Сироҷиддин Муҳриддин дар ҷаласаи Шӯрои вазирони корҳои хориҷии давлатҳои узви СҲШ дар Тошканд иштирок мекунад
ДУШАНБЕ, 28.07.2022 /АМИТ «Ховар»/. Имрӯз ҳайати Ҷумҳурии Тоҷикистон таҳти роҳбарии Вазири корҳои хориҷии мамлакат Сироҷиддин Муҳридин ҷиҳати иштирок дар ҷаласаи Шӯрои вазирони корҳои хориҷии давлатҳои узви Созмони ҳамкории Шанхай (СҲШ), ки 28-29 июл дар Тошканд баргузор мегардад, ба Узбекистон сафар кард. Дар ин бора ба АМИТ «Ховар» намояндаи расмии Вазорати корҳои хориҷии Ҷумҳурии Тоҷикистон Шоҳин Самадӣ иттилоъ дод.
Интизор меравад, дар доираи ин сафар Сироҷиддин Муҳридин бо ҳамтоёнаш якчанд мулоқотҳои дуҷониба анҷом дода, дар ҷаласаи Шӯрои вазирони корҳои хориҷии давлатҳои узви СҲШ ширкат варзад.
Феълан раёсат дар СҲШ бар зиммаи Узбекистон аст.
Қобили зикр аст, ки ҷаласаи охирини Шӯрои вазирони корҳои хориҷии давлатҳои узви СҲШ 13-14 июли соли 2021 дар шаҳри Душанбе, замоне ки раёсат дар созмонро Тоҷикистон бар зимма дошт, баргузор шуда буд.
Дар ҷаласаи Шӯрои сарони давлатҳои узви СҲШ дар Душанбе моҳи сентябри соли 2021 тартиби пазируфтани Эрон ба ин созмон ва додани мақоми шарики муколама ба Миср, Қатар ва Арабистони Саудӣ оғоз шуд.
СҲШ созмони байналмилалӣ буда, соли 2001 таъсис ёфтааст. Аъзои он Ҳиндустон, Қазоқистон, Чин, Қирғизистон, Русия, Тоҷикистон, Покистон ва Узбекистон мебошанд.
Кишварҳои нозир дар СҲШ Афғонистон, Беларус, Эрон ва Муғулистон ва кишварҳои шарик Озарбойҷон, Арманистон, Камбоҷа, Непал, Туркия ва Шри-Ланка мебошанд.
АКС: АМИТ «Ховар»/ ВКХ ҶТ
Тоҷикистон дар таҳкими ҳамкории сиёсӣ, иқтисодӣ ва башардӯстона дар доираи ИДМ саҳми назаррас дорад
Аҳмад ибни Муҳаммад Ас-Сайид: «Робитаҳои иқтисодии Тоҷикистону Қатар муҳим арзёбӣ мегарданд»
Қоҳир Расулзода бо Валиаҳди Салтанати Негери Сембилани Малайзия Шоҳзода Тунку Алӣ Ризауддин ибни Муҳри мулоқот намуд
Холид Ал-Фолеҳ: «Арабистони Саудӣ дар Тоҷикистон беш аз 14 лоиҳаро тавассути Фонди саудии рушд амалӣ намудааст»
Намояндаи Тоҷикистон дар Форум оид ба сиёсати бетарафӣ, зеҳни сунъӣ (AI) ва ояндаи рақамӣ иштирок намуд
Сафири Тоҷикистон дар Конгресси ҷаҳонӣ оид ба ҳифзи табиат дар Абу Забӣ иштирок намуд
Сироҷиддини Муҳриддин: «Музокироти сарони кишварҳои ИДМ дар фазои созандаю самарабахш ва корӣ баргузор шуд»
Сергей Лебедев аз нав Дабири кулли Иттиҳоди Давлатҳои Мустақил таъйин гардид
Имрӯз дар Тоҷикистон ҷаласаи Шурои сарони кишварҳои Иттиҳоди Давлатҳои Мустақил баргузор мегардад
Сарвазири Арманистон Никол Пашинян бо сафари корӣ ба Тоҷикистон ташриф овард
Дар Душанбе ҷаласаи Шурои вазирони корҳои хориҷии кишварҳои иштирокдори ИДМ доир шуд
