ОГОҲИИ АГЕНТИИ ОБУҲАВОШИНОСӢ. Ҳафтаи равон дар ноҳияҳои ҷануби Тоҷикистон то 45+48 дараҷа гарм мешавад
ДУШАНБЕ, 19.07.2022 /АМИТ «Ховар»/. Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон ба таваҷҷуҳи сокинони мамлакат мерасонад, ки аз 19 то 23 июл дар ҷумҳурӣ баландшавии ҳарорати ҳаво дар назар буда, рӯзона дар водиҳо 39+44 дараҷа гарм, дар ноҳияҳои ҷанубӣ то 45+48 дараҷа гарм ва дар ноҳияҳои алоҳидаи кӯҳӣ ва доманакӯҳӣ то 35+40 дараҷа гармӣ пешгӯӣ мешавад.
Бино ба иттилои манбаъ, 19-23 июл бо сабаби ҳавои гарм дар ҳавзаи дарёҳои Панҷ, Вахш ва Зарафшон баландшавии сатҳи оби дарёҳо пешгӯӣ мешавад. Инчунин 19-20 июл дар ноҳияҳои кӯҳӣ ва баландкӯҳи ҷумҳурӣ, ба истиснои шарқи Вилояти Мухтори Кӯҳистони Бадахшон сар задани селҳои пиряхӣ аз эҳтимол дур нест.
Тавре муовини директори Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон Ҷамила Байдуллоева ба АМИТ «Ховар» иттилоъ дод, аз 19 то 24 июл дар вилояти Хатлон ҳаво шабона то 33 дараҷа гарм ва рӯзона то 47+48 дараҷа гарм мешавад.
Дар вилояти Суғд дар ин рӯзҳо шабона ҳаво то 25 дараҷа ва рӯзона то 41+43 дараҷа гарм мешавад.
Дар ғарби ВМКБ ҳаво шабона 25 дараҷа ва рӯзона 40 дараҷа гарм мешавад. Инчунин дар ноҳияи Дарвоз гармии то 43 дараҷа пешгӯӣ мешавад.
Дар ноҳияҳои тобеи марказ ва шаҳри Душанбе гармии ҳаво шабона 25+26 ва рӯзона то 44 дараҷа дар назар аст.
АКС: АМИТ «Ховар»
Пешвои миллат: «Фалсафаи ҷашни Меҳргон инсонҳоро ба адолатхоҳӣ, баробарӣ ва меҳрубонӣ ҳидоят мекунад»
Дар Душанбе Форуми ёздаҳуми миллӣ оид ба волоияти қонун доир мешавад
Вазири меҳнат, муҳоҷират ва шуғли аҳолии Тоҷикистон дар Давҳа бо роҳбари ширкати қатарии «Jusour» мулоқот намуд
Дар Маркази ҷумҳуриявии илмии ҷарроҳии дилу рагҳо шуъбаи ҷарроҳии бариатрикӣ ва герниологӣ пас аз таъмиру азнавсозӣ ба истифода дода шуд
Ҳамкории Тоҷикистону Қатар дар самти меҳнат ва шуғли аҳолӣ тақвият меёбад
Намояндаи Тоҷикистон дар Конфронси шашуми вазирони меҳнати кишварҳои аъзои СҲИ иштирок намуд
КУМАКҲОИ УНВОНИИ ИҶТИМОӢ. Ба қишри осебпазири Тоҷикистон беш аз 917 миллион сомонӣ кумак расонида шуд
Дар Давҳа масъалаи омодасозии мутахассисон барои бозори меҳнат баррасӣ шуд
Дар Душанбе форуми минтақавӣ-ҷаласаи роҳбарони сохторҳои ҳолатҳои фавқулода аз давлатҳои Осиёи Марказӣ идома дорад
Дар Тоҷикистон ҷарроҳии мураккаби мағзи сар гузаронида шуд
Дурнамои рушди соҳаи таҳсилоти ибтидоӣ ва миёнаи касбӣ дар Тоҷикистон бо намояндагони Ассотсиатсияи кумак ва ёрии Ҷопон баррасӣ гардид
Ҳайати ҳокимияти судии Тоҷикистон дар Женева дар форуми байналмилалӣ иштирок намуд
