Нақшаи андозҳои шаҳри Кӯлоб 116,9 % иҷро гардида, ба буҷет 61 млн сомонӣ ворид шуд
КӮЛОБ, 25.07.2022 /АМИТ АМИТ «Ховар»/. 22 июл дар Мақомоти иҷроияи ҳокимияти давлатии шаҳри Кӯлоб оид ба ҷамъбасти шашмоҳаи якуми соли 2022 бо иштироки намояндагони ВАО нишасти матбуотӣ баргузор шуд.
Раиси шаҳри Кӯлоб Бахтиёр Назарзода аз натиҷаи ҷамъбасти шашмоҳа ва пешрафти иқтисодию иҷтимоии шаҳр ба хабарнигорон маълумот дода, гуфт, ки «дар шашмоҳаи якуми соли 2022 нақшаи андозҳои шаҳри Кӯлоб 116,9 % иҷро гардида, ба буҷет 61 млн сомонӣ ворид карда шуд, ки нисбат ба ҳамин давраи соли гузашта зиёд мебошад. Нақшаи андозҳо якҷоя бо андози иҷтимоии ғайрибуҷетӣ 110,8 % таъмин гардида, ба буҷет ба ҷои 67 миллиону 127 ҳазор сомонӣ 74 миллиону 376 ҳазор сомонӣ ворид карда шуд. Дар маҷмӯъ қисми даромади буҷет 110,9 % иҷро ва қисми хароҷоти он 96% таъмин гардид».
Зикр шуд, ки дар шашмоҳаи аввали соли 2022 аз ҳисоби музди меҳнат қарздорӣ ба қайд гирифта нашудааст. То ин давра пардохти рухсатпулии омӯзгорон то моҳи сентябр идома меёфт, имсол то 20 июн рухсатпулии омӯзгорон пардохт гардида, айни ҳол маблағгузорӣ дар самти таъмири муассисаҳои таълимӣ идома дорад.
Дар ҷараёни нишаст гуфта шуд, ки дар шаҳри Кӯлоб барои бехатарии нақлиёт дар 6 нуктаи дигар чароғакҳои роҳнамо насб карда шуданд, ки боиси кам гардидани садамаҳои нақлиётӣ мешаванд. Инчунин ба хотири барҳам додани танбашавии нақлиёт дар назди бозори марказӣ роҳи дигари мошингард дар кӯчаи Чармгарони Поён дар масофаи 1 км ва паҳноии 10 м роҳи нав бунёд карда шуда, рӯзҳои наздик сохтмони он ба итмом мерасад.
Сулаймон ХОЛЗОДА,
АМИТ «Ховар»
АКС: АМИТ «Ховар»
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳру ноҳияҳои Тоҷикистон борони кӯтоҳмуддат меборад
Дар Академияи миллии илмҳо бахшида ба 90 – солагии профессор Муқаддима Ашрафӣ конференсия баргузор шуд
Имрӯз дар баъзе шаҳру ноҳияҳои Тоҷикистон борони кӯтоҳмуддат меборад
Намояндагони парлумонҳои Туркия, Узбекистон ва Озарбойҷон дар Осорхонаи миллӣ бо шоҳкориҳои нодири ниёгонамон шинос шуданд
Рӯзи ҷавонон на танҳо ҷашн, балки рӯзи умеду орзуҳо ва масъулияти насли ояндасози Тоҷикистон аст
Имрӯз дар баъзе минтақаҳои Тоҷикистон омадани сел пешгӯӣ мешавад
Дар шаҳри Турсунзода бо сарбозони дидбонгоҳҳои сарҳадӣ вохӯрӣ доир шуд
Имрӯз дар баъзе ноҳияҳои Тоҷикистон борони бошиддат меборад
Наврасону ҷавонони ноҳияи Мурғоб дар ҳашари экологии «Соҳили тоза-2026» иштирок намуданд
«МегаФон Тоҷикистон»: Касбу кор аз хазина оғоз меёбад
Хайриддин Усмонзода бо роҳбари Маркази минтақавии СММ оид ба дипломатияи пешгирикунанда барои Осиёи Марказӣ вохӯрӣ намуд
