ВКД ҶТ: соли равон дар Тоҷикистон 472 сӯхтор ба қайд гирифта шуда, хисороти онҳо беш аз 14 миллион сомониро ташкил дод
ДУШАНБЕ, 19.07.2022 /АМИТ «Ховар»/. Вазири корҳои дохилии Тоҷикистон Рамазон Раҳимзода имрӯз ба хабарнигорон гуфт, кидар тӯли шаш моҳи соли равон дар натиҷаи сӯхтори амволи давлатӣ ва шахсии шаҳрвандон ба маблағи 14 миллиону 394 ҳазор сомонӣ хисороти моддӣ расонида шуд.
Ба гуфтаи ӯ, ин нишондод нисбат ба соли гузашта кам буда, соли 2021 хисороти расонидашуда дар ҳамин давра 16 миллиону 722 ҳазор сомониро ташкил дода буд.
Дар давоми 6 мохи соли равон дар ҷумҳурӣ шумораи сӯхтор низ кам шудааст. Дар ин давра дар кишвар 472 ҳодисаи сӯхтор ба қайд гирифта шудааст, ки нисбат ба ҳамин давраи соли гузашта 83 ҳолат кам мебошад. Дар натиҷаи сӯхтор 9 нафар шаҳрвандон ба ҳалокат расиданд, ки 3 нафари онҳо ноболиғон мебошанд.
Сабаби сар задани сӯхтор асосан омили инсонӣ – хунукназарии одамон ва риоя накардани қоидаҳои бехатарии сӯхтор мебошад.
Асбобҳои гармидиҳӣ, ҳавополоҳо (кондитсионерҳо), шамолдиҳандаҳо (вентиляторҳо) ва дигар асбобҳои рӯзгор шабонарӯзӣ ва на ҳамеша мувофиқи қоидаҳои бехатарӣ истифода бурда мешаванд.
Имрӯз дар саросари кишвар беш аз 86 нуқтаи оташнишонӣ мавҷуданд, ки аксари онҳо дар замони истиқлолият кушода шудаанд.
Бо мақсади коҳиш додани хатари сӯхтор дар байни аҳолӣ «Барномаи бехатарии сӯхтор барои солҳои 2021-2025» қабул гардида, амалӣ мешавад ва дар якҷоягӣ бо намояндагони мақомоти иҷроияи маҳаллии ҳокимияти давлатӣ дар байни аҳолӣ дар ҳама сатҳҳо корҳои профилактикӣ ва фаҳмондадиҳӣ гузаронида мешаванд.
Дар давоми шаш моҳ кормандони Хадамоти оташнишонӣ дар ҷумҳурӣ ҳудуди 6000 муассисаҳои гуногунро ҷиҳати риояи қоидаҳои пешгирии сӯхтор тафтиш намуда, фаъолияти биноҳое, ки дар ҳолати таҳдиди сӯхтор қарор доранд, боздошта мешавад.
Елена БАТЕНКОВА,
Акрамхоҷа АКБАР,
АМИТ «Ховар»
АКС: АМИТ «Ховар»
Ҷаласаи Кумитаи роҳбарикунандаи Барномаи муштараки «Тағйир додани низоми озуқаворӣ барои беҳтар намудани ғизо дар Тоҷикистон» доир шуд
ОГОҲӢ! Аз 5 то 7 август дар баъзе минтақаҳои Тоҷикистон сар задани сел пешгӯӣ мешавад
Аз 1 август ҳаракати нақлиёт дар баъзе кӯчаҳои шаҳри Душанбе муваққатан маҳдуд карда мешавад
ИМРӮЗ — РӮЗИ КОРМАНДОНИ ХАДАМОТИ ОТАШНИШОНӢ. Кормандони ин ниҳод барои ҳифзи ҷони шаҳрвандон ба таври шабонарӯзӣ фаъолият менамоянд
Масъалаҳои таҳкими ҳамкории Тоҷикистон ва Чин дар самти мубориза бо ҷинояткорӣ баррасӣ гардиданд
Котиби Шурои амнияти мамлакат бо Сафири Покистон дар Тоҷикистон мулоқот намуд
ҚОИДАҲОИ БЕХАТАРӢ АЗ СӮХТОРРО РИОЯ НАМОЕД! Дар Тоҷикистон беш аз 500 ҳодисаи сӯхтор ба қайд гирифта шудааст
Прокуратураи генералӣ оид ба иҷрои қонунгузории мамлакат беш аз 4,6 ҳазор санҷиш гузаронид
Дар Тоҷикистон беш аз 600 ҳолати машғул шудан ба ҷодугарӣ ва фолбинӣ ошкор карда шуд
НИШАСТИ МАТБУОТӢ. Дар Тоҷикистон сатҳи содиршавии ҷиноят 10,3 фоиз коҳиш ёфтааст
Рамазон Раҳимзода: «Ҷавобгарӣ барои таваққуф дар қаторҳои дуюм ва сеюм пурзӯр карда мешавад»
НИШАСТИ МАТБУОТӢ. Дар шаш моҳи соли 2026 сатҳи ҷинояткорӣ байни ноболиғон ва ҷавонон зиёд шудааст
