КӢ ХОДИМИ ДИН ШУДА НАМЕТАВОНАД. Парлумони Тоҷикистон ба қонун дар бораи озодии виҷдон ва иттиҳодияҳои динӣ тағйирот ворид намуд

Июль 1, 2022 15:34

ДУШАНБЕ, 01.07.2022 /АМИТ «Ховар»/. Эътибори ходими дин ҳамчун раҳнамои дин бояд бенуқсон бошад. Шахсоне, ки пеш ҷиноят содир кардаанд, ходимони дин шуда наметавонанд. Маҳз аз ҳамин нуқтаи назар ба Қонуни Ҷумҳурии Тоҷикистон «Дар бораи озодии виҷдон ва иттиҳодияҳои динӣ» тағйироту иловаҳо ворид карда шуданд, ки онҳо рӯзи 22 июн зимни баргузории ҷаласаи навбатии иҷлосияи сеюми Маҷлиси намояндагони Маҷлиси Олии Ҷумҳурии Тоҷикистон, даъвати шашум аз ҷониби вакили Маҷлиси намояндагон Муҷибахон Ҷавҳарӣ пешниҳод гардиданд.

«Шахсоне, ки бар зидди озодии ҷинсӣ ва дахлнопазирии ҷинсӣ даст ба ҷиноят задаанд, ҷиноятҳои дорои хусусияти террористию экстремистӣ, инчунин дигар ҷиноятҳои вазнин ва махсусан вазнин содир намудаанд, муассис ё узви иттиҳодияи динӣ буда наметавонанд», — иброз дошт ба АМИТ «Ховар» Муҷибахон Ҷавҳарӣ доир ба лоиҳаи қонун дар бораи ворид намудани тағйироту иловаҳо ба Қонуни ҶТ «Дар бораи озодии виҷдон ва иттиҳодияҳои динӣ».

Вакили Парлумон Муҷибахон Ҷавҳарӣ

Ба гуфтаи ӯ, лоиҳаи қонун аз тарафи аъзои Маҷлиси миллии Маҷлиси Олии Ҷумҳурии Тоҷикистон Раҷаббой Аҳмадзода, Дилшод Раҳмон ва Фарҳод Раҳимӣ ҳамчун ҳуқуқи ташаббуси қонунгузорӣ пешниҳод гардидааст. Бо қарори Шӯрои Маҷлиси намояндагони аз 7 феврали соли равон лоиҳа барои баррасӣ ва додани хулоса ба кумитаҳои парлумон, Дастгоҳи Маҷлиси намояндагони Маҷлиси Олии Ҷумҳурии Тоҷикистон ва Ҳукумати Ҷумҳурии Тоҷикистон фиристонда шуд.

Вакили парлумон ҳамчунин зикр кард, ки кумитаҳо ва шӯъбаи ҳуқуқи Дастгоҳи Маҷлиси намояндагон ва Ҳукумати Тоҷикистон лоиҳаи қонунро дар маҷмӯъ ҷонибдорӣ намуда, ҷиҳати такмили он 15 пешниҳод манзур намуданд, ки аз онҳо 6 пешниҳод пазируфта, 6 пешниҳоди дигар қисман қабул гардиданд ва 3 пешниҳоди боқимонда рад карда шуданд.

Хотиррасон мешавем, ки Қонуни ҶТ «Дар бораи озодии виҷдон ва иттиҳодияҳои динӣ» соли 2009 қабул гардидааст. Тибқи он, интихоби имом-хатибон ва хатибони дар мувофиқа бо мақомоти салоҳиятдори давлатӣ оид ба корҳои дин ба роҳ монда мешавад.

Қаблан мақомоти ҳифзи ҳуқуқи Тоҷикистон хабар дода буданд, ки муллоҳо дар бархе аз манотиқ алайҳи бархе аз занон зӯроварии шаҳвонӣ ба кор бурдаанд. Дар бораи даст доштани ходимони дин дар ҷиноятҳои дорои характери ифротгароёна низ гузориш дода мешуд.

Тибқи иттилои расмӣ, дар феҳристи давлатии иттиҳодияҳои динӣ дар Тоҷикистон дар маҷмӯъ 4058 иттиҳодияи динӣ сабти ном шудаанд.

Фирӯза ДАВЛАТЗОДА,
АМИТ «Ховар»

АКС: АМИТ «Ховар»

Июль 1, 2022 15:34

Хабарҳои дигари ин бахш

Беш аз 100 нафар маъюбони шаҳру ноҳияҳои Суғд соҳиби аробача гардиданд
ДУ ПОЙ ДАР ЛОЙ. Камол Насрулло таассуб ва хурофотро аз бемориҳои дерину куҳансоле номид, ки бархе аз мардуми мо ба он гирифтор аст
Раиси ВМКБ Алишер Мирзонабот бо мақсади шиносоӣ бо рушди инфрасохтор ба водии Бартанги Рӯшон сафари корӣ намуд
ВИРУСОЛОГҲО ДАР БОРАИ ИМКОНИЯТ ВА МУҲЛАТИ МАВҶИ НАВИ COVID-19 ДАР РУСИЯ. Вазири тандурустии Тоҷикистон мавҷуд будан ё набудани омилҳои воридшавии коронавирусро ба кишвари мо шарҳ дод
Ба Сарраёсати ҳифзи муҳити зист дар вилояти Хатлон озмоишгоҳи сайёри экологӣ дастрас гардид
ЭҲТИЁТ БОШЕД, ФАЪОЛНОКИИ ОФТОБӢ! Даври баландтарини он ба солҳои 2022-2023 рост меояд
Дар Душанбе ҷаласаи Комиссияи сетарафаи танзими муносибатҳои иҷтимоию меҳнатӣ баргузор гардид
Борони кӯтоҳмуддат ба чор қитъаи замини наздиҳавлигии сокинони ноҳияи Лахш зарар расонид
«ЗАНҶИРАИ ГАРМИ ДАСТГИРИИ ШИРИ МОДАР». Таҳти чунин унвон дар Тоҷикистон Даҳаи тағзияи кӯдакон бо шири модар доир мегардад
НИШАСТИ МАТБУОТӢ. То соли 2030 шумораи хизматчиёни давлатӣ аз ҳисоби занон ва духтарони болаёқат ба 30 фоиз расонида мешавад
Ваколатдор оид ба ҳуқуқи инсон: Дар шашмоҳаи аввал ягон муроҷиат оид ба зӯроварӣ нисбат ба кӯдакон ворид нашудааст
Дар вазорату идора ва мақомоти иҷроияи ҳокимияти давлатӣ Системаи иттилоотии идоракунии захираҳои инсонӣ ба роҳ монда мешавад

Маводҳои таҳлилӣ