. Дар солҳои 80-уми садсолаи охир авҷи шумораи аҳолии рӯи Замин — 10,4 миллиард  нафар пешбинӣ шудааст, баъдан ин рақам то соли 2100 дар ин сатҳ боқӣ мемонад, пешгӯӣ мекунанд муаллифони ҳуҷҷат.

Афзоиши доимии аҳолӣ, ба ақидаи онҳо, пеш аз ҳама ба сатҳи баланди таваллуд дар кишварҳои рӯ ба тараққӣ вобаста аст. Тахмин карда мешавад, ки бештар аз нисфи афзоиши умумии аҳолӣ дар 8 мамлакат: Ҷумҳурии Демократии Конго, Миср, Эфиопия, Ҳиндустон, Нигерия, Покистон, Филиппин ва Танзания рост меояд.

                 Аҳолии Тоҷикистон ба 10 миллион нафар мерасад

Аҳолии Тоҷикистон аввали соли 2017  8 миллиону 769 ҳазору 221 нафар ва  афзоиши солона 2,24 фоизро ташкил дод. Бо дарназардошти он, ки афзоиши миёнаи солонаи аҳолии  Тоҷикистон аз соли 1998 беш аз 2 дарсадро ташкил медиҳад, бо итминон метавон тахмин кард, ки сокини даҳ миллионаи кишвар дар даҳаи дуюми моҳи июли соли 2022 таваллуд мешавад. Инро Вазорати тандурустӣ ва ҳифзи иҷтимоии аҳолӣ ва Агентии омори назди Президенти Ҷумҳурии Тоҷикистон назорат мекунанд. Аҳолии доимии Тоҷикистон то охири соли ҷорӣ ва аввали соли 2023 ба 10 миллиону 129 ҳазор нафар мерасад. Дар ин бора дар Пешгӯии нишондиҳандаҳои асосии макроиқтисодӣ барои солҳои 2021-2023, ки моҳи июли соли равон аз ҷониби Ҳукумати Ҷумҳурии Тоҷикистон тасдиқ шудааст, гуфта мешавад.

Демографҳо бар ин назаранд, ки то соли 2050-ум шумораи шаҳрвандони Тоҷикистон аз 20 миллион нафар ва эҳтимолан аз ин ҳам пештар хоҳад гузашт. Омори демографӣ нишон медиҳад, ки афзоиши аҳолии кишвар дар пасманзари афзоиши мизони таваллуд (3% бештар нисбат ба нимаи аввали соли 2020) ва коҳиши фавт (5% камтар нисбат ба нимаи аввали соли 2020) сурат гирифтааст. Тоҷикистон дар миёни кишварҳои пасошӯравӣ кишвари баландтарин мизони таваллуд боқӣ мемонад. То соли 2100, тибқи пешгӯиҳои тахминӣ  дар Тоҷикистон аллакай 25 миллион нафар зиндагӣ хоҳанд кард!

АКС: СММ/ АМИТ «Ховар»

Июль 12, 2022 11:39

Хабарҳои дигари ин бахш

Президенти Тоҷикистон: «Ҷашни Наврӯз ва истиқлолу озодӣ – ин ду мафҳуми барои ҳар яки мо азизу муқаддас аст»
«КАЪБА ЧӢ МЕРАВӢ, ДИЛЕРО ДАРЁБ…». Андешаҳо дар ҳошияи мулоқоти Президенти Тоҷикистон бо фаъолону намояндагони ҷомеа ва ходимони дин
Пешвои миллат: «Боиси ифтихор аст, ки Наврӯз – калимаи асили тоҷикӣ, яъне «рӯзи нав» ҳоло барои миллионҳо аҳолии сайёра ҳамчун рӯзи ҷашни фархунда вирди забон аст»
Эмомалӣ Раҳмон: «Наврӯз аз ҷумлаи бузургтарин ва маҳбубтарин ҷашнҳои тоҷикон мебошад»
СИЁСИШАВИИ ДИН — ХАТАР БА ФАРҲАНГИ МИЛЛӢ ВА СУБОТИ ҶОМЕА. Андешаҳои профессор Нозим Маҳмадизода дар ин мавзуъ
Президенти Тоҷикистон: «Бо назардошти шароити замона анъанаи неки гузаштагон – сарфаю сариштакориро бояд риоя намоем»
Сулаймон Талбакзода: «Дарси хештаншиносӣ ва хизмат ба халқу Ватанро аз Пешвои миллат бояд омӯзем»
Президенти Тоҷикистон: «Мушкилоти таъмини аҳолии сайёра бо озуқаворӣ моро водор менамояд, ки ҳар қитъа заминро оқилонаву самаранок истифода барем»
Пешвои миллат Эмомалӣ Раҳмон: «Ойинҳои наврӯзӣ аҳли башарро ба таҳаммулгароӣ, бунёдкориву созандагӣ ҳидоят менамоянд»
Пешвои миллат: «Дар шароити кунунӣ зарур аст, ки ба кишти такрорӣ, гирифтани се – чор ҳосил аз заминҳои обӣ эътибори аввалиндараҷа дода шавад»
Наврӯз дар баробари забони тоҷикӣ бунёди худшиносии тоҷиконро низ ташаккул додааст
Пешвои миллат Эмомалӣ Раҳмон: «Мақому ҷойгоҳи Наврӯз он қадар баланд буд, ки ҳеҷ монеа ва қуввае онро натавонист аз байн барад»